ശബരിമലയിലെ ടോയ്​ലറ്റുകൾ വനം വകുപ്പ്​ പൊളിച്ചു

പത്തനംതിട്ട: ശബരിമലയിൽ ദേവസ്വം ബോർഡ്​ നിർമിച്ച ടോയ്​ലറ്റുകൾ മുന്നറിയിപ്പില്ലാതെ വനം വകുപ്പ്​ പൊളിച്ചതായി പരാതി. വലിയ നടപ്പന്തൽ തുടങ്ങുന്നതിനുമുമ്പ്​ ഗവ. ആശുപത്രിക്കടുത്താണ്​  30 ശൗചാലയങ്ങളുള്ളത്​. നിലവിൽ ഇത്​ വനം വകുപ്പ്​ നിർമിച്ച ജണ്ടക്ക്​ പുറത്താണെന്ന്​ ദേവസ്വം ബോർഡ്​ പറയുന്നു. 1965ലെ ഉത്തരവ്​ പ്രകാരമുള്ള സർ​േവയിൽ ദേവസ്വം ബോർഡി​​െൻറ പാട്ടഭൂമിയിലാണിതെന്നും പറയുന്നു. 

പമ്പയിൽനിന്ന്​ എത്തു​​േമ്പാഴുള്ള ആദ്യ ടോയ്​ലറ്റ്​ സമുച്ചയമായതിനാൽ ഭക്തർ കൂടുതലായി ഉപയോഗിക്കുന്നവത്​ ഇതാണ്​​. ശൗചാലയങ്ങൾ ലേലം ചെയ്​തിരുന്ന കാലത്ത്​ ഇവ എ വിഭാഗത്തിൽ വരുന്നവയായിരുന്നു. നിലവിൽ പുതിയ ടോയ്​ലറ്റ്​ കോംപ്ലക്​സ്​ ഒഴികെ എല്ലാ ടോയ്​ലറ്റുകളും സൗജന്യമായാണ്​ ഉപയോഗിക്കുന്നത്​. 2016ലെ സീസൺവരെ ഇവ ഉപയോഗിച്ചിരുന്നതായും ദേവസ്വം ബോർഡ്​ പറയുന്നു.  

ടോയ്​ലറ്റുകളുടെ പിന്നിലുള്ള സെപ്​റ്റിക്​ ടാങ്കുകളിലേക്കാണ്​ ഇതിന്​ കണക്​ഷൻ നൽകിയിട്ടുള്ളത്​. ഒാവർ​ഫ്ലോ കണക്​ഷൻ നടപ്പന്തലിന്​ കിഴക്കുഭാഗത്തുള്ള സെപ്​റ്റിക്​ ടാങ്കിലേക്കുമാണ്​. ഇവ പുതിയ സ്വീവേജ്​ ട്രീറ്റ്​മ​െൻറ്​ പ്ലാൻറുമായി കണക്​ട്​ ചെയ്യുന്നത്​ വനം വകുപ്പ്​ തടസ്സപ്പെടുത്തിയിരുന്നു. തുടർന്ന്​ കഴിഞ്ഞ സീസൺ മുതൽ ഉപയോഗിക്കാൻ കഴിയാത്ത അവസ്ഥയിലാണ്​. സ്വീവേജ്​ ട്രീറ്റ്​മ​െൻറ്​​ പ്ലാൻറിനോട്​ ബന്ധിപ്പിക്കാവുന്നതും നൂറുകണക്കിന്​ പേർക്ക്​ ഉപയോഗിക്കാവുന്നതുമായ ടോയ്​ലറ്റ്​ പൊളിച്ചത്​ ഭക്തരോടുള്ള ക്രൂരതയാണെന്ന്​ ദേവസ്വം ബോർഡ്​ വിലയിരുത്തുന്നു.