ശബരിമല: പ്രധാനമന്ത്രിയുടേത്​ വാചകക്കസര്‍ത്ത് -ചെന്നിത്തല

തിരുവനന്തപുരം: ശബരിമല വിഷയത്തില്‍ പ്രധാനമന്ത്രി നരേന്ദ്ര മോദി നടത്തിയത് വെറും രാഷ്​ട്രീയ വാചകക്കസര്‍ത്ത് മ ാത്രമെന്ന് പ്രതിപക്ഷ നേതാവ് രമേശ് ചെന്നിത്തല. ശബരിമല വിഷയത്തില്‍ നാട്ടില്‍ കലാപമുണ്ടാക്കി അതില്‍നിന്ന്​ രാഷ ്​ട്രീയ മുതലെടുപ്പ് നടത്താനുള്ള പരിശ്രമമാണ് ബി.ജെ.പി നടത്തിയത്. എന്നാല്‍, കോണ്‍ഗ്രസിനും യു.ഡി.എഫിനും ആദ്യം മുതൽ ഒറ്റ നിലപാടാണ്​. അത് വിശ്വാസികളുടെ വികാരങ്ങള്‍ക്കൊപ്പം നില്‍ക്കുക എന്നതാണ്.

ഇക്കാര്യത്തില്‍ കോണ്‍ഗ്രസ് സംസ്ഥാന നേതൃത്വത്തി​​​​െൻറ നിലപാട് പ്രസിഡൻറ്​ രാഹുല്‍ ഗാന്ധി ഉള്‍ക്കൊണ്ടു. ശബരിമല യുവതിപ്രവേശനത്തെ ആദ്യം അംഗീകരിക്കുകയും സുവർണാവസരമെന്ന് കണ്ട്​ പിന്നീട്​ നിലപാട് മാറ്റുകയുമാണ് ബി.ജെ.പി ചെയ്തത്. യുവതി പ്രവേശനം ആവശ്യപ്പെട്ട് സുപ്രീംകോടതിയില്‍ പോയവര്‍പോലും സംഘ്​പരിവാര്‍ പശ്ചാത്തലമുള്ളവരായിരുന്നെന്ന കാര്യം പ്രധാനമന്ത്രി മറക്കരുതെന്നും ചെന്നിത്തല വാർത്താകുറിപ്പിൽ കൂട്ടിച്ചേർത്തു.