ശബരിമല: പ്രതിഷേധം തുടരുമെന്ന് ചെന്നിത്തല

തിരുവനന്തപുരം: ശബരിമല വിഷയത്തിൽ പ്രതിഷേധം തുടരുമെന്ന് പ്രതിപക്ഷ നേതാവ് രമേശ് ചെന്നിത്തല. തങ്ങളെല്ലാവരും ശബരിമല സന്ദർശിച്ചവരാണ്. അവിടെ അടിസ്ഥാന സൗകര്യങ്ങൾ ഇല്ല. കുളിമുറി, ശുചിമുറി, വിരിവെക്കാൻ സ്ഥലം എന്നിവക്കുള്ള സൗകര്യങ്ങളില്ലെന്നും ചെന്നിത്തല ചൂണ്ടിക്കാട്ടി.

ഒരു ഒാലപ്പുര പോലും ഈ മണ്ഡല കാലത്ത് നിർമിക്കാൻ സംസ്ഥാന സർക്കാറിന് സാധിച്ചിട്ടില്ല. ഭക്തർ ശബരിമലയിലേക്ക് വരരുതെന്ന നിർബന്ധബുദ്ധിയാണ് സർക്കാറിനുള്ളത്. ബി.ജെ.പി‍യുടെ ഇടതു സർക്കാറും തമ്മിലുള്ള അവിശുദ്ധ കൂട്ടുക്കെട്ടാണ് നടക്കുന്നതെന്നും ചെന്നിത്തല മാധ്യമങ്ങളോട് പറഞ്ഞു.