ശബരിമല തീർഥാടകരുടെ വാഹനം മറിഞ്ഞ് അപകടം; 15 പേർക്ക് പരിക്ക്

ഇടുക്കി: ശബരിമല തീർഥാടകരുടെ വാഹനം മറിഞ്ഞുണ്ടായ അപകടത്തിൽ 15 പേർക്ക് പരിക്ക്. തിരുവണ്ണാമലയിൽ നിന്ന് ശബരിമലയിലേക്ക് പോയ തമിഴ്നാട് സ്വദേശികൾ സഞ്ചരിച്ച വാഹനമാണ് അപകടത്തിൽപ്പെട്ടത്.

കുട്ടിക്കാനത്തിന് സമീപമാണ് അപകടമുണ്ടായത്. പരിക്കേറ്റ നാലുപേരെ പീരുമേട് താലൂക്ക് ആശുപത്രിയിൽ പ്രവേശിപ്പിച്ചു. മറ്റുള്ളവരെ സ്വകാര്യ ആശുപത്രിയിൽ പ്രാഥമിക ചികിത്സ നൽകി വിട്ടയച്ചു.