ശബരിമല തീര്‍ഥാടകർ മെഡിക്കല്‍ രേഖകള്‍ കരുതണം -മന്ത്രി വീണ ജോർജ്
text_fields
പത്തനംതിട്ട: ശബരിമലയില്‍ എത്തുന്ന തീര്‍ഥാടകര്‍ ഉള്‍പ്പെടെ എല്ലാവരും നിലവില്‍ എന്തെങ്കിലും ചികിത്സ നടത്തുകയോ മരുന്ന് ഉപയോഗിക്കുകയോ ചെയ്യുന്നുണ്ടെങ്കില്‍ അതിന്റെ മെഡിക്കല്‍ രേഖകള്‍ കൈയില്‍ കരുതണമെന്ന് മന്ത്രി വീണ ജോർജ് അഭ്യർഥിച്ചു. ശബരിമല തീര്‍ഥാടനം ആരംഭിക്കാൻ അഞ്ചുദിവസം മാത്രം ശേഷിക്കെ തയാറെടുപ്പുകൾ വിലയിരുത്താൻ ചേർന്ന യോഗത്തിൽ സംസാരിക്കുകയായിരുന്നു മന്ത്രി.
. നീലിമലയിലും അപ്പാച്ചിമേട്ടിലും കാര്‍ഡിയോളജി സെന്ററുകൾ പ്രവര്‍ത്തിക്കും. എരുമേലിയില്‍നിന്നുള്ള കാനനപാതയില്‍ വനം വകുപ്പിന്റെ സഹകരണത്തോടെ മൂന്ന് എമര്‍ജന്‍സി മെഡിക്കല്‍ സെന്ററുകള്‍ പ്രവര്‍ത്തിക്കും. കരിമലയില്‍ ജനുവരി ഒന്നു മുതല്‍ 14 വരെ മകരവിളക്കിനോട് അനുബന്ധിച്ച് ഡിസ്പെന്‍സറി പ്രവര്‍ത്തിക്കും. പത്തനംതിട്ട ജനറല്‍ ആശുപത്രിയില്‍ ശബരിമല തീര്‍ഥാടകര്‍ക്കായുള്ള വാര്‍ഡ് 15ന് തുറക്കും മന്ത്രി പറഞ്ഞു.