You are here

ശബരിമല നട തുറന്നു; മണ്ഡലകാല തീർത്ഥാടനത്തിന് തുടക്കം -VIDEO

17:58 PM
16/11/2019
sabarimala-3161119.jpg

പത്തനംതിട്ട: മണ്ഡലകാല തീർത്ഥാടനത്തിന് തുടക്കം കുറിച്ച് ശബരിമല നട തുറന്നു. ശനിയാഴ്ച വൈകീട്ട് അഞ്ചിന് തന്ത്രി കണ്ഠര് മഹേശ്വര് മോഹനരും മേല്‍ശാന്തി വി.എന്‍.വാസുദേവന്‍ നമ്പൂതിരിയും ചേര്‍ന്നാണ് നട തുറന്നത്. 

നട തുറന്നതിന് ശേഷം മേല്‍ശാന്തി വി.എന്‍.വാസുദേവന്‍ നമ്പൂതിരി പതിനെട്ടാം പടിക്ക് മുന്നിലുള്ള ആഴിക്ക് അഗ്നി പകര്‍ന്നു. ശനിയാഴ്ച പ്രത്യേകപൂജകള്‍ ഒന്നും ഉണ്ടാകില്ല. ഞായറാഴ്ച മുതല്‍ മണ്ഡലകാല പൂജകളോടെ ക്ഷേത്ര ചടങ്ങുകള്‍ 41 ദിവസവും ഉണ്ടാകും. 

അതിനിടെ, യുവതികൾ ശബരിമലയിൽ ദർശനം നടത്തുന്ന കാര്യത്തിൽ പൊലീസ് കനത്ത ജാഗ്രത പാലിക്കുകയാണ്. ശനിയാഴ്ച ആന്ധ്രപ്രദേശിൽ നിന്നുള്ള തീർഥാടക സംഘത്തിലെ യുവതികളെ പൊലീസ് നിലവിലെ സാഹചര്യം വിശദീകരിച്ച് തിരിച്ചയച്ചിരുന്നു. 
 
sabarimala2-161119.jpg
വാഹനങ്ങൾ പൊലീസ് പരിശോധിക്കുന്നു
 

Loading...
COMMENTS