ശബരിമല മണ്ഡലകാല തീര്‍ഥാടനം നാളെ മുതല്‍

പത്തനംതിട്ട: മണ്ഡലകാല തീര്‍ഥാടനത്തിനായി ശബരിമല നാളെ തുറക്കും. വൈകീട്ട് അഞ്ചിന് തന്ത്രിമാരായ കണ്ഠര് രാജീവര്, കണ്ഠര് ബ്രഹ്മദത്തന്‍ എന്നിവരുടെ സാന്നിധ്യത്തില്‍ ശബരിമല മേല്‍ശാന്തി പി.എന്‍. മഹേഷാണ് നട തുറക്കും. നവംബർ മാസത്തിലെ വെർച്വൽ ക്യൂ ബുക്കിങ് പൂർത്തിയായി.

നാളെ പുതിയ മേല്‍ശാന്തിമാരുടെ സ്ഥാനാരോഹണവും ഭക്തര്‍ക്ക് ദര്‍ശനവും മാത്രമേ ഉണ്ടാകു. പൂജകള്‍ ഇല്ല. പുതിയ മേല്‍ശാന്തിമാരായ എസ്. അരുണ്‍ കുമാര്‍ നമ്പൂതിരി, വാസുദേവന്‍ നമ്പൂതിരി (മാളികപ്പുറം) എന്നിവരുടെ സ്ഥാനാരോഹണം വൈകീട്ട് ആറ് മണിക്ക് നടക്കും. ആദ്യം ശബരിമല ക്ഷേത്രത്തിലെയും പിന്നീട് മാളികപ്പുറത്തെയും മേൽശാന്തിമാരുടെ അഭിഷേകമാണ് നടക്കുന്നത്.

70,000 പേ​ർ​ക്ക്​ വെ​ർ​ച്വ​ൽ ക്യൂ ​വ​ഴി​യും 10,000 പേ​ർ​ക്ക്​ ത​ത്സ​മ​യ ബു​​ക്കി​ങ്ങു​മ​ട​ക്കം 80,000 പേ​ർ​ക്ക്​ പ്ര​തി​ദി​ന ദ​ർ​ശ​ന സൗ​ക​ര്യ​മൊ​രു​ക്കും. പമ്പ, എരുമേലി, വണ്ടിപ്പെരിയാർ എന്നിവിടങ്ങളിൽ നിന്നാണ് ത​ത്സ​മ​യ ബുക്കിങ്ങിനുള്ള അവസരമുള്ളത്. ആ​ധാ​ർ രേ​ഖ​ക​ൾ ന​ൽ​കി​യാ​ണ്​ ത​ത്സ​മ​യ ബു​ക്കി​ങ്​ ന​ട​ത്തേ​ണ്ട​ത്. ആ​ധാ​ർ ഇ​ല്ലാ​ത്ത​വ​ർ പാ​സ്​​പോ​ർ​ട്ടോ വോ​ട്ട​ർ ഐ.​ഡി​യോ ക​രു​ത​ണം.

പു​ല​ർ​ച്ചെ മൂ​ന്ന്​ മു​ത​ൽ ഉ​ച്ച​ക്ക്​​ ഒ​രു​മ​ണി​വ​രെ​യും ഉ​ച്ച​ക്ക്​ മൂ​ന്ന്​ മു​ത​ൽ രാ​ത്രി 11 വ​രെ​യു​മാ​ണ് ദ​ർ​ശ​ന സ​മ​യം. ക​ഴി​ഞ്ഞ വ​ർ​ഷം 16 മ​ണി​ക്കൂ​റാ​യി​രു​ന്ന​ത്​ ഇ​ക്കു​റി 18 മ​ണി​ക്കൂ​റാ​യി വ​ർ​ധി​പ്പി​ച്ചി​ട്ടു​ണ്ട്. തീ​ർ​ഥാ​ട​ക​രു​​ണ്ടെ​ങ്കി​ൽ ന​ട​യ​ട​ക്കുന്ന സ​മ​യം അ​ര​മ​ണി​ക്കൂ​ർ വ​രെ ദീ​ർ​ഘി​പ്പി​ക്കും.