മ​ണ്ഡ​ല​കാ​ല​ തീർഥാടനം: ശ​ബ​രി​മ​ല നട തുറന്നു

ശ​ബ​രി​മ​ല: വൃ​ശ്ചി​ക​പ്പു​​ല​രി​യു​ടെ ത​ലേ​ന്ന്, ആ​ശ​ങ്ക​ക​ള​ക​ന്ന സ​ന്ധ്യ​യി​ൽ, മ​ണ്ഡ​ല​കാ​ല​ത്തി​ന്​ തു​ട​ക്കം​കു​റി​ച്ച്​ ശ​ബ​രി​മ​ല ന​ട തു​റ​ന്നു. സ​മ​ര​ക്കാ​രു​ടെ ബ​ഹ​ള​വും അ​തി​​​െൻറ പി​രി​മു​റു​ക്ക​വു​മി​ല്ലാ​ത്ത സ​മാ​ധാ​ന അ​ന്ത​രീ​ക്ഷ​മാ​യി​രു​ന്നു വെ​ള്ളി​യാ​ഴ്ച ശ​ബ​രി​മ​ല പ്ര​ദേ​ശ​മാ​കെ. ഇ​ത് ഭ​ക്ത​ർ​ക്ക് സു​ഖ​ദ​ർ​ശ​ന​ത്തി​ന് വ​ഴി​യൊ​രു​ക്കി. ഇ​തോ​ടെ, ശ​ര​ണാ​ര​വ​ങ്ങ​ളോ​ടെ അ​യ്യ​പ്പ​സ​ന്നി​ധി​യി​ലേ​ക്കു​ള്ള തീ​ർ​ഥാ​ട​ക​രു​ടെ ഒ​ഴു​ക്കി​നും തു​ട​ക്ക​മാ​യി.

രാ​വി​ലെ മു​ത​ൽ ബേ​സ് ക്യാ​മ്പാ​യ നി​ല​ക്ക​ലി​ൽ എ​ത്തി​ത്തു​ട​ങ്ങി​യ ഭ​ക്ത​രെ ഉ​ച്ച​ക്ക് 12 മു​ത​ലാ​ണ് ബ​സു​ക​ളി​ൽ പ​മ്പ​യി​ലേ​ക്ക് പോ​കാ​ൻ അ​നു​വ​ദി​ച്ച​ത്. സ്​​ത്രീ പ്ര​വേ​ശ​ന​ത്തെ എ​തി​ർ​ക്കു​ന്ന സ​മ​ര​ക്കാ​രു​ടെ നു​ഴ​ഞ്ഞു​ക​യ​റ്റം ത​ട​യാ​ൻ സു​ര​ക്ഷ പ​രി​ശോ​ധ​ന​ക്ക് ശേ​ഷ​മാ​ണ് സ​ന്നി​ധാ​ന​ത്തേ​ക്കു​ള്ള പ്ര​വേ​ശ​നം. പൊ​ലീ​സ്​ നി​യ​ന്ത്ര​ണ​ങ്ങ​ൾ തീ​ർ​ഥാ​ട​ക​രെ വ​ല​ക്കു​ന്നു​വെ​ന്ന പ​രാ​തി വ്യാ​പ​ക​മാ​യ​തോ​ടെ രാ​ത്രി​യോ​ടെ ക​ർ​ക്ക​ശ നി​ല​പാ​ടു​ക​ളി​ൽ അ​യ​വു​വ​രു​ത്തി. തു​ലാ​മാ​സ, ചി​ത്തി​ര ആ​ട്ട​വി​ശേ​ഷ പൂ​ജ​ക​ൾ​ക്ക് ന​ട തു​റ​ന്ന​പ്പോ​ൾ ഉ​ണ്ടാ​യ​തു​പോ​ലെ നാ​മ​ജ​പ പ്ര​തി​ഷേ​ധ​വു​മാ​യി ബി.​ജെ.​പി, ആ​ർ.​എ​സ്.​എ​സ് നേ​താ​ക്ക​ളാ​രും എ​ത്താ​തി​രു​ന്ന​താ​ണ് സ​മാ​ധാ​നം സം​ജാ​ത​മാ​ക്കി​യ​ത്.

മെ​റ്റ​ൽ ഡി​റ്റ​ക്ട​റി​ൽ പ​രി​ശോ​ധി​ച്ച ശേ​ഷ​മാ​ണ് പ​മ്പ​യി​ൽ​നി​ന്ന്​ തീ​ർ​ഥാ​ട​ക​രെ ക​ട​ത്തി​വി​ടു​ന്ന​ത്. രാ​ത്രി 11ന്​​ ​ഹ​രി​വ​രാ​സ​നം പാ​ടി ന​ട​യ​ട​ച്ചു. ശ​നി​യാ​ഴ്​​ച പു​ല​ർ​ച്ച​ നാ​ലി​ന്​​ പു​തി​യ മേ​ൽ​ശാ​ന്തി വി.​എ​ൻ. വാ​സു​ദേ​വ​ൻ ന​മ്പൂ​തി​രി​യാ​യി​രി​ക്കും ന​ട തു​റ​ക്കു​ന്ന​ത്.

ഡി​സം​ബ​ർ 27ന് ​മ​ണ്ഡ​ല​പൂ​ജ ന​ട​ക്കും. അ​ന്ന് രാ​ത്രി 10ന് ​ന​ട​യ​ട​യ്ക്കും. മ​ക​ര​വി​ള​ക് ഉ​ത്സ​വ​ത്തി​നാ​യി ഡി​സം​ബ​ർ 30ന് ​വീ​ണ്ടും തു​റ​ക്കും. ജ​നു​വ​രി 11ന് ​പ്ര​സി​ദ്ധ​മാ​യ എ​രു​മേ​ലി പേ​ട്ട​തു​ള്ള​ൽ ന​ട​ക്കും. 12ന് ​പ​ന്ത​ള​ത്തു ​നി​ന്ന്​ തി​രു​വാ​ഭ​ര​ണ ഘോ​ഷ​യാ​ത്ര പു​റ​പ്പെ​ടും. 13ന് ​പ​മ്പ​സ​ദ്യ​യും പ​മ്പ​വി​ള​ക്കും. 14ന് ​മ​ക​ര​വി​ള​ക്ക്. ജ​നു​വ​രി 20ന് ​ന​ട​യ​ട​യ്​​ക്കു​ം.

അതേസമയം, സം​ഘ​ർ​ഷ സാ​ധ്യ​ത ക​ണ​ക്കി​ലെ​ടു​ത്ത്​ ന​വം​ബ​ര്‍ 15ന് ​അ​ര്‍ധ​രാ​ത്രി മു​ത​ല്‍ 22ന് ​അ​ര്‍ധ​രാ​ത്രി​വ​രെ​ ഇ​ല​വു​ങ്ക​ല്‍ മു​ത​ല്‍ സ​ന്നി​ധാ​നം​ വ​രെ ജി​ല്ല ക​ല​ക്ട​ർ പി.​ബി. നൂ​ഹ് നി​രോ​ധ​നാ​ജ്ഞ ഏ​ർ​പ്പെ​ടു​ത്തി​യി​ട്ടു​ണ്ട്​. ദ​ർ​ശ​ന​ത്തി​നെ​ത്തു​ന്ന​വ​ർ​ക്കാ​യി പൊ​ലീ​സ്​ ത​യാ​റാ​ക്കി​യ ബു​ക്കി​ങ്​​ സി​സ്​​റ്റ​ത്തി​ൽ ​ര​ജി​സ്​​റ്റ​ർ ചെ​യ്​​ത സ്​​ത്രീ​ക​ളു​ടെ എ​ണ്ണം 800ന​ടു​ത്താ​യ​താ​യാ​ണ്​ ക​ണ​ക്ക്. ര​ജി​സ്​​റ്റ​ർ ചെ​യ്യാ​തെ എ​ത്തു​ന്ന​വ​രും ഏ​റെ​യു​ണ്ടാ​വു​മെ​ന്നാ​ണ്​ റിപ്പോർട്ട്.