You are here

ശബരിമലയിൽ സ്​ത്രീയെ തടഞ്ഞ സംഭവം; 150 പേരുടെ ഫോ​േട്ടാ തയാറാക്കി പൊലീസ്​

10:36 AM
09/11/2018
Photo

പത്തനംതിട്ട: ശബരിമലയിൽ ദർശനത്തിനെത്തിയ സ്ത്രീയെ തടഞ്ഞ സംഭവത്തിൽ പ്രതികളുടെ ഫോ​​േട്ടാകൾ പൊലീസ് തയാറാക്കി. 150 പേരുടെ ഫോട്ടോകൾ ഉള്‍പ്പെടുത്തിയുള്ള ആല്‍ബമാണ്​ പൊലീസ്​ തയാറാക്കിയത്​. ഇവരുടെ വിവരങ്ങള്‍ ശേഖരിച്ച്​ വരികയാണ്.

സംഘർഷത്തി​​െൻറ ദൃശ്യങ്ങൾ പരിശോധിച്ചാണ് ഫോ​​േട്ടാ തയാറാക്കിയത്. യുവമോര്‍ച്ച സംസ്ഥാന പ്രസിഡൻറ്​ അഡ്വ. പ്രകാശ് ബാബുവി​​െൻറ ഫോ​േട്ടായും പ്രതികളുടെ കൂട്ടത്തിലുണ്ട്​. ഫോ​േട്ടാകൾ സംസ്ഥാനത്തെ എല്ലാ ജില്ലാ പൊലീസ് മേധാവികൾക്കും അയച്ചുകൊടുത്തു. 

ചിത്തിര ആട്ടവിശേഷത്തിന് നട തുറന്നപ്പോൾ ദർശനത്തിന്​ സ്ത്രീക്ക് 50 വയസിൽ താഴെയാണ് പ്രായം എന്നാരോപിച്ചാണ് ഇരുനൂറോളം പേർ ചേർന്ന്​ ഇവരെ തടഞ്ഞത്. അക്രമികൾ ഇവരെ മർദിക്കുകയും ചെയ്​തിരുന്നുവെന്ന്​ ഭർത്താവ്​ ആരോപിച്ചിരുന്നു. മാധ്യമപ്രവർത്തകർക്ക്​ നേരെയും അക്രമമുണ്ടായിട്ടുണ്ട്​. സ്​ത്രീക്ക്​ 52 വയസാണെന്ന്​ പിന്നീട്​ തെളിഞ്ഞു. 

Loading...
COMMENTS