എൻ.എസ്.എസ് കാര്യങ്ങളെ കാണുന്നത് സമദൂരത്തിലല്ല -കാനം രാജേന്ദ്രൻ

തിരുവനന്തപുരം: എൻ.എസ്.എസ് കാര്യങ്ങളെ കാണുന്നത് സമദൂരത്തിലല്ലെന്ന് സി.പി.ഐ സംസ്ഥാന സെക്രട്ടറി കാനം രാജേന്ദ്രൻ . സമുദായ സംഘടന എന്ന നിലയിൽ നാട്ടിലുണ്ടാകുന്ന സംഭവ വികാസങ്ങളെ ശരിയായ രീതിയിൽ കാണുന്നുവെങ്കിൽ ഇത്തരം പ്രസ്താവന എൻ.എസ്.എസ് നടത്തില്ല. ഈ അക്രമത്തെ നിശ്ചയമായും എൻ.എസ്.എസ് അപലപിക്കുമായിരുന്നെന്നും കാനം മാധ്യമങ്ങളോട് പറഞ്ഞു.

എൻ.എസ്.എസിന്‍റെ പ്രസ്താവന നിലവാരമില്ലാത്തതെന്ന് മന്ത്രി ഇ.പി ജയരാജൻ പ്രതികരിച്ചു. ഇത്തരം പ്രസ്താവന നടത്തരുതായിരുന്നു. സംഘ്പരിവാറിനെ പിന്തുണക്കുന്ന നിലപാട് തിരുത്തണമെന്നും അദ്ദേഹം ആവശ്യപ്പെട്ടു.