ശബരിമല നട തുറന്നു

പമ്പ: ചിത്തിര ആട്ട വിശേഷങ്ങൾക്കായി ശബരിമല നട തുറന്നു. നിരോധനാജ്ഞക്കിടെയാണ്​ നട തുറന്നത്​. തന്ത്രി കണ്​ഠര്​ രാജീവരരുടെ നേതൃത്വത്തിൽ മേൽശാന്തിയും മറ്റ്​ ശാന്തിക്കാരും ചേർന്നാണ്​ നട തുറന്നത്​. തുടർന്ന്​ ശ്രീകോവിലിന്​ മുമ്പിൽ ഭക്​തജനങ്ങൾക്ക്​ പ്രസാദം വിതരണം ചെയ്​തു.

സന്നിധാനത്ത്​ വൻ ഭക്തജന തിരക്കാണ്​ അനുഭവപ്പെടുന്നത്​. നട തുറക്കുന്നതുമായി ബന്ധപ്പെട്ട്​ കർശനമായ സുരക്ഷാ സംവിധാനമാണ്​ സന്നിധാനത്തും പരിസരത്തുമായി ഏർപ്പെടുത്തിയിട്ടുള്ളത്​. ഉച്ചയോടെയാണന്​ ഭക്​തരെ സന്നിധാനത്തേക്ക്​ പ്രവേശിക്കാൻ അനുവദിച്ചത്​.

വനിത പൊലീസ്​ അടക്കം കനത്ത പൊലീസ്​ സംവിധാനമുള്ളതിനാൽ സന്നിധാനത്തും പരിസരത്തും പ്രശ്​നങ്ങളൊന്നും റിപ്പോർട്ട്​ ചെയ്​തിട്ടില്ല.