തീർഥാടകരെ തടസപ്പെടുത്തുന്നവർക്കെതിരെ മേൽനോട്ട സമതിക്ക് നടപടിയെടുക്കാം- ഹൈകോടതി

കൊച്ചി: ശബരിമലയിൽ തീർഥാടകർക്ക് തടസമുണ്ടാക്കുന്ന രീതിയിലുള്ള പ്രവർത്തനങ്ങളുണ്ടായാൽ നിരീക്ഷകർക്ക് തൽസമയം നടപടിയെടുക്കാമെന്ന് ഹൈകോടതി.
പൊലിസ്, ദേവസ്വം തുടങ്ങിയ വകുപ്പുകളുടെ ഭാഗത്ത് നിന്ന്​ ഭക്തർക്ക് തടസമുണ്ടായാൽ മേൽനോട്ട സമതിക്ക് ഇടപെടാം. സർക്കാരും ദേവസ്വം ബോർഡും ഈ സമിതിയോട് സഹകരിക്കണമെന്നും ഹൈകോടതി ഉത്തരവിട്ടു.

ശബരിമല സ്പെഷൽ കമ്മീഷണർ ഇനി മുതൽ മേൽനോട്ട സമിതിയെ സഹായിക്കണം. ഏതെങ്കിലും കാര്യത്തിൽ വ്യക്തത വേണമെങ്കിൽ സമിതിക്ക്​ അപ്പോൾ തന്നെ കോടതിയെ സമീപിക്കാമെന്നും ഉത്തരവിൽ പറയുന്നു.