ശബരിമല വരുമാനം 222. 98 കോടി

ശബരിമല: മണ്ഡല -മകരവിളക്ക്‌ തീർഥാടനത്തിന്‍റെ ഭാഗമായി ഇതുവരെ 222 കോടി 98 ലക്ഷം രൂപ നടവരുമാനം ലഭിച്ചെന്ന്‌ തിരുവിതാംകൂർ ദേവസ്വം ബോർഡ് പ്രസിഡന്‍റ് കെ.അനന്തഗോപൻ. 222,98,70,250 രൂപ വരുമാനത്തിൽ 70.10 കോടി രൂപയാണ് കാണിക്കയായി ലഭിച്ചത്. മണ്ഡലകാലം തുടങ്ങി 39 ദിവസം വരെയുള്ള കണക്കാണിത്. 29 ലക്ഷത്തിലേറെ തീർഥാടകർ ഇതുവരെ ദർശനത്തിനെത്തിയെന്നും സന്നിധാനത്ത്‌ വാർത്തസമ്മേളനത്തിൽ അദ്ദേഹം പറഞ്ഞു.

29,08,500 തീർഥാടകരെത്തിയതിൽ 20 ശതമാനത്തോളം കുട്ടികളാണ്. രണ്ടുവർഷത്തോളം നിയന്ത്രണങ്ങളുണ്ടായിരുന്നതാണ് കുട്ടികളുടെ എണ്ണം ഇക്കുറി വർധിക്കാൻ കാരണം. കുട്ടികൾക്കും അംഗപരിമിതർക്കും പ്രായമായവർക്കും ഏർപ്പെടുത്തിയ പ്രത്യേക വരി ഫലപ്രദമാണ്. പരമാവധി പരാതികുറച്ച് തീർഥാടനം പൂർത്തിയാക്കാനായി. ഒരുദിവസം മാത്രമാണ് ദർശനത്തിന് ആളുകൾക്ക് കൂടുതൽ നേരം വരിനിന്നതായി ആക്ഷേപമുയർന്നത്. ശബരിമലയിൽ തിരക്ക് സ്വാഭാവികമാണ്. എന്നാൽ, സാധാരണയിലധികം നേരം ദർശനത്തിന് കാത്തുനിൽക്കേണ്ട അവസ്ഥയുണ്ടായാൽ അതു പരിശോധിക്കുന്നതാണെന്നും പ്രസിഡന്‍റ് പറഞ്ഞു. വാർത്തസമ്മേളനത്തിൽ ബോർഡ് അംഗം അഡ്വ. എസ്.എസ്. ജീവൻ, എക്സിക്യൂട്ടിവ് ഓഫിസർ എച്ച്. കൃഷ്ണകുമാർ, ബോർഡ് ചീഫ് എൻജിനീയർ ആർ. അജിത് കുമാർ, വിജിലൻസ് എസ്‌.പി. സുബ്രഹ്മണ്യം എന്നിവരും പങ്കെടുത്തു.

ശബരിമലയിൽ ഇന്ന്​ മണ്ഡല പൂജ മ​ണ്ഡ​ല​കാ​ല​ത്തി​ന് പ​രി​സ​മാ​പ്തി

ശ​ബ​രി​മ​ല: മ​ണ്ഡ​ല​കാ​ല​ത്തി​ന് പ​രി​സ​മാ​പ്തി കു​റി​ച്ച് ചൊ​വ്വാ​ഴ്ച ശ​ബ​രീ​ശ സ​ന്നി​ധി​യി​ൽ മ​ണ്ഡ​ല​പൂ​ജ ന​ട​ക്കും. ഉ​ച്ച​ക്ക്​ 12.30നും ​ഒ​ന്നി​നും മ​ധ്യേ​യു​ള്ള മീ​നം രാ​ശി​യി​ല്‍ ക​ണ്ഠ​ര​ര് രാ​ജീ​വ​ര​രു​ടെ മു​ഖ്യ കാ​ര്‍മി​ക​ത്വ​ത്തി​ലാ​ണ് മ​ണ്ഡ​ല​പൂ​ജ. തു​ട​ർ​ന്ന് ഉ​ച്ച പൂ​ജ​ക്കു​ശേ​ഷം അ​ട​ക്കു​ന്ന ന​ട മൂ​ന്നു​മ​ണി​യോ​ടെ തു​റ​ക്കും. വൈ​കീ​ട്ട് ആ​റ​ര​ക്ക്​ ത​ങ്ക​യ​ങ്കി ചാ​ർ​ത്തി​യു​ള്ള ദീ​പാ​രാ​ധ​ന ന​ട​ക്കും. രാ​ത്രി 10ന് ​ഹ​രി​വ​രാ​സ​നം പാ​ടി ന​ട അ​ട​ക്കു​ന്ന​തോ​ടെ 41 ദി​വ​സം നീ​ണ്ട മ​ണ്ഡ​ല​കാ​ല മ​ഹോ​ത്സ​വ​ത്തി​ന് സ​മാ​പ​ന​മാ​കും. മ​ക​ര​വി​ള​ക്ക് ഉ​ത്സ​വ​ത്തി​ന്​ ഈ​മാ​സം 30ന് ​വൈ​കീ​ട്ട് അ​ഞ്ചി​ന് ന​ട തു​റ​ക്കും. ജ​നു​വ​രി 14നാ​ണ് മ​ക​ര​വി​ള​ക്ക്.

ത​ങ്ക അ​ങ്കി​യെ വ​ര​വേ​റ്റ്​ സ​ന്നി​ധാ​നം

ശ​ബ​രി​മ​ല: അ​യ്യ​പ്പ വി​ഗ്ര​ഹ​ത്തി​ൽ ചാ​ർ​ത്താ​ൻ തി​രു​വി​താം​കൂ​ര്‍ മ​ഹാ​രാ​ജാ​വ് ചി​ത്തി​ര തി​രു​നാ​ള്‍ ബാ​ല​രാ​മ​വ​ര്‍മ ന​ട​ക്കു​വെ​ച്ച ത​ങ്ക​യ​ങ്കി ഘോ​ഷ​യാ​ത്ര​ക്ക്​ സ​ന്നി​ധാ​ന​ത്ത് സ്വീ​ക​ര​ണം ന​ൽ​കി. തി​ങ്ക​ളാ​ഴ്ച ഉ​ച്ച​ക്ക്​ ര​​ണ്ടോ​ടെ പ​മ്പ​യി​ലെ​ത്തി​യ ഘോ​ഷ​യാ​ത്ര​യെ പ​മ്പ ദേ​വ​സ്വം അ​ഡ്മി​നി​സ്ട്രേ​റ്റി​വ് ഓ​ഫി​സ​ര്‍ അ​യ്യ​പ്പ​ന്‍റെ നേ​തൃ​ത്വ​ത്തി​ല്‍ പ​മ്പ ഗ​ണ​പ​തി കോ​വി​ലി​ലേ​ക്ക് സ്വീ​ക​രി​ച്ചു.

തു​ട​ര്‍ന്ന് അ​ഞ്ച​ര​യോ​ടെ ശ​രം​കു​ത്തി​യി​ലെ​ത്തി​യ ഘോ​ഷ​യാ​ത്ര​യെ ശ​ബ​രി​മ​ല ദേ​വ​സ്വം എ​ക്സി​ക്യൂ​ട്ടി​വ് ഓ​ഫി​സ​ര്‍ എ​ച്ച്. കൃ​ഷ്ണ​കു​മാ​ര്‍, അ​ഡ്മി​നി​സ്ട്രേ​റ്റി​വ് ഓ​ഫി​സ​ര്‍ പി.​എ​സ്. ശാ​ന്ത​കു​മാ​ര്‍, എ.​ഇ.​ഒ ര​വി​കു​മാ​ര്‍, സോ​പാ​നം സ്​​പെ​ഷ​ല്‍ ഓ​ഫി​സ​ര്‍ രാ​ജീ​വ് എ​ന്നി​വ​ര്‍ ചേ​ർ​ന്ന് സ​ന്നി​ധാ​ന​ത്തേ​ക്ക് ആ​ന​യി​ച്ചു.

6.15ന് ​പ​തി​നെ​ട്ടാം​പ​ടി ക​യ​റി​യെ​ത്തി​യ ത​ങ്ക​യ​ങ്കി ഘോ​ഷ​യാ​ത്ര​യെ കൊ​ടി​മ​ര​ച്ചു​വ​ട്ടി​ല്‍ തി​രു​വി​താം​കൂ​ര്‍ ദേ​വ​സ്വം ബോ​ര്‍ഡ് പ്ര​സി​ഡ​ന്‍റ്​ അ​ഡ്വ. കെ.​അ​ന​ന്ത​ഗോ​പ​ന്‍, അം​ഗം അ​ഡ്വ. എ​സ്.​എ​സ്. ജീ​വ​ന്‍, എ.​ഡി.​ജി.​പി​യും ശ​ബ​രി​മ​ല പൊ​ലീ​സ് ചീ​ഫ് കോ​ഓ​ഡി​നേ​റ്റ​റു​മാ​യ എം.​ആ​ര്‍. അ​ജി​ത്കു​മാ​ര്‍, ശ​ബ​രി​മ​ല സ്പെ​ഷ​ല്‍ ക​മീ​ഷ​ണ​ര്‍ മ​നോ​ജ്, ദേ​വ​സ്വം ക​മീ​ഷ​ണ​ര്‍ ബി.​എ​സ്. പ്ര​കാ​ശ് എ​ന്നി​വ​ര്‍ ചേ​ര്‍ന്ന് സ്വീ​ക​രി​ച്ച് സോ​പാ​ന​ത്തേ​ക്ക് ആ​ന​യി​ച്ചു. സോ​പാ​ന​ത്തു​വെ​ച്ച് ത​ന്ത്രി ക​ണ്ഠ​ര​ര് രാ​ജീ​വ​ര​ര് ത​ങ്ക​യ​ങ്കി ഏ​റ്റു​വാ​ങ്ങി അ​യ്യ​പ്പ​വി​ഗ്ര​ഹ​ത്തി​ല്‍ ചാ​ര്‍ത്തി ദീ​പാ​രാ​ധ​ന ന​ട​ത്തി.