പിണറായിയുടെ മതേതര സർട്ടിഫിക്കറ്റ്​ ആവശ്യമില്ല -എ.കെ. ആൻറണി

കോഴിക്കോട്​: ശബരിമലവിഷയത്തിൽ ബി.ജെ.പിക്ക്​ കലാപത്തിന്​ അവസരം നൽകുന്ന സി.പി.എം, ഒത്തുകളി നടത്തുകയാ​െണന്ന്​ കോൺഗ്രസ്​ പ്രവർത്തക സമിതി അംഗം എ.കെ. ആൻറണി. ബി.ജെ.പിയെയും ആർ.എസ്​.എസിനെയും വളർത്തി കോൺഗ്രസിനെ ദുർബലപ്പെടുത്താമെന്ന വ്യാമോഹം നടക്കില്ലെന്നും കോഴിക്കോട്​ ഗസ്​റ്റ്​ഹൗസിൽ നടത്തിയ വാർത്തസമ്മേളനത്തിൽ അദ്ദേഹം വ്യക്​തമാക്കി.

ബി.ജെ.പിക്ക്​ വെള്ളവും വളവും നൽകുന്നത്​ താനല്ല, പിണറായി വിജയനാണ്​. പിണറായിക്ക്​ മു​േമ്പ രാഷ്​ട്രീയ പ്രവർത്തനം തുടങ്ങിയ തനിക്ക്​ അദ്ദേഹത്തി​​​െൻറ മതേതര സർട്ടിഫിക്കറ്റ്​ ആവശ്യമില്ല. ആർ.എസ്​.എസിനോട്​ പ്രസംഗത്തിൽ മാത്രമാണ്​ മുഖ്യമ​ന്ത്രിക്ക്​ വിരോധം. ആർ.എസ്​.എസ്​ വളരാനാണ്​ സി.പി.എമ്മി​​​െൻറ ആഗ്രഹം. ഇൗ നീക്കത്തി​​​െൻറ പടത്തലവൻ മുഖ്യമന്ത്രിയാണ്​. ശബരിമലയിലെ കലാപങ്ങളുടെ ഒന്നാംപ്രതി മുഖ്യമന്ത്രിയും കൂട്ടുപ്രതികൾ ആർ.എസ്​.എസുമാണ്​. പിണറായി വിജയനല്ല, ബ്രിട്ടീഷുകാരും സർ സി.പി. രാമസ്വാമി അയ്യരും വിചാരിച്ചിട്ടും കോൺഗ്രസിനെ തകർക്കാനായിട്ടില്ല. കോടതി വിധി ഉപയോഗിച്ചല്ല നവോത്ഥാനമുണ്ടാക്കേണ്ടത്​. ശ്രീനാരായണഗുരുവും അയ്യങ്കാളിയും ഇങ്ങനെയല്ല നവോത്ഥാന നായകരായത്​. 1964ൽ പിറന്ന സി.പി.എം എന്ത്​ നവോത്ഥാനമാണ്​ കേരളത്തിൽ സൃഷ്​ടിച്ചത്​.

ശബരിമല വിധി വന്നയുടൻ കോടതിയിൽ സാവകാശം തേടാൻ സർക്കാർ ​ശ്രമിക്കേണ്ടിയിരുന്നു. മാർക്​സിസിറ്റ്​ പാർട്ടി വിശ്വാസിക​േളാട്​ പോർവിളി നടത്തിയതാണ്​ എല്ലാ പ്രകോപനങ്ങൾക്കും കാരണം. ആക്​ടിവിസ്​റ്റുകളെ ​പൊലീസ്​ വേഷമണിയിച്ച്​ സന്നിധാനത്തിനടുത്ത്​ മരക്കൂട്ടം വരെ എത്തിച്ചത്​ പൊലീസി​​​െൻറ വാശിയായിരു​ന്നു. അടുത്ത തെരഞ്ഞെടുപ്പിൽ കേരളത്തിൽ മാത്രം പ്രതീക്ഷയുള്ള സി.പി.എം ഇവിടത്തെ രാഷ്​ട്രീയ ഇടം ബി.ജെ.പിയുമായി പങ്കി​െട്ടടുക്കാനുള്ള ശ്രമത്തിലാണ്​. ഇൗ ശ്രമം മലർപ്പൊടിക്കാര​​​െൻറ സ്വപ്​നം മാത്രമാണ്​.

ബി.ജെ.പിയു​െട വിശ്വാസപ്രഖ്യാപനങ്ങൾ തട്ടിപ്പാണ്​. സന്നിധാനത്ത്​ ബഹളംവെക്കലും 18ാം പടിയിൽ കയറി പ്രസംഗിക്കലുമെല്ലാം എന്ത്​ വിശ്വാസമാണ്. ​ശബരിമല വിഷയത്തിൽ കോൺഗ്രസി​​​െൻറ കേരളത്തിലെ നിലപാട്​ വ്യക്​തമാണെന്നും എ.കെ. ആൻറണി കൂട്ടി​േച്ചർത്തു.

കോൺഗ്രസിനെ തകർക്കാൻ ബി.ജെ.പി.യും ​സി.പി.എമ്മും ശ്രമിക്കുന്നു -എ.കെ. ആൻറണി
കോഴിക്കോട്: ജനകീയ അടിത്തറ ദുർബലമാക്കി കോൺഗ്രസ്​ പ്രസ്ഥാനത്തെ തകർക്കാനാണ്​ ബി.ജെ.പിയും സി.പി.എമ്മും ശ്രമിക്കുന്നതെന്ന് എ.കെ. ആൻറണി അഭിപ്രായപ്പെട്ടു. ഡി.സി.സി ഓഡിറ്റോറിയത്തിൽ ജില്ല കോൺഗ്രസ് കമ്മിറ്റി സംഘടിപ്പിച്ച എം.ഐ. ഷാനവാസ് അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കണ്ണൂരിലെ മസിൽമാൻമാർ നിയന്ത്രിക്കുന്ന മാർക്സിസ്​റ്റ്​ പാർട്ടിയെ നേരിടാൻ തടിമിടുക്കുള്ള ഫയൽവാൻമാരുള്ള പാർട്ടിയാണ് തങ്ങളുടേതെന്ന സന്ദേശമാണ് ആർ.എസ്.എസ് നൽകുന്നത്. ആർ.എസ്.എസിനെയും ബി.ജെ.പിയെയും എതിർക്കാൻ പിണറായിയുടെ പാർട്ടി മാത്രമെയുള്ളൂവെന്ന് ആവർത്തിച്ച് ജനങ്ങളെ ബോധ്യപ്പെടുത്താനാണ് മാർക്സിസ്​റ്റുകാരുടെ ശ്രമം. പറയുന്നത് രണ്ടാണെങ്കിലും മാർക്സിസ്​റ്റുകാരുടെയും ബി.ജെ.പിക്കാരുടെയും ലക്ഷ്യം ഒന്നുതന്നെയാണ്.

കേരളത്തെ രണ്ട് കഷണങ്ങളാക്കി ഒരു ഭാഗം ബി.ജെ.പി സഖ്യവും മറുഭാഗം മാർക്സിസ്​റ്റു പാർട്ടിയും കൈയടക്കാനാണ് ശ്രമം​. ശബരിമല സന്നിധാനത്ത് പോയി കുഴപ്പം കാണിക്കാനോ, ആക്ടിവിസ്​റ്റുകളെ പൊലീസ് അകമ്പടിയോടെയെത്തിക്കാനോ കോൺഗ്രസ് തയാറല്ല. വിശ്വാസികൾക്കൊപ്പം തന്നെയാണ്​ കോൺഗ്രസെന്നും അദ്ദേഹം പറഞ്ഞു.

ഒരേസമയം അടിയുറച്ച കോൺഗ്രസുകാരനും മതവിശ്വാസിയുമായിരുന്ന എം.ഐ. ഷാനവാസ് പാർട്ടി നിലപാട് വിവിധ വേദികളിൽ വ്യക്തമായി അവതരിപ്പിച്ച് രാഷ്​ട്രീയ എതിരാളികളെ വെള്ളം കുടിപ്പിച്ച നേതാവായിരുന്നെന്ന് ആൻറണി അനുസ്മരിച്ചു. ഡി.സി.സി പ്രസിഡൻറ്​ ടി. സിദ്ദീഖ് അധ്യക്ഷത വഹിച്ചു. എം.കെ. രാഘവൻ എം.പി, പി. ശങ്കരൻ, പി.എം. സുരേഷ് ബാബു, എൻ. സുബ്രഹ്മണ്യൻ, കെ. പ്രവീൺകുമാർ, കെ.സി. അബു, ഇ.വി. ഉസ്മാൻകോയ, കെ. രാമചന്ദ്രൻ, എം.ടി. പത്മ, കെ.എം. അഭിജിത്ത്, ഹബീബ് തമ്പി തുടങ്ങിയവർ സംസാരിച്ചു.