ശബരിമല സ്​ത്രീപ്രവേശനം​​: ദേവസ്വം ബോർഡ് നിലപാടിനെ പിന്തുണച്ച് എൻ.എസ്.എസ്

ന്യൂഡൽഹി: ശബരിമല സ്​ത്രീപ്രവേശന കേസിൽ ദേവസ്വം ബോർഡി​​​െൻറ നിലപാടിനെ പിന്തുണച്ച്​ സുപ്രീം കോടതി ഭരണഘടന ബഞ്ചിന് മുമ്പാകെ എൻ.എസ്​.എസി​​​െൻറ വാദം. ശബരിമലയിൽ സ്​ത്രീകളെ പ്രവേശിപ്പിക്കേണ്ടെന്ന നിലപാടാണ്​ കോടതിയിൽ ദേവസ്വം ബോർഡ്​ സ്വീകരിച്ചത്​. കേസിൽ അഞ്ചാം ദിവസമാണ്​ ബെഞ്ച്​ വാദം കേൾക്കുന്നത്​. മുതിർന്ന അഭിഭാഷകൻ കെ. പരാശരനാണ്​ എൻ.എസ്.എസിനായി വാദിക്കുന്നത്​. 

ശബരിമലയിലെ സ്ത്രീ പ്രവേശനത്തിനുള്ള വിലക്ക് 60 വർഷത്തെ ആചാര അനുഷ്ടാനത്തിന്റെ ഭാഗമാണെന്ന്​ എൻ.എസ്​.എസ്​ വാദിച്ചു. അയ്യപ്പൻ നൈഷ്ഠിക ബ്രഹ്മചാരിയാണ്​. ദേവ​​​െൻറ നിയമപരമായ വ്യക്‌തിത്വം അംഗീകരിക്കണം. കോടതി ആക്ടിവിസ്റ്റുകളുടെ വാദം മാത്രം കേട്ടാൽ പോര, പാരമ്പര്യം സംരക്ഷിക്കുന്നവരുടെ വാദവും കേൾക്കണമെന്നും എൻ.എസ്​.എസ്​ അറിയിച്ചു. 

ഹിന്ദു നിയമങ്ങളും തത്വങ്ങളും വിവേചനപരമല്ല.  സതി ആചാരവുമായി ഇതിനെ കൂട്ടികുഴക്കരുത്. ശബരിമലയിലെ സ്​ത്രീ പ്രവേശന വിലക്കിന് പുരുഷമേധാവിത്തവുമായി ബന്ധമില്ല. കേരളത്തിലെ സ്ത്രീകൾ വിദ്യാഭാസമുള്ളവരാണ്.  അവർ ഇപ്പോഴത്തെ ആചാരങ്ങളെ മാനിക്കുന്നുവെന്നും എൻ.എസ്​.എസ്​ വാദിച്ചു.