ശബരിമലയിൽ സ്ത്രീയെ ആക്രമിച്ചവ​ർക്കെതിരെ നടപടിയെടുക്കണമെന്ന്​ ഹൈകോടതി

​െകാച്ചി: ശബരിമല ‌ദർശനത്തിനെത്തിയ സ്ത്രീയെ തടഞ്ഞുവെച്ച്​ മർദിച്ചവ​ർക്കെതിരെ നടപടിയെടുക്കാൻ ഹൈകോടതി ഉത്തര വ്​. തമിഴ്നാട്ടിൽനിന്ന് ദർശനത്തിന് എത്തിയ രാജമെന്ന സ്​ത്രീയെ മാർച്ച് 18ന് വൈകീട്ട്​ 7.35ന്​ മരക്കൂട്ടത്ത്​ ശബരി മല കർമസമിതി പ്രവർത്തകർ തടഞ്ഞുവെച്ച്​ രേഖകൾ പരിശോധിക്കുകയും മർദിക്കുകയും ചെയ്​തതായി ശബരിമല സ്പെഷൽ കമീഷണർ എം. മനോജ് കോടതിയിൽ നൽകിയ റിപ്പോർട്ടി​​െൻറ അടിസ്​ഥാനത്തിലാണ്​ ജസ്​റ്റിസുമാരായ​ പി.ആർ. രാമചന്ദ്ര​മേനോൻ, എൻ. അനിൽകുമാർ എന്നിവരടങ്ങിയ ബെഞ്ചി​​െൻറ ഉത്തരവ്​. സ്​പെഷൽ കമീഷണറുടെ റിപ്പോർട്ടിൽ കോടതി പൊലീസി​​െൻറ വിശദീകരണവും തേടി.

അക്രമസംഭവമുണ്ടായതായി വ്യക്​തമാക്കിയ സന്നിധാനത്തെ പൊലീസ് കൺട്രോളറാണ്​ സ്പെഷൽ കമീഷണർക്ക് റിപ്പോർട്ട് നൽകിയത്​. അക്രമം തടയാൻ പ്രദേശത്ത് എത്തിയ പൊലീസിനെയും കർമസമിതി പ്രവർത്തകർ തടഞ്ഞു. പൊലീസി​​െൻറ കൃത്യനിർവഹണം തടസ്സപ്പെടുത്തൽ അടക്കമുള്ള വകുപ്പുകൾ ഉൾപ്പെടുത്തി രണ്ടു കേസിലായി 18 പേർക്കെതിരെയാണ് പമ്പ പൊലീസ് കേസെടുത്തത്.

ശബരിമല കർമസമിതി, അന്താരാഷ്​ട്ര ഹിന്ദു പരിഷത്ത്, ഹിന്ദു ഐക്യവേദി, ആചാര സംരക്ഷണ സമിതി, വിശ്വഹിന്ദു പരിഷത്ത് സംഘടനകളുടെ പ്രവർത്തകരാണ് മരക്കൂട്ടം, പാറമട, ജീപ്പ് റോഡ് ജങ്​ഷൻ, കെ.എസ്​.ഇ.ബി ജങ്​ഷൻ, നടപ്പന്തൽ, വാവരുനട, താഴെ തിരുമുറ്റം, മാളികപ്പുറം, അന്നദാന മണ്ഡപം, പൊലീസ് മെസ് എന്നീ പ്രദേശങ്ങളിൽ സംഘടിച്ചിരുന്നതെന്ന് റിപ്പോർട്ടിനോടൊപ്പമുള്ള രേഖകളിൽ വ്യക്​തമാക്കുന്നു. സ്ത്രീകളെ തടയുകയും രേഖകൾ പരിശോധിക്കലുമാണ് ഇവർ ചെയ്തിരുന്നത്. അക്രമസംഭവങ്ങൾ അറിഞ്ഞ്​ പൊലീസ് എത്തുമ്പോഴേക്കും പിരിഞ്ഞുപോവുകയും പൊലീസ് തിരികെ പോവുമ്പോൾ സംഘടിക്കുകയുമാണ്​ ഇവർ ചെയ്യാറെന്നും റിപ്പോർട്ടിൽ പറയുന്നു.