ശബരിമല വിഷയം: ദേവസ്വം ബോർഡി​െൻറ നിർണായകയോഗം ഇന്ന്​

തിരുവനന്തപുരം: ശബരിമലയിലെ സ്ത്രീപ്രവേശനം, സുരക്ഷ ഉൾപ്പെടെ കാര്യങ്ങൾ ചർച്ചചെയ്യാൻ തിരുവിതാംകൂർ ദേവസ്വം ബോർഡ്​ യോഗം ബുധനാഴ്​ച ചേരും. സുപ്രീംകോടതി വിധിക്കെതിരെ പുനഃപരിശോധന ഹര‌ജി നല്‍കണമോയെന്നതുൾപ്പെടെ കാര്യങ്ങളിൽ തീരുമാനമെടുക്കും. എന്നാൽ, മുഖ്യമന്ത്രി അസംതൃപ്​തി പ്രകടിപ്പിച്ച സാഹചര്യത്തിൽ അതുസംബന്ധിച്ച തീരുമാനമുണ്ടാകില്ലെന്നാണ്​ വിവരം.

വിധിയെക്കുറിച്ച് അഭിഭാഷകരുടെ വിദഗ്ധാഭിപ്രായം തേടിയിട്ടുണ്ട്​. ഇതി​​​​െൻറ അടിസ്ഥാനത്തിലാവും തീരുമാനം. പാര്‍ട്ടിയുടെയോ സര്‍ക്കാറി​​​​​െൻറ​േയാ അഭിപ്രായം ദേവസ്വം ബോര്‍ഡ് പിന്തുടരേണ്ടതില്ലെന്നാണ്​ ദേവസ്വംമന്ത്രി പറയുന്നത്. എന്നാലും, ഏകപക്ഷീയ നിലപാടുണ്ടാകില്ലെന്നാണ്​ ബോർഡ്​ വൃത്തങ്ങൾ നൽകുന്ന വിവരം.

ഇൗമാസം 17ന്​ മാസപൂജക്ക്​ ശബരിമല തുറക്കുംമുമ്പ്​ സുപ്രീംകോടതി വിധി നടപ്പാക്കാനാണ്​ സർക്കാർ തീരുമാനം. അതിനുള്ള സുരക്ഷസംവിധാനങ്ങൾ ഒരാഴ്​ചക്കകം പൂർത്തിയാക്കുമെന്നാണ്​ പൊലീസ്​ പറയുന്നു​. ശബരിമല വിഷയത്തിൽ എന്തെല്ലാം നടപടിയെടുത്തെന്ന്​ ഹൈകോടതി ആരാഞ്ഞിരുന്നു. എന്നാൽ, വിധിക്കെതിരെ ഹിന്ദുസംഘടനകൾ പരസ്യമായി രംഗത്തെത്തിയ സാഹചര്യത്തിൽ ദേവസ്വം ബോർഡ്​ എന്ത്​ നിലപാടെടുക്കുമെന്നത്​ നിർണായകമാണ്​.