ശബരിമലയെ സമര ഭൂമിയാകാൻ ബി.ജെ.പി ആഗ്രഹിക്കുന്നില്ല-എം.ടി രമേശ്

തിരുവനന്തപുരം: പ്രതിഷേധങ്ങൾ തുടർന്ന്​ ശബരിമലയെ സമര ഭൂമിയാകാൻ ആഗ്രഹിക്കുന്നില്ലെന്ന്​ ബി.ജെ.പി നേതാവ്​ എം.ടി രമേശ്. സ്​ത്രീ പ്രവേശന വിധിക്കെതിരായ പ്രതിഷേധത്തെ പിന്തുണക്കില്ലെന്ന എസ്​.എൻ.ഡി.പിയുടെ നിലപാടല്ല ബി.ഡി ടി.ജെ. എസ്സിനുള്ളത്. അവർ തങ്ങളോടൊപ്പം മുഴുവൻ സമയവും സമരത്തിൽ പങ്കെടുക്കും. വ്യക്തിപരമായ അഭിപ്രായങ്ങൾ പലർക്കും ഉണ്ടാകാം. സമരത്തെ പിന്തുണക്കില്ലെന്ന നിലപാട്​ വെള്ളാപ്പള്ളി നടേശ​​​​െൻറ വ്യക്തലപരമായ അഭിപ്രായമാകാമെന്നും എം.ടി രമേശ്​ പറഞ്ഞു.

​മുഖ്യമന്ത്രിയുടെ ധാർഷ്ട്യവും അയ്യപ്പ വിശ്വാസികളും തമ്മിലാണ് ഇപ്പോൾ പോരാട്ടം. ഇരയ്ക്കും വേട്ടക്കാരനുമൊപ്പമുള്ള മുഖ്യമന്ത്രിയുടെ നിലപാട് ആത്മവഞ്ചനാ പരമാണ്​. സി.പി.എമ്മി​​​െൻറ കമ്മറ്റി കൂടി തീരുമാനം എടുക്കേണ്ട വിഷയമല്ലിത്. സർക്കാർ ഇക്കാര്യത്തിൽ പുനർവിചന്തനം നടത്തണമെന്നും അദ്ദേഹം ആവശ്യപ്പെട്ടു.

ശബരിമലയെ സംബന്ധിച്ച് മുഖ്യമന്ത്രി പറഞ്ഞ കാര്യങ്ങൾ വസ്തുതാ വിരുദ്ധമാണ്​. നാമജപത്തെയും ശരണം വിളികളെയും അദ്ദേഹം ഭയപ്പെടുന്നു. മനോവൈകൃതത്തോടെയാണ് മുഖ്യമന്ത്രി പെരുമാറുന്നതെന്നും രമേശ്​ ആരോപിച്ചു.