എസ്. രാജേന്ദ്രനെ സി.പി.എം ഒരു വർഷത്തേക്ക് സസ്പെൻഡ് ചെയ്തു; നീ​തി ല​ഭി​ച്ചി​ല്ല -എ​സ്. രാ​ജേ​ന്ദ്ര​ൻ

തിരുവനന്തപുരം: ദേവികുളം മുൻ എം.എൽ.എ എസ്​. രാജേന്ദ്രനെ പാർട്ടിയുടെ പ്രാഥമികാംഗത്വത്തിൽനിന്ന്​ സസ്​പെൻഡ്​​ ചെയ്യാനുള്ള ശിപാർശ സി.പി.എം സംസ്ഥാന സെക്രട്ടേറിയറ്റ്​ ​യോഗം അംഗീകരിച്ചു. ഒരു വർഷത്തേക്കാണ്​ സസ്​പെൻഷൻ. നിയമസഭ തെരഞ്ഞെടുപ്പിൽ ദേവികുളത്ത്​ പാർട്ടി സ്ഥാനാർഥി എ. രാജയെ തോൽപിക്കാൻ ശ്രമിച്ചെന്നാണ്​ പ്രധാന ആരോപണം. ഇതു ശരിയാണെന്ന്​ പാർട്ടി അന്വേഷണ കമീഷൻ കണ്ടെത്തി.

സംഘടനാ വിരുദ്ധ നടപടികളുടെ പേരിൽ രാജേന്ദ്രനെ സസ്​പെൻഡ്​ ചെയ്യാൻ ഇടുക്കി ജില്ല കമ്മിറ്റി തീരുമാനിച്ചിരുന്നു. നടപടിക്രമങ്ങളുടെ ഭാഗമായി തീരുമാനം സംസ്ഥാന സെക്രട്ടേറിയറ്റിന്​ വിടുകയായിരുന്നു.

പാർട്ടി സമ്മേളനങ്ങളിലും പരിപാടികളിലും സഹകരിക്കാത്തതിന്‍റെ പേരിലും രാജേന്ദ്രനെതിരെ വിമർശനമുയർന്നു. മുൻ മന്ത്രി എം.എം. മണി പരസ്യമായി തന്നെ രാജേന്ദ്രനെ വിമർശിക്കുകയും ചെയ്തിരുന്നു.

നീ​തി ല​ഭി​ച്ചി​ല്ല -എ​സ്. രാ​ജേ​ന്ദ്ര​ൻ

തൊ​ടു​പു​ഴ: പാ​ർ​ട്ടി​യി​ൽ​നി​ന്ന്​ നീ​തി ല​ഭി​ച്ചി​ല്ലെ​ന്നും ചി​ല​രു​ടെ വാ​ശി ന​ട​ക്ക​ട്ടെ എ​ന്നും എ​സ്. രാ​ജേ​ന്ദ്ര​ൻ. സ​മ്മേ​ള​ന​വേ​ദി​ക​ളി​ൽ ത​ന്നെ വ്യ​ക്​​തി​പ​ര​മാ​യി ആ​ക്ഷേ​പി​ച്ച എം.​എം. മ​ണി​ക്കെ​തി​രെ സം​സ്ഥാ​ന നേ​തൃ​ത്വ​ത്തി​ന്​ പ​രാ​തി ന​ൽ​കും. സി.​പി.​എ​മ്മി​ൽ​നി​ന്ന്​ പു​റ​​ത്താ​ക്കി​യ​തി​നെ​ക്കു​റി​ച്ച്​ 'മാ​ധ്യ​മ'​ത്തോ​ട്​ പ്ര​തി​ക​രി​ക്കു​ക​യാ​യി​രു​ന്നു അ​ദ്ദേ​ഹം.

എ​ട്ട്​ മാ​സ​മാ​യി പാ​ർ​ട്ടി പ്ര​വ​ർ​ത്ത​ന​ത്തി​ൽ​നി​ന്ന്​ മാ​റി​നി​ൽ​ക്കു​ക​യാ​ണ്. ത​ന്നെ ജി​ല്ല​യി​ലെ ചി​ല നേ​താ​ക്ക​ൾ ജാ​തി​യു​ടെ ആ​ളാ​യി ചി​ത്രീ​ക​രി​ച്ച​തു​കൊ​ണ്ടാ​ണ്​ അ​ങ്ങ​നെ തീ​രു​മാ​നി​ച്ച​ത്. പാ​ർ​ട്ടി​യെ നി​ജ​സ്ഥി​തി അ​റി​യി​ക്കു​ക എ​ന്ന ബാ​ധ്യ​ത നി​ർ​വ​ഹി​ച്ചി​ട്ടു​ണ്ട്. ഈ ​വി​ഷ​യം കൊ​ണ്ടു​വ​ന്ന നേ​താ​ക്ക​ൾ​ക്ക്​ അ​ടു​ത്ത തെ​ര​ഞ്ഞെ​ടു​പ്പി​ലും അ​വ​രു​ടെ താ​ൽ​പ​ര്യം സം​ര​ക്ഷി​ക്കാ​ൻ ഇ​തു​പോ​ലു​ള്ള കാ​ര്യ​ങ്ങ​ൾ കാ​ണും. താ​ൻ സി.​പി.​എ​മ്മി​ന്‍റെ ഭാ​ഗ​മാ​യി തു​ട​രും. മ​റ്റേ​തെ​ങ്കി​ലും പാ​ർ​ട്ടി​യി​ൽ ചേ​രാ​ൻ ഉ​ദ്ദേ​ശ്യ​മി​ല്ല. എം.​എം. മ​ണി പ​റ​​ഞ്ഞ​തെ​ല്ലാം സം​ഘ​ട​ന വി​രു​ദ്ധ​മാ​ണ്. അ​ദ്ദേ​ഹ​ത്തി​നെ​തി​രെ ന​ട​പ​ടി​യെ​ടു​ക്ക​ണം. മ​റ്റേ​തെ​ങ്കി​ലും പാ​ർ​ട്ടി സ​മീ​പി​ച്ചി​രു​ന്നോ എ​ന്ന ചോ​ദ്യ​ത്തോ​​ട്​ അ​തേ​ക്കു​റി​ച്ച്​ ഇ​പ്പോ​ൾ പ്ര​തി​ക​രി​ക്കു​ന്നി​ല്ലെ​ന്നാ​യി​രു​ന്നു മ​റു​പ​ടി.