ഹലാൽ മുദ്രണമുള്ള ഭക്ഷണം ബഹിഷ്കരിക്കണമെന്ന് വർഗീയ പ്രചാരണം: ആർ.വി. ബാബു അറസ്റ്റിൽ

പറവൂർ (എറണാകുളം): നവമാധ്യമങ്ങളിലൂടെ മതസ്പർധ വളർത്തുന്ന പ്രചാരണം നടത്തിയെന്ന കേസിൽ ഹിന്ദു ഐക്യവേദി സംസ്ഥാന ജനറൽ സെക്രട്ടറി ആർ.വി. ബാബു (53) അറസ്​റ്റിൽ. ഹലാൽ മുദ്രണം ചെയ്ത ഭക്ഷണം ബഹിഷ്കരിക്കണമെന്ന് യു ട്യൂബ് ചാനലിലൂടെ ഇയാൾ ആഹ്വാനം ചെയ്യുന്ന വിഡിയോ പുറത്തുവന്നിരുന്നു.

ഫേസ്ബുക്ക് പേജിലും സമാനരീതിയിൽ പോസ്​റ്റ് ചെയ്തിട്ടുണ്ട്. തുടർന്ന് ജനുവരി 29ന് ജാമ്യമില്ലാവകുപ്പ് ചുമത്തി കേസ് രജിസ്​റ്റർ ചെയ്തു. പൊലീസിന്​ കീഴടങ്ങാൻ തയാറാകാത്തതിനെത്തുടർന്ന് ചേരാനല്ലൂരിലെ ജോലിസ്ഥലത്തുനിന്നാണ് പറവൂർ പൊലീസ് അറസ്​റ്റ് ചെയ്തത്. തിങ്കളാഴ്​ച മജിസ്ട്രേട്ട് കോടതിയിൽ ഹാജരാകണമെന്ന നിർദേശത്തോടെ കോടതി പിന്നീട്​ ഇടക്കാല ജാമ്യം അനുവദിച്ചു.

അതേസമയം, ആർ.വി. ബാബുവിനെ പൊലീസ് അറസ്​റ്റ്​ ചെയ്തത് മുസ്​ലിം തീവ്രവാദികളെ സന്തോഷിപ്പിക്കാനാണെന്ന് ബി.ജെ.പി സംസ്ഥാന പ്രസിഡൻറ്​ കെ. സുരേന്ദ്രൻ. ഹലാലിനെതിരെ അഭിപ്രായം പറയുന്നത് വില​ക്കാൻ കേരളം എന്താ ഇസ്​ലാമിക രാജ്യമാണോയെന്ന് അദ്ദേഹം പ്രസ്താവനയിൽ ചോദിച്ചു. അഭിപ്രായ സ്വാതന്ത്ര്യത്തിൽ കടന്നുകയറാനുള്ള പിണറായി സർക്കാറി​െൻറ നീക്കം ചെറുത്തുതോൽപിക്കേണ്ടതാണ്. ​െതരഞ്ഞെടുപ്പിൽ മുസ്​ലിം വോട്ട് കിട്ടാനാണ് സി.പി.എം ഹലാലിനെ പ്രീണിപ്പിക്കുന്നത്. മതേതരത്വം പറയുന്ന കമ്യൂണിസ്​റ്റുകാർ ഭക്ഷണത്തി​െൻറ പേരിൽപോലും മതസ്പർധയുണ്ടാക്കാൻ ശ്രമിക്കുകയാണെന്നും സുരേന്ദ്രൻ പറഞ്ഞു.