രുഗ്മിണി വിരിയിക്കുന്നു, ഒരായിരം പോസിറ്റിവ് പൂക്കൾ

ക​ൽ​പ​റ്റ: ​കാ​ര്യ​മ്പാ​ടി​യി​ലെ ന​ഴ്സ​റി​യി​ൽ പൂ​ച്ചെ​ടി​ക​ൾ ന​ന​ക്കു​ന്ന തി​ര​ക്കി​നി​ട​യി​ൽ​നി​ന്ന് രു​ഗ്മി​ണി ഭാ​സ്ക​ര​ൻ ചി​ല​പ്പോ​ഴൊ​ക്കെ അ​വ​ധി​യെ​ടു​ത്ത് 'മു​ങ്ങും'. എ​ൽ.​ജെ.​ഡി​യു​ടെ വ​നി​ത വി​ഭാ​ഗ​മാ​യ മ​ഹി​ള ജ​ന​ത​യു​ടെ സം​സ്ഥാ​ന പ്ര​സി​ഡ​ന്റി​ന് ചി​ല​പ്പോ​ൾ തി​രു​വ​ന​ന്ത​പു​ര​ത്ത് സം​സ്ഥാ​ന ക​മ്മി​റ്റി യോ​ഗ​മു​ണ്ടാ​കും. അ​ല്ലെ​ങ്കി​ൽ തി​ര​ക്കു​പി​ടി​ച്ച മ​റ്റെ​ന്തെ​ങ്കി​ലും ച​ട​ങ്ങു​ക​ൾ. അ​തു​മ​ല്ലെ​ങ്കി​ൽ പെ​ൻ​ഷ​ൻ വി​ത​ര​ണ​ത്തി​നാ​കും പോ​ക്ക്. ക​ൽ​പ​റ്റ ​ബ്ലോ​ക്ക് പ​ഞ്ചാ​യ​ത്ത് മു​ൻ പ്ര​സി​ഡ​ന്റ്, സം​സ്ഥാ​ന വ​നി​ത ക​മീ​ഷ​ൻ മു​ൻ അം​ഗം എ​ന്നീ ലേ​ബ​ലു​ക​ൾ രു​ഗ്മി​ണി​യു​ടെ ജീ​വി​ത​ത്തെ ബാ​ധി​ച്ചി​ട്ടേ​യി​ല്ല. ദേ​വ​സ്വം ബോ​ർ​ഡ് റി​ക്രൂ​ട്ട്മെ​ന്റ് ​മെം​ബ​റും ക​ണി​യാ​മ്പ​റ്റ സ​ഹ​ക​ര​ണ ബാ​ങ്ക് ഡ​യ​റ​ക്ട​റു​മാ​യി​രു​ന്നു​വെ​ന്ന​തും അ​വ​രു​ടെ പി​ന്നീ​ടു​ള്ള കാ​ല​ങ്ങ​ളെ മാ​റ്റി​മ​റി​ച്ചി​ട്ടി​ല്ല. അ​ധി​കാ​ര​ക്ക​സേ​ര​ക​ളി​ൽ​നി​ന്ന​ക​ന്ന് പൂ​ന്തോ​ട്ട​ത്തി​ൽ ജോ​ലി​ക്കാ​രി​യാ​യി മാ​റി​യ​തി​നെ​ക്കു​റി​ച്ച് ചോ​ദി​ക്കു​മ്പോ​ൾ രു​ഗ്മി​ണി പ​റ​യു​ന്ന​തി​ങ്ങ​നെ -'ജീ​വി​ച്ചു​പോ​ക​ണ്ടേ'.

ആ​ദി​വാ​സി വി​ഭാ​ഗ​ത്തി​ൽ​പെ​ട്ട കു​റു​മ സ​മു​ദാ​യാം​ഗ​മാ​ണ് രു​ഗ്മി​ണി. 2005ലാ​ണ് ക​ൽ​പ​റ്റ ​ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റാ​കു​​ന്ന​ത്. കാ​ര്യ​മ്പാ​ടി ഓ​ണി​വ​യ​ൽ കോ​ള​നി​യി​ൽ താ​മ​സം. തി​ര​ക്കു​പി​ടി​ച്ച നാ​ളു​ക​ൾ​ക്കു​ശേ​ഷം രു​ഗ്മി​ണി കൂ​ലി​പ്പ​ണി​ക്ക് പോ​യ​ത് ജീ​വി​ക്കാ​ൻ​ത​​ന്നെ​യാ​ണ്. അ​ധി​കാ​രം കൈ​യാ​ളി​യി​രു​ന്ന നാ​ളു​ക​ളി​ൽ അ​ന​ർ​ഹ​മാ​യി ഒ​രു​രൂ​പ പോ​ലും താ​നു​ണ്ടാ​ക്കി​യി​ട്ടി​​ല്ലെ​ന്ന് അ​വ​ർ അ​ഭി​മാ​ന​ത്തോ​ടെ പ​റ​യു​ന്നു. 'ജോ​ലി​ചെ​യ്ത് അ​ന്ന​ന്ന​ത്തെ അ​ന്ന​ത്തി​നു​ള്ള വ​ക സ​മ്പാ​ദി​ക്കു​മ്പോ​ൾ മ​ന​സ്സി​ന് ന​ല്ല സ​ന്തോ​ഷ​മാ​ണ്.'

'ഔ​ദ്യോ​ഗി​ക തി​ര​ക്കു​ക​ളി​ൽ​നി​ന്ന​ക​ന്ന ശേ​ഷം വീ​ടി​ന് തൊ​ട്ട​ടു​ത്തു​ള്ള തോ​ട്ട​ത്തി​ലെ ഷെ​ഡി​ൽ ക​ഞ്ഞി​വെ​ക്കാ​ൻ ആ​ളെ അ​ന്വേ​ഷി​ച്ചു ന​ട​ന്നി​രു​ന്നു ഉ​ട​മ ജോ​ണേ​ട്ട​ൻ. എ​ന്നോ​ടും ആ​ളെ നോ​ക്കാ​ൻ പ​റ​ഞ്ഞു. ആ​രെ​യും കി​ട്ടാ​താ​യ​പ്പോ​ൾ ഞാ​ൻ ത​ന്നെ ജോ​ലി​ക്ക് വ​രാ​മെ​ന്ന് അ​ദ്ദേ​ഹ​ത്തോ​ട് പ​റ​ഞ്ഞു. ഭ​ർ​ത്താ​വ് ഒ.​കെ. ഭാ​സ്ക​ര​ന് കെ​ട്ടി​ട​ത്തി​ന്റെ മു​ക​ളി​ൽ​നി​ന്ന് വീ​ണ് പ​രി​ക്കേ​റ്റതിന്റെ അവശതയുണ്ട്. ക​ഴി​ഞ്ഞ ത​വ​ണ ത​ദ്ദേ​ശ തെ​ര​ഞ്ഞെ​ടു​പ്പി​ൽ മ​ത്സ​രി​ക്കാ​ൻ പാ​ർ​ട്ടി പ​റ​ഞ്ഞി​രു​ന്നെ​ങ്കി​ലും വി​ട്ടു​നി​ന്നു. നി​ത്യ​യും നി​ത​യും മക്കളാണ്.