ആർ.എസ്.എസ് പാലക്കാട് ‘ബൈഠക്’ ശനിയാഴ്ച മുതൽ; അകൽച്ച മാറ്റാൻ ബി.ജെ.പിയിൽ നേതൃമാറ്റ ചർച്ച

ന്യൂ​ഡ​ൽ​ഹി: ലോ​ക്സ​ഭ തെ​ര​ഞ്ഞെ​ടു​പ്പോ​ടെ ഉ​ല​ഞ്ഞ ആ​ർ.​എ​സ്.​എ​സ് - ബി.​ജെ.​പി ബ​ന്ധം ശ​ക്തി​പ്പെ​ടു​ത്താ​നു​ള്ള ന​ട​പ​ടി​ക​ൾ പാ​ല​ക്കാ​ട്ട് ശ​നി​യാ​ഴ്ച തു​ട​ങ്ങു​ന്ന ‘അ​ഖി​ല ഭാ​ര​തീ​യ സ​മ​ന്വ​യ് ബൈ​ഠ​ക്’ ച​ർ​ച്ച ചെ​യ്യും. ആ​ർ.​എ​സ്.​എ​സി​ന്റെ​യും ബി.​ജെ.​പി അ​ട​ക്ക​മു​ള്ള അ​നു​ബ​ന്ധ സം​ഘ​ട​ന​ക​ളു​ടെ​യും ഏ​കോ​പ​ന​വും പ​ര​സ്പ​ര സ​ഹ​ക​ര​ണ​വും ശ​ക്തി​പ്പെ​ടു​ത്തു​ക​യാ​ണ് ആ​ർ.​എ​സ്.​എ​സ് സ​ർ​സം​ഘ് ചാ​ല​ക് മോ​ഹ​ൻ ഭ​ഗ​വ​ത്, ജ​ന​റ​ൽ സെ​ക്ര​ട്ട​റി ദ​ത്താ​ത്രേ​യ ഹൊ​സ​ബാ​ലെ, ആ​റ് സ​ർ​കാ​ര്യ​വാ​ഹകുമാ​ർ എ​ന്നി​വ​ർ പ​​​ങ്കെ​ടു​ക്കു​ന്ന ത്രി​ദി​ന വാ​ർ​ഷി​ക യോ​ഗ​ത്തി​ന്റെ മു​ഖ്യ​അ​ജ​ണ്ട. ദേ​ശീ​യ വി​ഷ​യ​ങ്ങ​ളും ആ​നു​കാ​ലി​ക സം​ഭ​വ​വി​കാ​സ​ങ്ങ​ളും ആ​ർ.​എ​സ്.​എ​സ് രാ​ജ്യ​ത്ത് വ​രു​ത്താ​നു​​​ദ്ദേ​ശി​ക്കു​ന്ന മാ​റ്റ​വും ‘ബൈ​ഠ​ക്’ ച​ർ​ച്ച ചെ​യ്യും. പാ​ല​ക്കാ​ട് ബൈ​ഠ​കി​ന് മു​ന്നോ​ടി​യാ​യി ആ​ർ.​എ​സ്.​എ​സി​നും ബി.​ജെ.​പി​ക്കു​മി​ട​യി​ലെ അ​ക​ൽ​ച്ച മാ​റ്റാ​ൻ ര​ണ്ടാ​ഴ്ച മു​മ്പ് കേ​ന്ദ്ര പ്ര​തി​രോ​ധ മ​ന്ത്രി രാ​ജ്നാ​ഥ് സി​ങ്ങി​ന്റെ ഡ​ൽ​ഹി​യി​ലെ ഔ​ദ്യോ​ഗി​ക വ​സ​തി​യി​ൽ ഇ​രു​ഭാ​ഗ​ത്തു​നി​ന്നു​മു​ള്ള മു​തി​ർ​ന്ന നേ​താ​ക്ക​ൾ പ​​​ങ്കെ​ടു​ത്ത യോ​ഗം ന​ട​ന്നി​രു​ന്നു. ആ​ർ.​എ​സ്.​എ​സ് ഭാ​ഗ​ത്തു​നി​ന്ന് ജ​ന​റ​ൽ സെ​ക്ര​ട്ട​റി ദ​ത്താ​ത്രേ​യ​യും അ​രു​ൺ കു​മാ​റും ബി.​ജെ.​പി​യി​ൽ​നി​ന്ന് രാ​ജ്നാ​ഥ് സി​ങ്ങി​ന് പു​റ​മെ കേ​ന്ദ്ര ആ​ഭ്യ​ന്ത​ര മ​ന്ത്രി അ​മി​ത് ഷാ​യും ബി.​ജെ.​പി അ​ധ്യ​ക്ഷ​ൻ ജെ.​പി. ന​ഡ്ഡ​യു​മാ​ണ് യോ​ഗ​ത്തി​ൽ പ​​​ങ്കെ​ടു​ത്ത​ത്.

പ​ര​സ്യ​പ്ര​സ്താ​വ​ന​യി​ലൂ​ടെ ആ​ർ.​എ​സ്.​എ​സ് - ബി.​ജെ.​പി ബ​ന്ധ​ത്തി​ൽ കൂ​ടു​ത​ൽ വി​ള്ള​ലു​ണ്ടാ​ക്കി ആ​ർ.​എ​സ്.​എ​സി​ന് അ​ന​ഭി​മ​ത​നാ​യ ന​ഡ്ഡ​ക്ക് പ​ക​രം പു​തി​യ ബി.​ജെ.​പി അ​ധ്യ​ക്ഷ​നെ തെ​ര​ഞ്ഞെ​ടു​ക്ക​ണ​മെ​ന്ന​താ​ണ് ബ​ന്ധം മെ​ച്ച​പ്പെ​ടു​ത്താ​ൻ ആ​ർ.​എ​സ്.​എ​സ് യോ​ഗ​ത്തി​ൽ മു​ന്നോ​ട്ടു​വെ​ച്ച നി​ർ​ദേ​ശം. ബി.​ജെ.​പി അ​ധ്യ​ക്ഷ സ്ഥാ​ന​​ത്തേ​ക്ക് ത​ങ്ങ​ൾ​ക്ക് സ്വീ​കാ​ര്യ​നാ​യ ശി​വ​രാ​ജ് സി​ങ് ചൗ​ഹാ​ന്റെ പേ​ര് ആ​ർ.​എ​സ്.​എ​സ് ഉ​യ​ർ​ത്തി​ക്കാ​ട്ടു​ക​യും ചെ​യ്തു.

ന​രേ​ന്ദ്ര മോ​ദി​യും അ​മി​ത് ഷാ​യും ചേ​ർ​ന്ന് ജെ.​പി. ന​ഡ്ഡ​യെ ദേ​ശീ​യ അ​ധ്യ​ക്ഷ സ്ഥാ​ന​​ത്തേ​ക്ക് കൊ​ണ്ടു​വ​ന്ന ശേ​ഷ​മു​ണ്ടാ​യ അ​ക​ൽ​ച്ച​ക്കി​ട​യി​ലാ​ണ് ബി.​ജെ.​പി​ക്ക് തെ​ര​ഞ്ഞെ​ടു​പ്പ് ജ​യി​ക്കാ​ൻ ആ​ർ.​എ​സ്.​എ​സി​ന്റെ ആ​വ​ശ്യ​മി​ല്ലെ​ന്ന നി​ല​യി​ൽ ലോ​ക്സ​ഭ തെ​ര​ഞ്ഞെ​ടു​പ്പ് വേ​ള​യി​ൽ ന​ഡ്ഡ പ​ര​സ്യ പ്ര​സ്താ​വ​ന ന​ട​ത്തി​യ​ത്. ദേ​ശീ​യ അ​ധ്യ​ക്ഷ​നെ ഇ​പ്പോ​ൾ നി​യ​മി​ക്കു​ന്നി​ല്ലെ​ങ്കി​ൽ വ​ർ​ക്കി​ങ് പ്ര​സി​ഡ​ന്റി​നെ​യെ​ങ്കി​ലും നി​യ​മി​ക്ക​ണ​മെ​ന്നാ​ണ് ആ​ർ.​എ​സ്.​എ​സ് നി​ല​പാ​ട്.

ബി.​ജെ.​പി, എ.​ബി.​വി.​പി, ബി.​എം.​എ​സ് (ഭാ​ര​തീ​യ മ​സ്ദൂ​ർ സം​ഘ്), വി​ശ്വ ഹി​ന്ദു പ​രി​ഷ​ത്ത്, വി​ദ്യാ​ഭാ​ര​തി, ഭാ​ര​തീ​യ കി​സാ​ൻ സം​ഘ്, രാ​ഷ്​​ട്ര സേ​വി​കാ സ​മി​തി, വ​ന​വാ​സി ക​ല്യാ​ൺ അ​ട​ക്കം ആ​ർ.​എ​സ്.​എ​സി​ന്റെ 32 അ​നു​ബ​ന്ധ സം​ഘ​ട​ന​ക​ളു​ടെ ഭാ​ര​വാ​ഹി​ക​ൾ ‘അ​ഖി​ല ഭാ​ര​തീ​യ സ​മ​ന്വ​യ് ബൈ​ഠ​കി’​ൽ ക​ർ​മ​പ​രി​പാ​ടി​ക​ളു​ടെ അ​വ​ലോ​ക​നം ന​ട​ത്തും.

നേതൃയോഗത്തിന് തുടക്കം

പാ​ല​ക്കാ​ട്: ഈ ​മാ​സം 31ന് ​ആ​രം​ഭി​ക്കു​ന്ന ‘അ​ഖി​ല ഭാ​ര​തീ​യ സ​മ​ന്വ​യ് ബൈ​ഠ​ക്കി​ന് മു​ന്നോ​ടി​യാ​യി ആ​ർ.​എ​സ്.​എ​സ് ദേ​ശീ​യ നേ​തൃ​യോ​ഗ​ത്തി​ന് പാ​ല​ക്കാ​ട്ട് തു​ട​ക്ക​മാ​യി. വാ​ള​യാ​ർ അ​ഹ​ല്യ കാ​മ്പ​സി​ലാ​ണ് പ്ര​ധാ​ന ഭാ​ര​വാ​ഹി​ക​ൾ പ​ങ്കെ​ടു​ക്കു​ന്ന യോ​ഗം. സ​ർ​സം​ഘ് ചാ​ല​ക് മോ​ഹ​ൻ ഭാ​ഗ​വ​ത് ഉ​ൾ​പ്പെ​ടെ 20ഓ​ളം പേ​ർ ബു​ധ​നാ​ഴ്ച പാ​ല​ക്കാ​ട്ടെ​ത്തി. വ​ർ​ഷ​ത്തി​ലൊ​രി​ക്ക​ൽ ആ​ർ.​എ​സ്.​എ​സി​ന്റെ​യും അ​നു​ബ​ന്ധ സം​ഘ​ട​ന​ക​ളു​ടെ​യും ദേ​ശീ​യ ഭാ​ര​വാ​ഹി​ക​ൾ ഒ​ത്തു​ചേ​രു​ന്ന യോ​ഗ​മാ​ണ് ആ​ഗ​സ്റ്റ് 31, സെ​പ്റ്റം​ബ​ർ ഒ​ന്ന്, ര​ണ്ട് തീ​യ​തി​ക​ളി​ൽ ന​ട​ക്കു​ന്ന​ത്. ആ​ർ.​എ​സ്.​എ​സ് ശ​താ​ബ്ദി​യോ​ട​നു​ബ​ന്ധി​ച്ചു​ള്ള പ​രി​പാ​ടി​ക​ളു​ടെ ച​ർ​ച്ച​യും പ​ദ്ധ​തി ആ​സൂ​ത്ര​ണ​വും വി​ഷ​യ​മാ​കും. ആ​ദ്യ​മാ​യാ​ണ് ആ​ർ.​എ​സ്.​എ​സ് അ​ഖി​ല ഭാ​ര​തീ​യ സ​മ​ന്വ​യ ബൈ​ഠ​ക് കേ​ര​ള​ത്തി​ൽ ന​ട​ക്കു​ന്ന​ത്.