രാജ്​ഭവൻ ചടങ്ങിൽ ആർ.എസ്​.എസ്​ നേതാവ്​; പ്രതിഷേധവുമായി പ്രതിപക്ഷം

തി​രു​വ​ന​ന്ത​പു​രം: രാ​ജ്ഭ​വ​നി​ലെ പ​രി​പാ​ടി​യി​ൽ ആ​ർ.​എ​സ്.​എ​സ് നേ​താ​വ് എ​സ്. ഗു​രു​മൂ​ർ​ത്തി മു​ൻ പ്ര​ധാ​ന​മ​ന്ത്രി​മാ​രെ അ​ധി​ക്ഷേ​പി​ക്കും ​വി​ധം പ​രാ​മ​ർ​ശം ന​ട​ത്തി​യ​തി​ൽ വി​വാ​ദം. ശ​ക്ത​മാ​യ പ്ര​തി​ഷേ​ധ​വു​മാ​യി പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ൻ രം​ഗ​ത്തെ​ത്തി​യ​പ്പോ​ൾ ഗ​വ​ർ​ണ​റെ പി​ന്തു​ണ​ച്ച്​ മു​ൻ​മ​ന്ത്രി വി. ​മു​ര​ളീ​ധ​ര​നും രം​ഗ​ത്തു​വ​ന്നു. ഓ​രോ മാ​സ​വും പ്ര​മു​ഖ​രെ പ​ങ്കെ​ടു​പ്പി​ച്ച് പ​രി​പാ​ടി സം​ഘ​ടി​പ്പി​ക്കു​ന്ന​തി​ന്‍റെ ഭാ​ഗ​മാ​യി ഓ​പ​റേ​ഷ​ൻ സി​ന്ദൂ​ർ വി​ഷ​യ​ത്തി​ലാ​യി​രു​ന്നു ബു​ധ​നാ​ഴ്ച രാ​ജ്​​ഭ​വ​നി​ൽ ഗു​രു​മൂ​ർ​ത്തി​യു​ടെ പ്ര​ഭാ​ഷ​ണം ന​ട​ന്ന​ത്. ക്ഷ​ണി​ക്ക​പ്പെ​ട്ട അ​തി​ഥി​ക​ളാ​യി​രു​ന്നു സ​ദ​സ്സി​ൽ.​ പ്ര​സം​ഗ​ത്തി​നി​ടെ, മു​ൻ പ്ര​ധാ​ന​മ​ന്ത്രി​മാ​ർ​ക്കെ​തി​രെ​യു​ള്ള പ​രാ​മ​ർ​ശ​ങ്ങ​ളി​ലാ​ണ്​ കോ​ൺ​ഗ്ര​സ്​ പ്ര​തി​ഷേ​ധ​മു​യ​ർ​ത്തു​ന്ന​ത്.

രാ​ജ്ഭ​വ​നി​ല്‍ ഔ​ദ്യോ​ഗി​ക​മാ​യി ഒ​രു ആ​ര്‍.​എ​സ്.​എ​സ് നേ​താ​വി​നെ കൊ​ണ്ടു​വ​ന്ന് പ്ര​സം​ഗി​പ്പി​ക്കു​ക​യും മു​ന്‍ സ​ര്‍ക്കാ​റു​ക​ള്‍ക്കെ​തി​രെ രാ​ഷ്ട്രീ​യ പ​രാ​മ​ര്‍ശ​ങ്ങ​ള്‍ ന​ട​ത്തു​ക​യും ചെ​യ്ത​ത് ദൗ​ര്‍ഭാ​ഗ്യ​ക​ര​വും അ​നൗ​ചി​ത്യ​വു​മാ​ണെ​ന്ന്​ പ്ര​തി​പ​ക്ഷ നേ​താ​വ്​ വി.​ഡി. സ​തീ​ശ​ൻ ആ​രോ​പി​ച്ചു. ഓ​പ​റേ​ഷ​ന്‍ സി​ന്ദൂ​റു​മാ​യി ബ​ന്ധ​പ്പെ​ട്ട് പ​രി​പാ​ടി ന​ട​ത്തു​ന്ന​തി​ൽ ഒ​രു വി​രോ​ധ​വു​മി​ല്ല. എ​ന്നാ​ൽ, മി​ലി​ട്ട​റി എ​ക്‌​സ്പ​ര്‍ട്ടു​ക​ളെ​യോ വി​ദേ​ശ​കാ​ര്യ വി​ദ​ഗ്ധ​ന്മാ​രെ​യോ കൊ​ണ്ടു​വ​ന്നാ​ണ് പ്ര​ഭാ​ഷ​ണം ന​ട​ത്തേ​ണ്ട​ത്. മു​ന്‍ കേ​ന്ദ്ര​സ​ര്‍ക്കാ​റു​ക​ളെ​യും മു​ന്‍ പ്ര​ധാ​ന​മ​ന്ത്രി​മാ​രെ​യും കു​റി​ച്ച് അ​ധി​ക്ഷേ​പ​ക​ര​മാ​യ പ​രാ​മ​ര്‍ശ​ങ്ങ​ളാ​ണ് ഗു​രു​മൂ​ര്‍ത്തി അ​വി​ടെ ന​ട​ത്തി​യ​ത്.

ഇ​ത്ത​രം രാ​ഷ്ട്രീ​യ​പ്ര​സം​ഗ​ങ്ങ​ള്‍ക്കു​ള്ള വേ​ദി​യ​ല്ല രാ​ജ്ഭ​വ​ന്‍. രാ​ജ്ഭ​വ​ന്‍ ഗ​വ​ര്‍ണ​റു​ടെ ആ​സ്ഥാ​ന​മാ​ണെ​ന്നും സ​തീ​ശ​ൻ കൂ​ട്ടി​ച്ചേ​ർ​ത്തു. അ​തേ​സ​മ​യം രാ​ജ്യ​ത്തി​നു​വേ​ണ്ടി സേ​വ​നം ന​ട​ത്തു​ന്ന ഗു​രു​മൂ​ർ​ത്തി​യെ പോ​ലു​ള്ള​യാ​ളെ രാ​ജ്​​ഭ​വ​നി​ലേ​ക്ക്​ ക്ഷ​ണി​ച്ച​ത് ഗ​വ​ർ​ണ​റു​​ടെ മ​ഹ​ത്വ​വു​മാ​യി കാ​ണു​ന്നെ​ന്നാ​യി​രു​ന്നു വി. ​മു​ര​ളീ​ധ​ര​ന്റെ പ്ര​തി​ക​ര​ണം. ഇ​ത്ത​രം ആ​ളു​ക​ൾ പ​ങ്കെ​ടു​ക്കു​ന്ന പ​രി​പാ​ടി​ക​ളു​ടെ വേ​ദി​യാ​യി രാ​ജ്​​ഭ​വ​ൻ മാ​റ​ണം. അ​ല്ലാ​തെ, കോ​ൺ​ഗ്ര​സി​ന്റെ വി​ഴു​പ്പ​ല​ക്ക​ൽ രാ​ഷ്ട്രീ​യ​ത്തി​ന്‍റെ​യും അ​ന്ത​പ്പു​ര രാ​ഷ്ട്രീ​യ​ത്തി​ന്‍റെ​യും വേ​ദി​യാ​യി രാ​ജ്​​ഭ​വ​നു​ക​ൾ അ​ധഃ​പ​തി​ച്ചി​രു​ന്ന സാ​ഹ​ച​ര്യം തു​ട​ര​രു​തെ​ന്നും മു​ര​ളീ​ധ​ര​ൻ പ​റ​ഞ്ഞു.

ഗ​വ​ര്‍ണ​റെ പ്ര​തി​ഷേ​ധ​മ​റി​യി​ക്കാ​ന്‍ സം​സ്ഥാ​ന സ​ര്‍ക്കാ​ര്‍ ത​യാ​റാ​ക​ണ​മെ​ന്നും സ​ര്‍ക്കാ​റും മു​ഖ്യ​മ​ന്ത്രി​യും ഇ​ക്കാ​ര്യ​ത്തി​ല്‍ നി​ല​പാ​ട് വ്യ​ക്ത​മാ​ക്ക​ണ​മെ​ന്നും സ​തീ​ശ​ൻ ആ​വ​ശ്യ​പ്പെ​ട്ടി​ട്ടു​ണ്ടെ​ങ്കി​ലും സി.​പി.​എം പ്ര​തി​ക​രി​ച്ചി​ട്ടി​ല്ല. സം​സ്ഥാ​ന സ​ർ​ക്കാ​റി​നെ കൂ​ടി വെ​ട്ടി​ലാ​ക്കു​ന്ന​തി​നാ​ണ്​ ഈ ​ആ​വ​ശ്യം.