നെയ്യാറ്റിൻകരയിൽ ആർ.എസ്.എസ്-സി.പി.എം സംഘർഷം

തിരുവനന്തപുരം: നെയ്യാറ്റിൻകര മഞ്ചവിളാകത്ത് സി.പി.എം-ആർ.എസ്.എസ് സംഘർഷം. രണ്ട്​ വീടുകൾ അടിച്ചു തകർത്തു. വീടുകൾക്ക് നേരെ നടന്ന കല്ലേറിൽ ഗർഭിണി ഉൾപ്പെടെ അഞ്ചുപേർക്ക് പരിക്കേറ്റു. പരിക്കേറ്റവരെ നെയ്യാറ്റിൻകര ജനറൽ ആശുപത്രിയിൽ പ്രവേശിപ്പിച്ചിരിക്കുകയാണ്​.

ഇൗ ഭാഗത്ത്​ കുറച്ചു ദിവസമായി സംഘർഷം നിലനില്‍ക്കുന്നുണ്ട്. കഴിഞ്ഞ ദിവസം ആർ.എസ്.എസ് പ്രവർത്തകനായ രാഹുലിന് നേരെ ആളുമാറി ആക്രമണം നടന്നിരുന്നു. ഇതിൽ പ്രതിഷേധിച്ച് ഇന്ന് മഞ്ചവിളാകത്ത് ഹർത്താൽ നടത്തിയിരുന്നു.