മലപ്പുറം പ്രസ്​ ക്ലബിന്​ നേരെ ആർ.എസ്​.എസ്​ ആക്രമണം; ചന്ദ്രിക ഫോ​േട്ടാഗ്രാഫർക്ക്​ പരി​ക്ക്​

മലപ്പുറം: ആർ.എസ്​.എസ്​ മലപ്പുറം സംഘ്​ ജില്ല കാര്യാലയത്തിന്​ നേരെ ബുധനാഴ്​ച അർധരാത്രി അജ്ഞാതർ ഗുണ്ട്​ എറിഞ്ഞുവെന്നാ​േരാപിച്ച്​ നടത്തിയ പ്രകടനത്തിനിടെ മലപ്പുറം പ്രസ്​ ക്ലബിന്​ നേരെ ആക്രമണം. ചന്ദ്രിക ഫോ​േട്ടാഗ്രാഫർ ഫുആദ്​ സനീന്​ (23) പരിക്കേറ്റു. മൊറയൂർ സ്വദേശിയായ ഫുആദിനെ മലപ്പുറം സഹകരണ ആശുപത്രിയിൽ പ്രവേശിപ്പിച്ചു. വ്യാഴാഴ്​ച രാവിലെ 11.30ഒാടെ മലപ്പുറം പ്രസ്​ ക്ലബിന്​ മുന്നിലാണ്​​ സംഭവം. 

ബുധനാഴ്​ച രാത്രി 11.30ഒാടെ​യാണ്​ മലപ്പുറം മുണ്ടുപറമ്പിലെ ആർ.എസ്​.എസ്​ കാര്യാലയത്തിന്​ നേരെ ആക്രമണമുണ്ടായതായി പറയുന്നത്​. ഇതിൽ പ്രതിഷേധിച്ച്​ നടന്ന പ്രകടനത്തിലാണ്​ അക്രമസംഭവങ്ങളുണ്ടായത്​. മുണ്ടുപറമ്പിൽനിന്ന്​ കുന്നുമ്മൽ ഭാഗത്തേക്ക്​ വന്ന പ്രകടനത്തിനിടെ ഗതാഗതക്കുരുക്കുണ്ടായപ്പോൾ അതുവഴി വന്ന ബൈക്ക്​ യാത്രക്കാരനായ തറയിൽ അബ്​ദുല്ല ഫവാസ്​ സമീപത്തു കൂടെ പോകാൻ ശ്രമിച്ചു. ഇതിൽ പ്രകോപിതരായവർ ഫവാസിനെ കൈകാര്യം ചെയ്യുകയായിരുന്നു. കഴുത്തിൽ പിടിച്ച്​ തള്ളുകയും മർദിക്കുകയും ചെയ്​തു. 

അക്രമം നടക്കു​േമ്പാൾ പ്രസ്​ ക്ലബിലുണ്ടായിരുന്ന ഫുആദ്​ മൊബൈൽ ഫോൺ ഉപയോഗിച്ച്​ ഫോ​​േട്ടാ എടുക്കാൻ ശ്രമിച്ചത്​ കണ്ട പ്രകടനക്കാരിൽ ഏതാനും പേർ അകത്തേക്ക്​ പാഞ്ഞുകയറുകയായിരുന്നു. ഫുആദിനെ ചവിട്ടിയ അക്രമികൾ ​മൊബൈൽ പിടിച്ചുവാങ്ങി കൊണ്ടുപോയി. പൊലീസ്​ എത്തിയാണ്​ ഇവരെ പിരിച്ചുവിട്ടത്​. പ്രകടനത്തിലുടനീളം പ്രകോപനപരമായ മുദ്രാവാക്യങ്ങളായിരുന്നു​ ആർ.എസ്​.എസ്​ പ്രവർത്തകർ മുഴക്കിയത്. 

വിരലിലെണ്ണാവുന്ന പൊലീസുകാർ മാത്രമാണ്​ സുരക്ഷ ചുമതലയിലുണ്ടായിരുന്നത്​. പ്രതികളെ ഉടൻ പിടികൂടുമെന്ന്​ പൊലീസ്​ അറിയിച്ചു. ആശുപത്രിയിൽ കഴിയുന്ന ഫുആദിനെ മുസ്​ലിം ലീഗ്​ നേതാക്കളായ കെ.പി.എ. മജീദ്​, പാണക്കാട്​ സാദിഖലി ശിഹാബ്​ തങ്ങൾ, അഡ്വ. കെ.യു. ലത്തീഫ് തുടങ്ങിയവർ സന്ദർശിച്ചു. കോട്ടപ്പടിയിൽ മൊബൈൽ ഷോപ്പ്​ ജീവനക്കാരനായ ഫവാസിനെയും സഹകരണ ആശുപത്രിയിൽ പ്രവേശിപ്പിച്ചു.  

കേസ്​ ദുർബലമാക്കാൻ പൊലീസ്​ നീക്കം
മലപ്പുറം: പ്രസ്​ ക്ലബിൽ മാധ്യമ പ്രവർത്തകന്​ നേരെയുണ്ടായ ആർ.എസ്​.എസ്​ ആക്രമണത്തിൽ പൊലീസ്​ അനാസ്​ഥ. സംഭവം നടന്ന്​ മണിക്കൂറുകളോളം അക്രമം നടത്തിയവർ നഗരത്തിലുണ്ടായിട്ടും മാധ്യമ പ്രവർത്തകർ വിളിച്ച്​ പറഞ്ഞിട്ടും പിടികൂടാൻ പൊലീസ്​ തയാറായില്ല. ഇതിന്​ പുറമെ കേസി​​​​െൻറ ഗൗരവം കുറക്കാനും പൊലീസി​​​​െൻറ ഭാഗത്തുനിന്ന്​ നീക്കമുണ്ടായി. അക്രമത്തിനിരയായ ചന്ദ്രിക ദിനപത്രത്തി​​​​െൻറ ​​ഫോ​േട്ടാഗ്രാഫറെ കാണാൻ ആശുപത്രിയിൽ എത്തിയ മലപ്പുറം എസ്​.​െഎ അക്രമികൾ പിടിച്ചുവാങ്ങി കൊണ്ടുപോയ ഫോൺ തിരികെ ഏൽപിക്കാൻ ​ശ്രമം നടത്തി. കേസിൽ തൊണ്ടിമുതലായി​ മൊബൈൽ ഫോൺ ഉൾപ്പെടുത്താതിരിക്കാനാണ്​ ഇൗ നീക്കം നടത്തിയതെന്നാണ്​ ആക്ഷേപം. 

ആർ.എസ്​.എസ്​ നേതാക്കളാണ്​ ​ഫോൺ പൊലീസിനെ ഏൽപിച്ചത് എന്നാണ്​ അറിയുന്നത്​​. ഇൗ സമയം ആശുപത്രിയിലുണ്ടായിരുന്ന മുതിർന്ന മാധ്യമ പ്രവർത്തകർ ഫോൺ വാങ്ങാനാവില്ലെന്ന്​ അറിയിച്ചു. ഇതേതുടർന്ന്​ ഫോൺ പൊലീസ്​ തിരിച്ചുകൊണ്ടു​േപായി. സംഭവം നടന്ന്​ ഏറെ നേരം കഴിഞ്ഞ്​​ 1.30ഒാടെയാണ്​ പൊലീസ്​ മൊഴിയെടുക്കാനായി എത്തിയത്​. ആശുപത്രിയിലുണ്ടായിരുന്നവർ മോശമായി പെരുമാറി എന്നാരോപിച്ച്​ ഇൗ​ സംഘം മൊഴിയെടുക്കാതെ തിരിച്ചുപോയി. പിന്നീട് മലപ്പുറം ഡിവൈ.എസ്​.പി എത്തിയാണ്​ മൊഴിയെടുത്തത്​. അക്രമികളെ വൈകാതെ പിടികൂടുമെന്ന്​ പൊലീസ്​ അറിയിച്ചു. 

ഫുവാദിനെ മുസ് ലിം ലീഗ് നേതാവ് സാദിഖലി ശിഹാബ് തങ്ങൾ സന്ദർശിച്ചപ്പോൾ

 

കുറ്റക്കാർക്കെതിരെ കർക്കശനടപടി വേണം -കെ.യു.ഡബ്ല്യു.ജെ
തിരുവനന്തപുരം: മലപ്പുറം പ്രസ്​ക്ലബിൽ കയറി മാധ്യമപ്രവർത്തകരെ മർദിച്ചവർക്കെതിരെ കർക്കശനടപടി സ്വീകരിക്കണമെന്ന്​ കേരള പത്രപ്രവർത്തക യൂനിയൻ (കെ.യു.ഡബ്ല്യു.ജെ) ആവശ്യപ്പെട്ടു. ആർ.എസ്​.എസ്​ നടത്തിയ പ്രകടനത്തിനിടെ ബൈക്ക്​ യാത്രികനെ മർദിക്കാനുള്ള ശ്രമം മൊബൈൽ കാമറയിൽ പകർത്താൻ ശ്രമിച്ചതിനാണ്​ ചന്ദ്രിക ​േഫാ​േട്ടാഗ്രാഫർ ഫുആദിനെ ഒരുസംഘം പ്രസ്​ക്ലബിനുള്ളിൽ കയറി മർദിച്ചതും മൊബൈൽ ഫോൺ പിടിച്ചുവാങ്ങിയതും. പത്രപ്രവർത്തക യൂനിയ​​​​െൻറ  ജില്ലാ ആസ്​ഥാനങ്ങളാണ് പ്രസ്​ക്ലബുകൾ. മലപ്പുറം പ്രസ്​ക്ലബിൽ കയറി മാധ്യമ പ്രവർത്തകരെ ആക്രമിച്ചവർക്കെതിരെ കർക്കശനടപടി സ്വീകരിക്കണമെന്നും കുറ്റവാളികളെ നിയമത്തിന്​ മുന്നിൽ കൊണ്ടുവരണമെന്നും കെ.യു.ഡബ്ല്യു.ജെ സംസ്​ഥാന പ്രസിഡൻറ്​ കമാൽ വരദൂർ, ജനറൽ സെക്രട്ടറി സി. നാരായണൻ എന്നിവർ ആവശ്യപ്പെട്ടു.

മലപ്പുറം ആർ.എസ്​.എസ്​ കാര്യാലയത്തിന്​ നേരെ ഗുണ്ട്​ എറിഞ്ഞെന്ന്​; പൊലീസ്​ അന്വേഷണം തുടങ്ങി
മലപ്പുറം: മുണ്ടുപറമ്പിലെ ആർ.എസ്​.എസ്​ മലപ്പുറം സംഘ്​ ജില്ല കാര്യാലയത്തിന്​ ​േനരെ അജ്ഞാതർ ഗുണ്ട്​ എറിഞ്ഞതായി പരാതി. ബുധനാഴ്​ച രാത്രി 11.30ഒാടെയാണ്​ സംഭവം. ആർ.എസ്​.എസ്​ പരാതിയിൽ​ കേസെടുത്ത പൊലീസ്​ അന്വേഷണം തുടങ്ങി. രണ്ടു ബൈക്കുകളിലായി എത്തിയവർ മൂന്നുതവണ സ്​ഫോടക വസ്​തു എറിഞ്ഞുവെന്നാണ്​ പരാതി. ബൈക്ക്​ നമ്പർ പൊലീസിന്​ ലഭിച്ചിട്ടുണ്ട്​. ആർ.എസ്​.എസ്​ ജില്ല പ്രചാരക്​ അനിൽകുമാർ, ജന്മഭൂമി മലപ്പുറം​ ലേഖകൻ വിപിൻ എന്നിവരാണ്​ ഇൗ സമയം ഒാഫിസിലുണ്ടായിരുന്നത്​.

സംഭവം നടന്നയുടൻ പൊലീസ്​ എത്തി പരിസരത്ത്​ തിരച്ചിൽ നടത്തി. വ്യാഴാഴ്​ച രാവിലെ ബോംബ്​ സ്​ക്വാഡും പരി​േശാധന നടത്തി. മലപ്പുറം സി.​െഎ പ്രേംജിതിനാണ്​ അന്വേഷണ ചുമതല. അതേസമയം, ആർ.എസ്​.എസ്​ കാര്യാലയത്തിന്​ മുകളിലുള്ള റോഡിലും ഗുണ്ട്​ പൊട്ടിയതായി പൊലീസ്​ കണ്ടെത്തിയിട്ടുണ്ട്​. ആഘോഷത്തി​​​​െൻറ ഭാഗമായി പടക്കം പൊട്ടിച്ച്​ പോകുന്നതിനിടെ റോഡിന്​ താഴെയുള്ള കാര്യാലയത്തി​​​​െൻറ മുറ്റത്തും ഇത്​ വീണതാകാമെന്നാണ്​ പ്രാഥമികാന്വേഷണത്തിൽ പൊലീസിന്​ ലഭിച്ച സൂചന​.