Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightമൊബൈൽ ആപ്പ്​ വഴി 290...

മൊബൈൽ ആപ്പ്​ വഴി 290 കോടിയിലേറെ രൂപയുടെ തട്ടിപ്പ്​; മലയാളിയുടെ നേതൃത്വത്തിലുള്ള സംഘം അറസ്​റ്റിൽ

text_fields
bookmark_border
മൊബൈൽ ആപ്പ്​ വഴി 290 കോടിയിലേറെ രൂപയുടെ തട്ടിപ്പ്​; മലയാളിയുടെ നേതൃത്വത്തിലുള്ള സംഘം അറസ്​റ്റിൽ
cancel

ബംഗളൂരു: വ്യാജ മൊബൈൽ ആപ്പുകൾ വഴി 290 കോടിയിലേറെ രൂപയുടെ നിക്ഷേപ തട്ടിപ്പ്​ നടത്തിയ ഒമ്പതംഗ സംഘം കർണാടകയിൽ അറസ്​റ്റിൽ. മലയാളി ബിസിനസുകാരൻ അനസ്​ അഹമ്മദി​െൻറ നേതൃത്വത്തിലുള്ള സംഘത്തെയാണ്​​ കർണാടക സി.​െഎ.ഡിയുടെ സൈബർ ക്രൈം വിഭാഗം പിടികൂടിയത്​. കടലാസ് കമ്പനികളുടെ ഡയറക്ടര്‍മാരായി പ്രവർത്തിച്ച രണ്ടുവീതം ചൈനീസ്​, ടിബറ്റൻ പൗരന്മാരും ഡൽഹി, സൂറത്ത്​ സ്വദേശികളായ നാലുപേരും അറസ്​റ്റിലായവരിൽ ഉൾപ്പെടും.

ബുള്‍ ഫിഞ്ച് ടെക്‌നോളജീസ്, എച്ച് ആന്‍ഡ് എസ് വെഞ്ചേര്‍സ്, ക്ലിഫോര്‍ഡ് വെഞ്ചേര്‍സ് എന്നീ പേരുകളില്‍ കടലാസ് കമ്പനികള്‍ രൂപവത്​കരിച്ചാണ്​ സംഘം തട്ടിപ്പിന്​ കളമൊരുക്കിയത്​. അനസ് അഹമ്മദി​െൻറ നേതൃത്വത്തില്‍ ആരംഭിച്ച ഓണ്‍ലൈന്‍ റമ്മി ആപ്പുകള്‍ പിന്നീട് നിക്ഷേപം സ്വീകരിക്കാൻ 'പവര്‍ ബാങ്ക്'‍, 'സണ്‍ ഫാക്ടറി ' എന്നീ ആപ്ലിക്കേഷനുകളാക്കി പേര്​ മാറ്റി. ഗൂഗ്​ൾ പ്ലേ സ്​റ്റോറിലടക്കം ഇൗ ആപ്പുകൾ ലഭ്യമായിരുന്നു. വൻ ലാഭവിഹിതം പലിശയും വാഗ്​ദാനം ചെയ്​ത്​ സമൂഹമാധ്യമങ്ങളിലൂടെ പ്രചാരണം നടത്തിയ സംഘം തുടക്കത്തിൽ ലാഭവിഹിതം നൽകിയതോടെ കൂടുതൽ പേർ വലയിൽ വീണു. കോടിക്കണക്കിന്​ രൂപ നിക്ഷേപമെത്തിയതോടെ ആപ്പ്​ പ്രവർത്തനരഹിതമാക്കി മുങ്ങി.

ചൈനയില്‍ പഠിച്ച അനസ് അഹമ്മദ് ചൈനക്കാരിയായ യുവതിയെയാണ്​ വിവാഹം കഴിച്ചിട്ടുള്ളത്. ബിസിനസുകാരനായ ഇയാളുടെ അക്കൗണ്ടിലേക്ക് 290 കോടി രൂപ എത്തിയതായും​ ചൈന കേന്ദ്രീകരിച്ച ഹവാല റാക്കറ്റുമായി അനസിന്​ ബന്ധ​മുണ്ടെന്നും​ അന്വേഷണ സംഘം കണ്ടെത്തി​​. റേസർ പേ സോഫ്​റ്റ്​വെയർ പ്രൈവറ്റ്​ ലിമിറ്റഡ്​ എന്ന ഒാൺലൈൻ ധന വിനിമയ സംരംഭത്തി​െൻറ ഉടമകൾ നൽകിയ പരാതിയിലാണ്​സി.ഐ.ഡി സൈബര്‍ ക്രൈം ഡിവിഷന്‍ എസ്.പി. എം.ഡി. ശരത്തി​െൻറ നേതൃത്വത്തിലുള്ള സംഘം പ്രതികളെ പിടികൂടിയത്. ഗെയിമിങ്​, ഇ കൊമേഴ്​സ്​ ബിസിനസുകൾ​ നടത്തുന്നെന്ന പേരിൽ തങ്ങളെ സമീപിക്കുകയും പിന്നീട്​ ഇൗ പേയ്​മെൻറ്​ സംവിധാനം ഉപയോഗപ്പെടുത്തി സംഘം തട്ടിപ്പ്​ നടത്തുകയും ചെയ്​തെന്നാണ്​ പരാതി.

സംഘത്തി​െൻറ തട്ടിപ്പിനെതിരെ കർണാടകയിലെ വിവിധ പൊലീസ്​ സ്​റ്റേഷനുകളിലും പരാതി ലഭിച്ചിട്ടുണ്ട്​. 'പവർബാങ്ക്​' ആപ്ലിക്കേഷൻവഴി പണം നഷ്​ടമായവർ കർണാടക സി.​െഎ.ഡി സൈബർ ക്രൈം വിഭാഗത്തെ സമീപിക്കണമെന്ന്​ പൊലീസ്​ അറിയിച്ചു. വൻ തുക ലാഭവിഹിതം നൽകുന്ന ആപ്ലിക്കേഷനുകളുടെ തട്ടിപ്പ്​പ്രവർത്തനങ്ങളിൽ ജാഗ്രത വേണമെന്നും അറിയപ്പെടാത്ത വെബ്​സൈറ്റുകളിൽനിന്ന്​ ആപ്ലിക്കേഷനുകൾ ഡൗൺ ലോഡ്​ ചെയ്യരുതെന്നും പൊലീസ്​ പൊതുജനങ്ങളോട്​ ആവശ്യപ്പെട്ടു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:crime newsmobile app scam
News Summary - Rs 290 crore scam through mobile app; Malayalee-led gang arrested
Next Story