പാലക്കാട് വിളയൂർ​ സ്വദേശിയുടെ റൂട്ട്മാ​പ് പുറത്തുവിട്ടു; 13 പേരെ പരിശോധനക്ക്​ കൊണ്ടുപോയി

പട്ടാമ്പി: പാലക്കാട്​ ജില്ലയിൽ ചൊവ്വാഴ്​ച കോവിഡ്​ സ്​ഥിരീകരിച്ച വിളയൂർ സ്വദേശിയുടെ റൂട്ട്​മാപ് ജില്ല ഭരണ കൂടം പുറത്തുവിട്ടു. കോളജ് അടച്ചതോടെ, മാർച്ച് 19ന് വീട്ടിലെത്തിയ ഇദ്ദേഹം ഏപ്രിൽ എട്ട്​ വരെ കൂരച്ചിപ്പടിയിലെ ഗ് രോസറി ഷോപ്, രണ്ട് ചിക്കൻ സ്​റ്റാൾ, വീടിനടുത്തുള്ള വായനശാല എന്നിവിടങ്ങളിൽ സന്ദർശിച്ചു. ഏപ്രിൽ ഒമ്പതിന് സ്വന്തം സ്കൂട്ടറിൽ തിരുവേഗപ്പുറയിലെ എം.എസ് ക്ലിനിക്കിലേക്ക്​ അമ്മയോടൊപ്പം പോയി. ഒന്നര മണിക്കൂറോളം ആശുപത്രിയിൽ ചെലവഴ ിച്ചു.

തുടർന്ന് തിരുവേഗപ്പുറയിലെ പെട്രോൾ പമ്പിൽ പോയി. പിന്നീട് കൂരാച്ചിപ്പടിയിലെ റേഷൻ കടയിലും കാനറ ബാങ്ക ് എ.ടി.എമ്മിലും അടുത്തുള്ള ഫ്രൂട്ട് സ്​റ്റാളിലും പോയി. 10, 11 തീയതികളിൽ കൂരാച്ചിപ്പടിയിലെ ഗ്രോസറി ഷോപ്​, ലൈബ്രറി, ബ ാർബർ ഷോപ് എന്നിവ സന്ദർശിച്ചു. 12ന്​ ചെറിയതോതിൽ പനിയും തലവേദനയും ആരംഭിച്ചു. 13ന്​ രാത്രി എട്ടിന്​ എടപ്പലത്തെ സ്വക ാര്യ ക്ലിനിക്കിൽ പോയി. അവിടത്തെ സ്​​റ്റാഫ് നഴ്​സാണ് ഇയാളുടെ താപനില പരിശോധിച്ചത്. 15 മിനിറ്റോളം ആശുപത്രിയിൽ ചെലവഴിച്ചു.

ഏപ്രിൽ 16ന്​ രാത്രി 8.30ന് എടപ്പലത്തുള്ള സ്വകാര്യ ക്ലിനിക്കിൽ വീണ്ടും പോയി ലാബ് ടെസ്​റ്റുകൾ ചെയ്തു. മരുന്ന് വാങ്ങി തിരിച്ചെത്തി. 45 മിനിറ്റോളം അവിടെ ചെലവഴിച്ചു. ഏപ്രിൽ 17, 18 തീയതികളിൽ വീട്ടിൽ തന്നെയായിരുന്നു. ഒരുദിവസം ഇ.എം.എസ് ആശുപത്രിയിലേക്ക് മാറ്റിയ അമ്മയെ കാണാൻ പോയി. സ്വന്തം ടൂവീലറിലായിരുന്നു യാത്ര. ഈ രണ്ടുദിവസവും ഇദ്ദേഹത്തി​​​െൻറ സുഹൃത്തുക്കൾ വീട്ടിലെത്തിയിരുന്നു.

ഏപ്രിൽ 19ന് രാവിലെ 8.30ന്​​ ഒറ്റപ്പാലം താലൂക്ക് ആശുപത്രിയിൽ എത്തി. രാത്രി ഒമ്പത്​ മുതൽ 10.15 വരെ വീട്ടിലേക്ക് മടങ്ങി. അന്ന്​ തന്നെയാണ്​ ഇയാളുടെ അമ്മ മഞ്ചേരിയിൽ മരിച്ചത്. അമ്മയുടെ പരിശോധനാഫലം നെഗറ്റിവായിരുന്നതിനാൽ രാത്രി മൃതദേഹം വീട്ടിലെത്തിച്ച്​ സംസ്കരിച്ചു. സംസ്‌കാരച്ചടങ്ങിൽ പ്രത്യേക അനുമതിയോടെ യുവാവിനെ പങ്കെടുപ്പിച്ചു.

ആംബുലൻസിൽ ഡ്രൈവർക്ക് ഒപ്പം സുരക്ഷ വസ്​ത്രം ധരിച്ചാണ് എത്തിയത്. ഏകദേശം 50 പേർ ഈ സമയം ഇവരുടെ വീട്ടിൽ എത്തിയിരുന്നു. 10.15ന് വീണ്ടും ഒറ്റപ്പാലം താലൂക്ക് ആശുപത്രിയിൽ എത്തിച്ച്​ പരിശോധനക്കായി സ്രവം എടുത്തു. 20ന് ഒറ്റപ്പാലം താലൂക്ക് ആശുപത്രിയിൽ ഐസൊലേഷനിൽ നിരീക്ഷണം തുടർന്നു. പരിശോധന ഫലം പോസിറ്റീവ് ആയതിനെ തുടർന്ന് 21ന് പാലക്കാട് ജില്ല ആശുപത്രിയിലേക്ക് മാറ്റി.

ഹോട്ട്​സ്​പോട്ട്​ മേഖലയായി പ്രഖ്യാപിച്ച വിളയൂർ പഞ്ചായത്തിലേക്കുള്ള പ്രവേശനവും അനാവശ്യമായി ആളുകൾ പുറത്തിറങ്ങുന്നതും കൂട്ടംകൂടുന്നതും വിലക്കിയിട്ടുണ്ട്​. കോവിഡ്​ സ്​ഥിരീകരിച്ച യുവാവ് ചികിത്സക്ക് പോയ എടപ്പലം, തിരുവേഗപ്പുറ ക്ലിനിക്കുകൾ അടച്ചു.

യുവാവി​​​െൻറ പിതാവ്​ ജോലി ചെയ്യുന്ന കൊപ്പം സഹകരണ ബാങ്കി​​​െൻറ നടുവട്ടം ശാഖ ഉൾപ്പെടെ ഏഴ്​ ശാഖകളും അടച്ചു. ബാങ്ക് ജീവനക്കാർ ഞായറാഴ്ച കോവിഡ്​ ബാധിതനായ യുവാവി​​​െൻറ അമ്മയുടെ സംസ്കാര ചടങ്ങിൽ പങ്കെടുത്തിരുന്നു.

യുവാവുമായി നേരിട്ട് സമ്പർക്കത്തിലേർപ്പെട്ട പിതാവ്, സഹോദരി, സഹോദരിയുടെ ഭർത്താവ്, മക്കൾ, അമ്മയുടെ സഹോദരി, അടുത്ത സുഹൃത്ത്, വീട്ടിലെ സഹായി, അയൽ വീട്ടുകാർ, അമ്മയെ ആശുപത്രിയിലേക്ക് കൊണ്ടുപോയ വാഹനത്തി​​​െൻറ ഡ്രൈവർ, മുടിവെട്ടിയ ബാർബർ, ഭക്ഷണം എത്തിച്ച അയൽവാസി തുടങ്ങി 13 പേരെ കൂടുതൽ പരിശോധനക്കായി ആരോഗ്യവകുപ്പ് ഒറ്റപ്പാലത്തേക്ക് കൊണ്ടുപോയി.

വിളയൂർ കൂരാച്ചിപ്പടിയിലെ വിവിധ കടകളും ബാങ്കും യുവാവി​​​െൻറ വീടും പെരിന്തൽമണ്ണ അഗ്നിശമന സേനയും ബാങ്കി​​​െൻറ കൊപ്പം, നടുവട്ടം, തിരുവേഗപ്പുറ ശാഖകളും ഷൊർണൂർ അഗ്നിശമനസേനയും അണുവിമുക്തമാക്കി.

ഇയാളുടെ വീട്ടിൽ പല സമയങ്ങളിലായി വന്നുപോയ നൂറോളം പേരെ ക്വാറൻറീനിലാക്കിയിട്ടുണ്ട്. വീട്ടിലെത്തിയ വിളയൂർ പഞ്ചായത്തിലുള്ളവർക്ക്​ പുറമെ എടയൂർ, പുലാമന്തോൾ പഞ്ചായത്തുകളിലെ ബന്ധുക്കളും താലൂക്കിലെ വിവിധ ഭാഗങ്ങളിൽ നിന്ന് വന്ന പൊതുപ്രവർത്തകരും ക്വാറൻറീനിലാണ്.