Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightമരംമുറി ഉത്തരവ്​:...

മരംമുറി ഉത്തരവ്​: നവംബർ ഒന്നിന്​ യോഗം ചേർന്നിട്ടില്ലെന്ന്​ റോഷി അഗസ്റ്റിൻ

text_fields
bookmark_border
മരംമുറി ഉത്തരവ്​: നവംബർ ഒന്നിന്​ യോഗം ചേർന്നിട്ടില്ലെന്ന്​ റോഷി അഗസ്റ്റിൻ
cancel

തിരുവനന്തപുരം: മുല്ലപ്പെരിയാർ ബേബി ഡാമിലെ മരംമുറിയുമായി ബന്ധപ്പെട്ട വിവാദത്തിൽ പ്രതികരണവുമായി ജലവിഭവ വകുപ്പ്​ മന്ത്രി റോഷി അഗസ്റ്റിൻ. നവംബർ ഒന്നിന്​ മരംമുറിയുമായി ബന്ധപ്പെട്ട്​ യോഗം ചേർന്നിട്ടില്ലെന്ന്​ റോഷി അഗസ്റ്റിൻ പറഞ്ഞു. യോഗം ചേർന്നെങ്കിൽ മിനുട്​സ്​ ഉണ്ടാവണമായിരുന്നു. അങ്ങനെയൊരു മിനുട്​സ്​ നിലവിലില്ല.

പതിനേഴാം തീയതി യോഗം ചേർന്നില്ലെന്ന്​ പറഞ്ഞിട്ടില്ല. എന്നാൽ, മരംമുറി സംബന്ധിച്ച്​ 17ാം തീയതിയിലെ യോഗത്തിലും തീരുമാനമുണ്ടായിട്ടില്ല. യോഗത്തിൽ മറ്റ്​ പല വിഷയങ്ങളും ചർച്ചയായിരുന്നു. മരംമുറിയെ സംബന്ധിച്ച്​ ചർച്ച നടന്നുവെന്ന്​ വ്യക്​തമായാൽ നടപടിയുണ്ടാകുമെന്നും റോഷി അഗസ്റ്റിൻ പറഞ്ഞു.

ഉദ്യോഗസ്ഥർക്ക്​ വീഴ്ചയുണ്ടായോയെന്ന്​ പരിശോധിക്കാൻ ചീഫ്​ സെക്രട്ടറിയെ ചുമതലപ്പെടുത്തിയിട്ടുണ്ട്​. ചീഫ്​ സെക്രട്ടറിയുടെ റിപ്പോർട്ട്​ വരുന്നതിനനുസരിച്ച്​ ഇക്കാര്യത്തിൽ തുടർ നടപടികളുണ്ടാവുമെന്നും റോഷി അഗസ്റ്റിൻ വിശദീകരിച്ചു.

നവംബർ ഒന്നിന് ജലവിഭവ സെക്രട്ടറി വിളിച്ച യോഗ പ്രകാരമാണ് മരംമുറിക്ക് അനുമതി നൽകിയതെന്ന റിപ്പോർട്ടുകൾ കഴിഞ്ഞ ദിവസം പുറത്ത്​ വന്നിരുന്നു. എന്നാൽ, റിപ്പോർട്ട്​ പുറത്ത്​ വന്നിട്ടും നവംബർ ഒന്നിന്​ യോഗം ചേർന്നിട്ടില്ലെന്ന നിലപാടിൽ ഉറച്ചു നിൽക്കുകയാണ്​ ജലവിഭവ വകുപ്പ്​ മന്ത്രി റോഷി അഗസ്റ്റിൻ.

Show Full Article
TAGS:Roshi Augustine 
News Summary - Roshi Augustin said the meeting was not convened on November 1st
Next Story