കുട്ടികൾ എത്തുന്നതിന്​ തൊട്ടുമുമ്പ്​ സ്കൂളിന്‍റെ മേൽക്കൂര തകർന്നുവീണു

തൃ​പ്പൂ​ണി​ത്തു​റ: ഉ​ദ​യം​പേ​രൂ​രി​ൽ സ്കൂ​ൾ കെ​ട്ടി​ട​ത്തി​​ന്‍റെ മേ​ൽ​ക്കൂ​ര ത​ക​ർ​ന്നു​വീ​ണു. വ്യാ​ഴാ​ഴ്ച രാ​വി​ലെ 9.25നാ​ണ്​ സം​ഭ​വം. കു​ട്ടി​ക​ൾ എ​ത്തു​ന്ന​തി​ന് തൊ​ട്ടു​മു​മ്പാ​യ​തി​നാ​ൽ വ​ൻ​ദു​ര​ന്തം ഒ​ഴി​വാ​യി. ഓ​ടു​മേ​ഞ്ഞ കെ​ട്ടി​ട​ത്തി​ന്‍റെ മേ​ൽ​ക്കൂ​ര മു​ഴു​വ​നാ​യും നി​ലം​പൊ​ത്തി.

ക​ണ്ട​നാ​ട് ഗ​വ. ജൂ​നി​യ​ർ ബേ​സി​ക്​ (ജെ.​ബി) സ്കൂ​ളി​ന്‍റെ 100 വ​ർ​ഷ​ത്തി​ല​ധി​കം പ​ഴ​ക്ക​മു​ള്ള കെ​ട്ടി​ട​ത്തി​ന്‍റെ മേ​ൽ​ക്കൂ​ര​യാ​ണ് ത​ക​ർ​ന്ന​ത്. കെ​ട്ടി​ട​ത്തി​ൽ പ്ര​വ​ർ​ത്തി​ക്കു​ന്ന അം​ഗ​ൻ​വാ​ടി​യി​ലെ​യും പ്രീ-​സ്കൂ​ളി​ലെ​യും വി​ദ്യാ​ർ​ഥി​ക​ൾ ഈ ​സ​മ​യം എ​ത്തി​യി​രു​ന്നി​ല്ല. അം​ഗ​ൻ​വാ​ടി​യി​ലെ ആ​യ ലി​സി സേ​വ്യ​ർ സം​ഭ​വ​സ​മ​യം കെ​ട്ടി​ട​ത്തി​ൽ ഉ​ണ്ടാ​യി​രു​ന്നെ​ങ്കി​ലും മേ​ൽ​ക്കൂ​ര ഞെ​രി​ഞ്ഞ​മ​രു​ന്ന ശ​ബ്ദം കേ​ട്ട്​ ഓ​ടി​മാ​റി. വെ​ള്ളി​യാ​ഴ്ച അം​ഗ​ൻ​വാ​ടി കു​ട്ടി​ക​ളു​ടെ ക്രി​സ്മ​സ് ആ​ഘോ​ഷം ഉ​ൾ​പ്പെ​ടെ ഈ ​കെ​ട്ടി​ട​ത്തി​ലാ​ണ് ന​ട​ത്താ​ൻ തീ​രു​മാ​നി​ച്ചി​രു​ന്ന​ത്.

എ​ൽ.​പി സ്കൂ​ളി​ലെ കു​ട്ടി​ക​ൾ ഉ​ച്ച​ഭ​ക്ഷ​ണം ക​ഴി​ക്കാ​നെ​ത്തി​യി​രു​ന്ന​തും ത​ക​ർ​ന്നു​വീ​ണ കെ​ട്ടി​ട​ത്തി​ലാ​ണ്.

കെ​ട്ടി​ട​ത്തി​ലെ അം​ഗ​ൻ​വാ​ടി​യി​ലും പ്രീ-​സ്കൂ​ളി​ലു​മാ​യി ആ​റ്​ വീ​തം കു​ട്ടി​ക​ൾ പ​ഠി​ക്കു​ന്നു​ണ്ട്. ഇ​തി​ന്​ സ​മീ​പ​ത്തെ പു​തി​യ കെ​ട്ടി​ട​ത്തി​ലാ​ണ് എ​ൽ.​പി വി​ഭാ​ഗം പ്ര​വ​ർ​ത്തി​ക്കു​ന്ന​ത്. മു​ൻ എം.​എ​ൽ.​എ എം. ​സ്വ​രാ​ജി​ന്‍റെ ശ്ര​മ​ഫ​ല​മാ​യി പു​തി​യ കെ​ട്ടി​ടം പ​ണി​ത് എ​ൽ.​പി വി​ഭാ​ഗം അ​വി​ടേ​ക്ക്​ മാ​റ്റി​യി​രു​ന്നു. എ​ന്നാ​ൽ, അം​ഗ​ൻ​വാ​ടി​യും പ്രീ-​സ്കൂ​ളും പ​ഴ​യ കെ​ട്ടി​ട​ത്തി​ൽ തു​ട​രു​ക​യാ​യി​രു​ന്നു. സം​ഭ​വ​മ​റി​ഞ്ഞ് കെ. ​ബാ​ബു എം.​എ​ൽ.​എ​യും വാ​ർ​ഡ് കൗ​ൺ​സി​ല​ർ​മാ​രും പൊ​ലീ​സും നാ​ട്ടു​കാ​രും സ്ഥ​ല​ത്തെ​ത്തി.