Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightരാഷ്​ട്രീയക്കാർ...

രാഷ്​ട്രീയക്കാർ ഭൂതകാലത്തെ കെട്ടുകഥകളാക്കി സാധുത തേടുന്നു –പ്രഫ. റൊമിലാ ഥാപ്പർ

text_fields
bookmark_border
രാഷ്​ട്രീയക്കാർ ഭൂതകാലത്തെ കെട്ടുകഥകളാക്കി സാധുത തേടുന്നു –പ്രഫ. റൊമിലാ ഥാപ്പർ
cancel

തിരുവനന്തപുരം: രാഷ്​ട്രീയക്കാർ ഭൂതകാലത്തെ കെട്ടുകഥകളാക്കിയും പുരാണവത്​കരിച്ചും സാധുത തേടുകയാണെന്ന്​ പ്രമുഖ ചരിത്രപണ്ഡിത പ്രഫ. റൊമിലാ ഥാപ്പർ.

കേരള ഹിസ്​റ്ററി കോൺഗ്രസ് സംഘടിപ്പിച്ച 'മീറ്റ് ദ ഹിസ്​റ്റോറിയൻ' പരിപാടിയിൽ സംസാരിക്കുകയായിരുന്നു അവർ. ചരിത്രകാരന്മാരല്ലാത്തവർക്ക്​ ഭൂതകാലം കൊണ്ട്​ പല ലക്ഷ്യങ്ങളുമുണ്ട്​. പാരമ്പര്യങ്ങളെന്ന പേരിൽ അവതരിപ്പിക്കുന്ന പല കാര്യങ്ങളും പുതുതായി കണ്ടുപിടിക്കപ്പെട്ടവയാണ്​. ഭൂതകാലത്തെക്കുറിച്ച കെട്ടുകഥകൾ ചരിത്രമല്ല.

വിശ്വാസയോഗ്യമായ തെളിവുകളുണ്ടെങ്കിലേ അവ ചരിത്രമാകൂ. ഹിന്ദുക്കളും മുസ്​ലിംകളും വ്യത്യസ്​ത ദേശീയതകളാണെന്ന ബ്രിട്ടീഷ്​ കാഴ്​ചപ്പാടിൽനിന്നാണ്​ ഹിന്ദുരാഷ്​ട്രം എന്ന ആശയം ഉയർന്നുവന്നതെന്നും റൊമിലാ ഥാപ്പർ അഭിപ്രായപ്പെട്ടു.

ഉന്നതവിദ്യാഭ്യാസ കൗൺസിൽ വൈസ്​ ചെയർമാൻ പ്രഫ. രാജൻ ഗുരുക്കൾ അധ്യക്ഷതവഹിച്ചു. റൊമിലാ ഥാപ്പറുടെ കൃതിയുടെ മലയാള തർജമയായ 'ചരിത്രം പറയുമ്പോൾ' ഭാഷ ഇൻസ്​റ്റിറ്റ്യൂട്ട്​ ഡയറക്​ടർ പ്രഫ. കാർത്തികേയൻ നായർ പ്രഫ. കേശവൻ വെളുത്താട്ടിന്​ നൽകി പ്രകാശനം ചെയ്തു.

കേരള ഹിസ്​റ്റി കോൺഗ്രസ്​ ജനറൽ സെക്രട്ടറി ഡോ. സെബാസ്​റ്റ്യൻ ജോസഫ് സംസാരിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:romila thaparkerala history congress
News Summary - Romila Thapar in meet the historian by kerala history congress
Next Story