സ്വർണാഭരണ കവർച്ചക്കായി തീരദേശത്ത് വീണ്ടും അറുകൊല

വാ​ടാ​ന​പ്പ​ള്ളി: സ്വ​ർ​ണാ​ഭ​ര​ണ ക​വ​ർ​ച്ച​ക്കാ​യി വാ​ടാ​ന​പ്പ​ള്ളി തീ​ര​ദേ​ശ​ത്ത് വീ​ണ്ടും കൊ​ല​പാ​ത​കം. ര​ണ്ട് കൊ​ല​പാ​ത​ക​ത്തി​ന്റെ ന​ടു​ക്കം മാ​റും മു​മ്പാ​ണ് മൂ​ന്നാ​മ​ത്തെ അ​റു​കൊ​ല​യും ന​ട​ന്നത്. ആ​റു മാ​സ​ത്തി​നു​ള്ളി​ലാ​ണ് മൂ​ന്നു കൊ​ല​പാ​ത​കം സം​ഭ​വി​ച്ച​ത്.

ഇ​തി​ൽ ര​ണ്ടെ​ണ്ണ​വും സ്വ​ർ​ണാ​ഭ​ര​ണം ക​വ​രാ​ൻ വേ​ണ്ടി​യാ​ണ്. 2022 ആ​ഗ​സ്റ്റ് 20നാ​ണ് കൈ​ക്കു​ഞ്ഞി​ന്റെ മു​ന്നി​ൽ വെ​ച്ച് ത​ളി​ക്കു​ളം ന​മ്പി​ക്ക​ട​വി​ൽ അ​ര​വ​ശ്ശേ​രി നൂ​റു​ദ്ദീ​ന്റെ മ​ക​ൾ അ​ഷി​ത​യെ ഭ​ർ​ത്താ​വ് കാ​ട്ടൂ​ർ സ്വ​ദേ​ശി മം​ഗ​ല​ത്ത് ആ​ഷി​ഫ് വ​ടി​വാ​ളു​കൊ​ണ്ട് വെ​ട്ടി​ക്കൊ​ന്ന​ത്. നൂ​റു​ദ്ദീ​നും ഗു​രു​ത​ര വെ​ട്ടേ​റ്റി​രു​ന്നു. പ്ര​തി​യെ പി​ന്നീ​ട് പി​ടി​കൂ​ടി.

ക​ഴി​ഞ്ഞ മാ​സം ന​മ്പി​ക്ക​ട​വ് ഹെ​ൽ​ത്ത് സെ​ന്റ​റി​ന് തെ​ക്ക് താ​ണി​ക്ക​ൽ ഷാ​ഹി​ത​യെ സ്വ​ർ​ണാ​ഭ​ര​ണം ക​വ​ർ​ച്ച ചെ​യ്യാ​ൻ വ​ല​പ്പാ​ട് കോ​ത​കു​ളം സ്വ​ദേ​ശി പോ​ക്കാ​ക്കി​ല്ല​ത്ത് ഹ​ബീ​ബ് ക​ഴു​ത്ത് ഞെ​രു​ക്കി കൊ​ല​പ്പെ​ടു​ത്തി​യി​രു​ന്നു. സ്വ​ർ​ണാ​ഭ​ര​ണ​വു​മാ​യി ക​ട​ന്നു​ക​ള​യാ​ൻ ശ്ര​മി​ച്ച ഹ​ബീ​ബി​നെ നാ​ട്ടു​കാ​രാ​ണ് പി​ടി​കൂ​ടി പൊ​ലീ​സി​ൽ ഏ​ൽ​പി​ച്ച​ത്.

ഇ​തി​ന് പി​ന്നാ​ലെ​യാ​ണ് വ്യാ​ഴാ​ഴ്ച തൊ​ട്ട​ടു​ത്ത വാ​ടാ​ന​പ്പ​ള്ളി ഗ​ണേ​ശ​മം​ഗ​ല​ത്ത് സി ​പേ​ൾ ബാ​റി​ന് സ​മീ​പം താ​മ​സി​ക്കു​ന്ന വാ​ലി​പ്പ​റ​മ്പി​ൽ വ​സ​ന്ത​യെ ത​ല​ക്ക​ടി​ച്ചും ക​ത്തി​കൊ​ണ്ട് കു​ത്തി​യും കൊ​ല​പ്പെ​ടു​ത്തി​യ ശേ​ഷം ഗ​ണേ​ശ​മം​ഗ​ലം സ്വ​ദേ​ശി മൂ​ത്താം​പ​റ​മ്പി​ൽ ജ​യ​രാ​ജ​ൻ സ്വ​ർ​ണ​മാ​ല ക​വ​ർ​ന്ന​ത്. പ്ര​തി​യെ മ​ണി​ക്കൂറു​ക​ൾ​ക്കു​ള്ളി​ൽ​ത​ന്നെ നാ​ട്ടു​കാ​രു​ടെ സ​ഹാ​യ​ത്തോ​ടെ പൊ​ലീ​സ് പി​ടി​കൂ​ടി. കൊ​ല​പാ​ത​ക​മ​റി​ഞ്ഞ് നി​ര​വ​ധി പേ​രാ​ണ് വീ​ട്ടു​പ​രി​സ​ത്ത് എ​ത്തി​യ​ത്.

വിശ്വസിക്കാനാകാതെ നാട്ടുകാർ

വാ​ടാ​ന​പ്പ​ള്ളി: സാ​മ്പ​ത്തി​ക ശേ​ഷി​യു​ണ്ടാ​യി​ട്ടും റി​ട്ട. അ​ധ്യാ​പി​ക​യാ​യ വ​യോ​ധി​ക​യെ കൊ​ല​പ്പെ​ടു​ത്തി ജ​യ​രാ​ജ​ൻ സ്വ​ർ​ണാ​ഭ​ര​ണം ക​വ​ർ​ന്ന വി​വ​രം വി​ശ്വ​സി​ക്കാ​ൻ ക​ഴി​യാ​തെ നാ​ട്ടു​കാ​ർ. കൊ​ല്ല​പ്പെ​ട്ട വ​സ​ന്ത​യു​ടെ ബ​ന്ധു​വും സ​മീ​പ​വാ​സി​യു​മാ​യ യു​വാ​വു​മാ​യു​ള്ള ജ​യ​രാ​ജ​ന്റെ മ​ക​ളു​ടെ വി​വാ​ഹ സ​മ​യ​ത്ത് 101 പ​വ​ന്റെ സ്വ​ർ​ണാ​ഭ​ര​ണ​മാ​ണ​ത്രെ ന​ൽ​കി​യ​ത്.

ദ​മ്പ​തി​ക​ൾ ഇ​പ്പോ​ൾ പി​ണ​ക്ക​ത്തി​ലാ​ണ്. ഈ ​വൈ​രാ​ഗ്യം ജ​യ​രാ​ജി​ന് വ​സ​ന്ത​യോ​ട് ഉ​ണ്ടെ​ന്ന് സൂ​ച​ന​യു​ണ്ട്. സാ​മ്പ​ത്തി​ക ശേ​ഷി ഉ​ണ്ടാ​യി​ട്ടും ഒ​രു മാ​ല​ക്കു വേ​ണ്ടി വ​യോ​ധി​ക​യെ കൊ​ല​പ്പെ​ടു​ത്തി​യ​താ​ണ് നാ​ട്ടു​കാ​രെ അ​മ്പ​ര​പ്പി​ക്കു​ന്ന​ത്.

ഇ​ത് വി​ശ്വ​സി​ക്കാ​നും നാ​ട്ടു​കാ​ർ​ക്കാ​വു​ന്നി​ല്ല. കാരണം വെ​ളി​പ്പെ​ടു​ത്താ​ൻ പൊ​ലീ​സ് ത​യാ​റാ​കു​ന്നി​ല്ല. ത​ല​ക്ക​ടി​യേ​റ്റാ​ണ് പ​റ​യു​ന്ന​തെ​ങ്കി​ലും എ​ന്തു​കൊ​ണ്ട് ത​ല​ക്ക​ടി​ച്ചെ​ന്ന് പ​റ​യു​ന്നി​ല്ല. കു​ത്തേ​റ്റ​താ​യും പ​റ​യു​ന്നു.