റോഡപകടം: എൻഫോഴ്സ്മെന്‍റ് പരിശോധന ശക്തം; 12 ലൈ​സ​ൻ​സു​ക​ൾ സ​സ്പെ​ൻ​ഡ് ചെ​യ്തു

കോ​ട്ട​ക്ക​ൽ: അ​ശ്ര​ദ്ധ ഡ്രൈ​വി​ങ്ങി​നെ തു​ട​ർ​ന്ന് അ​പ​ക​ട​ങ്ങ​ളും മ​ര​ണ​ങ്ങ​ളും തു​ട​ർ​ക്ക​ഥ​യാ​കു​ന്ന​തി​നി​ടെ പ​രി​ശോ​ധ​ന ശ​ക്ത​മാ​ക്കി എ​ൻ​ഫോ​ഴ്സ്മെ​ന്‍റ്. ജി​ല്ല​യു​ടെ വി​വി​ധ​യി​ട​ങ്ങ​ളി​ൽ ന​ട​ത്തി​യ പ​രി​ശോ​ധ​ന​യി​ൽ 12 ലൈ​സ​ൻ​സു​ക​ൾ സ​സ്പെ​ൻ​ഡ് ചെ​യ്തു.

തി​രു​നാ​വാ​യ​യി​ൽ ജി​ല്ല എ​ൻ​ഫോ​ഴ്‌​സ്മെ​ന്‍റ് തി​രൂ​ർ സ്ക്വാ​ഡ് ന​ട​ത്തി​യ മി​ന്ന​ൽ പ​രി​ശോ​ധ​ന​യി​ൽ ഫി​റ്റ്ന​സ് ഇ​ല്ലാ​തെ സ​ർ​വി​സ് ന​ട​ത്തി​യ ര​ണ്ട് സ്കൂ​ൾ ബ​സു​ക​ള​ട​ക്കം നി​ര​വ​ധി വാ​ഹ​ന​ങ്ങ​ൾ​ക്കെ​തി​രെ ന​ട​പ​ടി​യെ​ടു​ത്തു.

സ്പീ​ഡ് ഗ​വ​ർ​ണ​ർ പ്ര​വ​ർ​ത്തി​ക്കാ​ത്ത​തും തേ​ഞ്ഞ ട​യ​റു​ക​ൾ ഘ​ടി​പ്പി​ച്ച​തും സീ​റ്റു​ക​ൾ ഇ​ള​കി​യ​നി​ല​യി​ലു​മാ​യ രീ​തി​യി​ൽ സ​ർ​വി​സ് ന​ട​ത്തി​യ സ്കൂ​ൾ ബ​സി​ന്റെ ഫി​റ്റ്ന​സ് റ​ദ്ദാ​ക്കി.

ഡോ​ർ അ​റ്റ​ൻ​ഡ​ർ, ഫ​സ്റ്റ് എ​യ്ഡ് ബോ​ക്സ്‌, ഫ​യ​ർ എ​സ്‌​റ്റി​ങ്ഗ്വി​ഷ​ർ, ഹാ​ൻ​ഡ് ബ്രേ​ക്ക് പ്ര​വ​ർ​ത്തി​ക്കാ​ത്ത സ്കൂ​ൾ ബ​സു​ക​ൾ​ക്കെ​തി​രെ​യും കേ​സെ​ടു​ത്തു.

വി​വി​ധ ഭാ​ഗ​ങ്ങ​ളി​ൽ ന​ട​ത്തി​യ പ​രി​ശോ​ധ​ന​യി​ൽ അ​ല​ക്ഷ്യ​മാ​യി വാ​ഹ​നം ഓ​ടി​ച്ച​വ​ർ​ക്കെ​തി​രെ​യും ര​ജി​സ്ട്രേ​ഷ​ൻ ന​മ്പ​ർ ബോ​ധ​പൂ​ർ​വം തി​രു​ത്തി​യ​വ​ർ​ക്കെ​തി​രെ​യും കേ​സെ​ടു​ത്തു.

ഇ​വ​രു​ടെ ലൈ​സ​ൻ​സ് സ​സ്പെ​ൻ​ഡ് ചെ​യ്യാ​ൻ നോ​ട്ടീ​സ് ന​ൽ​കി.

ഇ​ത്ത​ര​ത്തി​ൽ 12 ലൈ​സ​ൻ​സു​ക​ൾ സ​സ്പെ​ൻ​ഡ് ചെ​യ്ത​താ​യി എ​ൻ​ഫോ​ഴ്‌​സ്മെ​ന്റ് ആ​ർ.​ടി.​ഒ പി.​എ. ന​സി​ർ അ​റി​യി​ച്ചു.

മോ​ട്ടോ​ർ വെ​ഹി​ക്കി​ൾ​സ് ഇ​ൻ​സ്പെ​ക്ട​ർ വൈ​ജ​യ​ച​ന്ദ്ര​ന്‍റെ നേ​തൃ​ത്വ​ത്തി​ൽ ന​ട​ന്ന പ​രി​ശോ​ധ​ന​യി​ൽ അ​സി. മോ​ട്ടോ​ർ വെ​ഹി​ക്കി​ൾ​സ് ഇ​ൻ​സ്പെ​ക്ട​ർ​മാ​രാ​യ വി. ​രാ​ജേ​ഷ്, സ​ലീ​ഷ് മേ​ല​പ്പാ​ട്ട്, പി. ​അ​ജീ​ഷ് എ​ന്നി​വ​ർ പ​ങ്കെ​ടു​ത്തു.

ര​ക്ഷി​താ​ക്ക​ൾ​ക്ക് മു​ന്ന​റി​യി​പ്പു​മാ​യി ആ​ർ.​ടി.​ഒ

കോ​ട്ട​ക്ക​ൽ: ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ പൊ​ലീ​സും മോ​ട്ടോ​ർ വാ​ഹ​ന വ​കു​പ്പും സം​യു​ക്ത​മാ​യി രാ​ത്രി​കാ​ല​ങ്ങ​ളി​ലും വാ​ഹ​ന പ​രി​ശോ​ധ​ന ന​ട​ത്താ​ൻ തീ​രു​മാ​നി​ച്ച​താ​യി ആ​ർ.​ടി.​ഒ പി.​എ. ന​സി​ർ അ​റി​യി​ച്ചു. എ.​ഐ കാ​മ​റ​ക​ളി​ൽ​നി​ന്ന് ര​ക്ഷ​പ്പെ​ടാ​ൻ ന​മ്പ​ർ പ്ലേ​റ്റ് മ​റ​ക്കു​ന്ന പ്ര​വ​ണ​ത കൂ​ടു​ക​യാ​ണ്. ഇ​ത്ത​ര​ത്തി​ൽ വാ​ഹ​നം ഉ​പ​യോ​ഗി​ക്കു​ന്ന​വ​രെ​യും ബൈ​ക്കു​ക​ളി​ൽ മൂ​ന്നു​പേ​രു​മാ​യി അ​പ​ക​ട​ക​ര​മാ​യി വാ​ഹ​നം ഓ​ടി​ക്കു​ന്ന​വ​രെ​യും പി​ടി​കൂ​ടാ​നും ലൈ​സ​ൻ​സ് സ​സ്പെ​ൻ​ഡ് ചെ​യ്യാ​നു​മാ​ണ് സം​യു​ക്ത പ​രി​ശോ​ധ​ന​യി​ലൂ​ടെ ല​ക്ഷ്യ​മി​ടു​ന്ന​ത്. 18 വ​യ​സ്സ് പൂ​ർ​ത്തി​യാ​കാ​ത്ത കു​ട്ടി​ക​ൾ​ക്ക് വാ​ഹ​നം ന​ൽ​കി​യാ​ൽ ര​ക്ഷി​താ​ക്ക​ൾ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കും. 25,000 രൂ​പ പി​ഴ​യും കു​ട്ടി​ക​ൾ​ക്കെ​തി​രെ ജു​വ​നൈ​ൽ നി​യ​മ​പ്ര​കാ​രം കേ​സെ​ടു​ക്കു​ക​യും 25 വ​യ​സ്സു​വ​രെ ഡ്രൈ​വി​ങ് എ​ടു​ക്കു​ന്ന​തി​ൽ​നി​ന്ന് കു​ട്ടി​യെ വി​ല​ക്കു​ന്ന​തു​മാ​ണ് നി​യ​മം എ​ന്ന് ആ​ർ.​ടി.​ഒ ഓ​ർ​മി​പ്പി​ച്ചു.