Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_right...

മുന്നറിയിപ്പില്ലാത്തതിനാൽ റോഡപകടം: നഷ്​ടപരിഹാരം നൽകാൻ സർക്കാർ ബാധ്യസ്​ഥം -ഹൈകോടതി

text_fields
bookmark_border
മുന്നറിയിപ്പില്ലാത്തതിനാൽ റോഡപകടം: നഷ്​ടപരിഹാരം നൽകാൻ സർക്കാർ ബാധ്യസ്​ഥം -ഹൈകോടതി
cancel

കൊച്ചി: മുന്നറിയിപ്പ്​ നൽകാത്തതിനാൽ റോഡപകടങ്ങളിൽപെടുന്നവർക്ക്​ നഷ്​ടപരിഹാരം നൽകാൻ സർക്കാറിന്​ ബാധ്യതയു ണ്ടെന്ന്​ ഹൈകോടതി. റോഡിലെ കുഴിയിൽ വീണ് കാലൊടിഞ്ഞതിന്​ 1,42,000 രൂപ നഷ്​ടപരിഹാരം ആവശ്യപ്പെട്ട്​ പന്തളം സ്വദേശി ശാന ്തമ്മ നൽകിയ ഹരജി തള്ളിയാണ് ഹൈകോടതിയുടെ​ നിരീക്ഷണം. പൊതുറോഡുകൾ നല്ലരീതിയിൽ പരിപാലിക്കാൻ സർക്കാറിനും പൊതുമരാമ ത്ത് വകുപ്പിനും കടമയും ഉത്തരവാദിത്തവുമുണ്ട്​. റോഡിൽ കുഴിയോ മറ്റെന്തെങ്കിലും അപകടസാധ്യതയോ ഉണ്ടെങ്കിൽ മുന്നറ ിയിപ്പ് ബോർഡ് സ്ഥാപിക്കണം. ഇതിലെ വീഴ്ച കാരണമുണ്ടാകുന്ന അപകടങ്ങൾക്ക്​​ സർക്കാർ പരോക്ഷ​ ഉത്തരവാദിയാണ്​. അതിനാൽ, നഷ്​ടപരിഹാരം നൽകാനുള്ള ബാധ്യതയും സർക്കാറിനുണ്ടെന്ന്​ ജസ്​റ്റിസ് എ. ഹരിപ്രസാദ്​ വ്യക്​തമാക്കി.

1997 ഡിസംബർ 14ന് വൈകീട്ട്​ മക്കളോടൊത്ത് ബാലകലോത്സവം കാണാൻ പോയി മടങ്ങുമ്പോൾ ആനന്ദപ്പള്ളി -കൈപ്പട്ടൂർ റോഡിലെ കുഴിയിൽ വീണ്​ കാലൊടിഞ്ഞെന്ന്​ ഹരജിയിൽ പറയുന്നു. തെരുവുവിളക്കില്ലാതിരുന്നതിനാൽ കുഴി ശ്രദ്ധയിൽപെട്ടില്ലെന്ന് ചൂണ്ടിക്കാട്ടി നഷ്​ടപരിഹാരം തേടി ശാന്തമ്മ പത്തനംതിട്ട സബ്‌കോടതിയെ സമീപിച്ചു. അപകട മുന്നറിയിപ്പ് ബോർഡ് സ്​ഥാപിക്കാതിരുന്നതിനാൽ അപകടത്തിന് ഉത്തരവാദി സർക്കാറും പൊതുമരാമത്ത് വകുപ്പുമാ​െണന്നും കാലൊടിഞ്ഞതിനാൽ ജോലിക്ക്​ പോകാനാവാത്ത സാഹചര്യമുണ്ടെന്നും നഷ്​ടപരിഹാരം അനുവദിക്കണമെന്നുമായിരുന്നു ആവശ്യം.

അതേസമയം, റോഡിൽ കുഴിയുണ്ടായിരുന്നില്ലെന്നും തെരുവുവിളക്കില്ലാത്തത് തങ്ങളുടെ കുറ്റമല്ലെന്നുമായിരുന്നു കലക്ടറു​െടയും പൊതുമരാമത്ത് വകുപ്പി​​​െൻറയും വാദം. ഹരജിക്കാരി ശ്രദ്ധിച്ചിരുന്നെങ്കിൽ അപകടമുണ്ടാവുമായിരുന്നില്ലെന്നും അവർ വാദിച്ചു. സംഭവസമയത്ത് ശാന്തമ്മയുടെ കൂടെയുണ്ടായിരുന്ന അയൽക്കാരി കോടതിയിൽ മൊഴി നൽകാത്ത സാഹചര്യത്തിൽ അപകടമുണ്ടായത് എങ്ങനെയെന്ന് തെളിയിക്കാനായില്ലെന്ന്​ വ്യക്​തമാക്കി സബ്​ കോടതി ഹരജി തള്ളി. പത്തനംതിട്ട അഡീഷനൽ ഡിസ്ട്രിക്ട്​ ആൻഡ്​​ സെഷൻസ് കോടതിയിൽ അപ്പീൽ നൽകിയെങ്കിലും തള്ളി. തുടർന്നാണ്​ ഹൈകോടതിയെ സമീപിച്ചത്​.

കേസ്​ പരിഗണിക്കുന്നതി​നിടെയാണ്​ കോടതിയുടെ നിരീക്ഷണങ്ങളുണ്ടായത്​. അപകടമുണ്ടായത് എങ്ങനെയെന്നും ഉത്തരവാദി സർക്കാറോ പൊതുമരാമത്ത്​ വകുപ്പോ ആണെന്നും തെളിയിക്കാൻ ഹരജിക്കാരിക്ക്​ കഴിഞ്ഞില്ലെന്ന്​ വിലയിരുത്തിയാണ് ഹൈകോടതി ഹരജി തള്ളിയത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:highcourtroad accidentkerala newsmalayalam newscompensation
News Summary - road accident without alert; compensation said highcourt -kerala news
Next Story