വൈത്തിരിയിൽ ബൈക്കും ഗുഡ്‌സ് ഓട്ടോയും കൂട്ടിയിടിച്ച്​ ഒരു മരണം

വൈത്തിരി: വയനാട്​ വൈത്തിരിയിലെ പന്ത്രണ്ടാം പാലത്തിനടുത്തു വെച്ച് ബൈക്കും ഗുഡ്‌സ് ഓട്ടോയും കൂട്ടിയിടിച്ച്​ പൊഴുതന പെരുന്തട്ട സ്വദേശിയായ യുവാവ് മരണപ്പെട്ടു. പെരുങ്കോട മുഹമ്മദി​​​​െൻറ മകൻ മുസ്തഫ (33 )യാണ് മരിച്ചത്​. ഗുഡ്‌സ് ഓട്ടോ ഡ്രൈവർ സുഗന്ധഗിരി സ്വദേശി ഉണികൃഷ്ണനെ(29 ) പരിക്കുകളോടെ വൈത്തിരി താലൂക്ക് ഗവ. ആശുപത്രിയിൽ പ്രവേശിപ്പിച്ചു. 

ഇന്നു വൈകുന്നേരമായിരുന്നു സംഭവം.  ബൈക്കിൽ നിന്നും തെറിച്ചു വീണ മുസ്തഫയെ വൈത്തിരി ആശുപത്രിയിലെത്തിച്ചുവെങ്കിലും  മരണപ്പെടുകയായിരുന്നു. ബിയ്യ ആണ് മാതാവ് ഭാര്യ നജ്‌ല, സഹോദരങ്ങൾ ബഷീർ മിസ്ബാഹി, നൗഫൽ അഹ്‌സനി,സഫിയ, സക്കീന , സിറാജുന്നിസ. രണ്ടു വയസ്സുള്ള ഒരു കുട്ടിയുണ്ട്.