കോള കമ്പനിയേക്കാള്‍ വലുതല്ലല്ലോ ബ്രൂവറി; കടുപ്പിച്ച്​ ആർ.ജെ.ഡി

തി​രു​വ​ന​ന്ത​പു​രം: ഘ​ട​ക​ക​ക്ഷി​ക​ളു​ടെ എ​തി​ർ​പ്പ​വ​ഗ​ണി​ച്ച്​ ​ബ്രൂ​വ​റി തീ​രു​മാ​ന​വു​മാ​യി മു​ന്നോ​ട്ടു​പോ​കാ​നു​ള്ള സി.​പി.​എം നീ​ക്ക​ത്തി​നെ​തി​രെ ആ​ർ.​ജെ.​ഡി. ബ്രൂ​വ​റി വി​ഷ​യ​ത്തി​ൽ എ​ല്‍.​ഡി.​എ​ഫി​ല്‍ ച​ര്‍ച്ച വേ​ണ​മെ​ന്നും അ​തു​വ​രെ തു​ട​ര്‍ന​ട​പ​ടി​ക​ളെ​ല്ലാം നി​ര്‍ത്തി​വെ​ക്ക​ണ​മെ​ന്നും ആ​ര്‍.​ജെ.​ഡി സം​സ്ഥാ​ന നേ​തൃ​യോ​ഗം ആ​വ​ശ്യ​പ്പെ​ട്ടു. ഇ​ക്കാ​ര്യം ആ​വ​ശ്യ​പ്പെ​ട്ട് മു​ന്ന​ണി ക​ണ്‍വീ​ന​ര്‍ക്ക് ക​ത്ത് ന​ല്‍കാ​നും തി​രു​വ​ന​ന്ത​പു​ര​ത്ത്​ ചേ​ർ​ന്ന യോ​ഗം തീ​രു​മാ​നി​ച്ചു. കൊ​ക്ക​കോ​ള ലോ​ക​ത്തി​ല്‍ എ​വി​ടെ​യെ​ങ്കി​ലും അ​വ​രു​ടെ പ്ലാ​ന്റ് പൂ​ട്ടി​യി​ട്ടു​ണ്ടെ​ങ്കി​ല്‍ അ​ത് പാ​ല​ക്കാ​ട് പ്ലാ​ച്ചി​മ​ട​യി​ലാ​ണെ​ന്നും കോ​ള ക​മ്പ​നി​യേ​ക്കാ​ള്‍ വ​ലു​ത​ല്ല​ല്ലോ ബ്രൂ​വ​റി​യെ​ന്നും യോ​ഗ​തീ​രു​മാ​നം വി​ശ​ദീ​ക​രി​ച്ച്​ ആ​ര്‍.​ജെ.​ഡി സെ​ക്ര​ട്ട​റി ജ​ന​റ​ല്‍ വ​റു​ഗീ​സ് ജോ​ര്‍ജ്​ പ​റ​ഞ്ഞു.

സം​സ്ഥാ​ന പ്ര​സി​ഡ​ന്റ് എം.​വി. ശ്രേ​യാം​സ് കു​മാ​റി​ന്റെ അ​ധ്യ​ക്ഷ​ത​യി​ൽ ചേ​ർ​ന്ന യോ​ഗ​ത്തി​ൽ എ​ല​പ്പു​ള്ളി​യി​ല്‍ ബ്രൂ​വ​റി അ​നു​വ​ദി​ക്കു​ന്ന​ത് സം​ബ​ന്ധി​ച്ച് വി​ശ​ദ​മാ​യ ച​ര്‍ച്ച ന​ട​ന്നു. പാ​രി​സ്ഥി​തി​ക പ്ര​ശ്‌​നം, പ​ഞ്ചാ​യ​ത്തി​ന്റെ അ​നു​മ​തി, ഗ്രാ​മ​സ​ഭ​യു​ടെ അം​ഗീ​കാ​രം, കു​ടി​വെ​ള്ള​ത്തി​ന്റെ ല​ഭ്യ​ത, പ്ര​ദേ​ശ​ത്തെ ജ​ന​ങ്ങ​ളു​ടെ ആ​ശ​ങ്ക ഇ​ങ്ങ​നെ പ​ല കാ​ര്യ​ങ്ങ​ളും ഇ​ക്കാ​ര്യ​ത്തി​ലു​ണ്ടെ​ന്ന് യോ​ഗം വി​ല​യി​രു​ത്തി. മാ​ത്ര​മ​ല്ല, ബ്രൂ​വ​റി അ​നു​മ​തി പോ​ലെ സു​പ്ര​ധാ​ന​മാ​യ തീ​രു​മാ​നം മു​ന്ന​ണി​യി​ൽ ച​ർ​ച്ച ​ചെ​യ്യാ​ത്ത​തി​ൽ ആ​ർ.​ജെ.​ഡി​ക്ക്​ അ​മ​ർ​ഷ​മു​ണ്ട്. മ​ന്ത്രി​സ​ഭാ​യോ​ഗം ഇ​ത്ത​ര​മൊ​രു വി​ഷ​യ​ത്തി​ല്‍ തീ​രു​മാ​ന​മെ​ടു​ക്കു​മ്പോ​ള്‍ മു​ന്ന​ണി​യു​ടെ അം​ഗീ​കാ​രം​കൂ​ടി ഉ​ണ്ടാ​കേ​ണ്ട​തു​ണ്ട്. അ​തു​ണ്ടാ​യി​ട്ടി​ല്ല. സി.​പി.​എം ഏ​ക​പ​ക്ഷീ​യ​മാ​യി തീ​രു​മാ​ന​മെ​ടു​ത്ത്​ മു​ന്നോ​ട്ടു​പോ​കു​ന്ന​തി​നെ പി​ന്തു​ണ​ക്കേ​ണ്ട​തി​ല്ലെ​ന്നും യോ​ഗ​ത്തി​ൽ അ​ഭി​പ്രാ​യ​മു​യ​ർ​ന്നു.

ബ്രൂ​വ​റി തീ​രു​മാ​നം പി​ൻ​വ​ലി​ക്ക​ണ​മെ​ന്ന ആ​വ​ശ്യം സി.​പി.​ഐ​യും മു​ന്നോ​ട്ടു​വെ​ച്ചി​ട്ടു​ണ്ട്. എ​ന്നാ​ൽ, ഘ​ട​ക​ക​ക്ഷി​ക​ളു​ടെ എ​തി​ർ​പ്പ്​ കാ​ര്യ​മാ​ക്കാ​തെ മു​ന്നോ​ട്ടു​​പോ​കാ​നാ​ണ്​ സി.​പി.​എം നീ​ക്കം. മു​ന്ന​ണി​യി​ലെ എ​തി​ർ​പ്പ്​ സം​സാ​രി​ച്ച്​ പ​രി​ഹ​രി​ക്കു​മെ​ന്ന്​ വി​ശ​ദീ​ക​രി​ച്ച മ​ന്ത്രി എം.​ബി. രാ​ജേ​ഷ്, ബ്രൂ​വ​റി അ​നു​മ​തി തീ​രു​മാ​നം പി​ൻ​വ​ലി​ക്കു​ന്ന പ്ര​ശ്ന​മി​ല്ലെ​ന്ന്​ ആ​വ​ർ​ത്തി​ച്ചി​ട്ടു​മു​ണ്ട്. ഈ ​സാ​ഹ​ച​ര്യ​ത്തി​ലാ​ണ്​ കൂ​ടു​ത​ൽ ക​ടു​ത്ത നി​ല​പാ​ടു​മാ​യി സി.​പി.​ഐ​യും ആ​ർ.​ജെ.​ഡി​യും രം​ഗ​ത്തു​വ​രു​ന്ന​ത്. സി.​പി.​എം ഉ​റ​ച്ചു​നി​ന്നാ​ൽ, ഘ​ട​ക​ക​ക്ഷി​ക​ൾ​ക്ക്​ എ​തി​ർ​പ്പ്​ പി​ൻ​വ​ലി​ച്ച്​ ബ്രൂ​വ​റി അ​നു​മ​തി തീ​രു​മാ​ന​ത്തി​ന്​ വ​ഴ​ങ്ങേ​ണ്ടി​വ​രും. എ​ന്നാ​ൽ, ​ബ്രൂ​വ​റി തീ​രു​മാ​നം വ​ലി​യ അ​ഴി​മ​തി​യാ​യി ഉ​യ​ർ​ത്തി​ക്കാ​ട്ടു​ന്ന പ്ര​തി​പ​ക്ഷ​ത്തി​ന്​ മു​ന്ന​ണി​യി​ലെ ഭി​ന്ന​ത വ​ലി​യ ആ​യു​ധ​മാ​ണ്.