റിജിത്തിനെ വധിച്ചത് ആർ.എസ്.എസ് ശാഖയെച്ചൊല്ലിയുള്ള തർക്കത്തെ തുടർന്ന്; ക്ഷേത്രത്തിനടുത്ത് പതിയിരുന്ന് വെട്ടിക്കൊന്നു

കണ്ണൂർ: സി.പി.എം കണ്ണപുരം ചുണ്ട ബ്രാഞ്ച് അംഗമായിരുന്ന അലച്ചി ഹൗസിൽ റിജിത്ത്‌ ശങ്കരനെ (25) കൊലപ്പെടുത്തിയ കേസിൽ ശിക്ഷ വിധി വരുന്നത് 19 വർഷങ്ങൾക്ക് ശേഷം. കുറ്റവാളികളായി കോടതി കണ്ടെത്തിയ ഒമ്പത് ആർ.എസ്‌.എസ്‌- ബി.ജെ.പി പ്രവർത്തകർക്കുള്ള ശിക്ഷ ഏതാനും മണിക്കൂറുകൾക്കകം വിധിക്കും. 19 വർഷത്തിനിടെ 5 ജഡ്ജിമാരാണ് കേസിൽ വാദം കേട്ടത്.

2005 ഒക്ടോബർ മൂ​ന്നി​ന്‌ രാ​ത്രി 7.45നാണ് കണ്ണപുരം ചുണ്ട തച്ചങ്കണ്ടിയിൽ ക്ഷേത്രത്തിനു സമീപം റിജിത്ത് കൊല്ലപ്പെട്ടത്. ആർ.എസ്.എസ് ശാഖ നടത്തുന്നതിനെച്ചൊല്ലിയുള്ള സംഘർഷത്തി​ന്റെ തുടർച്ചയായാണ് ​കൊലപാതകമെന്നാണ് കേസ്. ക്ഷേത്രത്തിനടുത്ത കിണറിനു പിന്നിൽ പതിയിരുന്ന പ്രതികൾ ആയുധങ്ങളുമായി റിജിത്തിനെയും മറ്റും ആക്രമിക്കുകയായിരുന്നു. ഒപ്പമുണ്ടായിരുന്ന ഡി.​വൈ.​എ​ഫ്‌.​ഐ പ്ര​വ​ർ​ത്ത​ക​രാ​യ കെ.​വി. നി​കേ​ഷ്‌, ആ​ർ.​എ​സ്‌. വി​കാ​സ്‌, കെ.​എ​ൻ. വി​മ​ൽ എ​ന്നി​വ​ർ​ക്കും പ​രി​ക്കേ​റ്റി​രു​ന്നു. വാ​ക്ക​ത്തി, ക​ഠാ​ര, വ​ടി​വാ​ൾ, വ​ലി​യ ക​ഠാ​ര, സ്‌​റ്റീ​ൽ​പൈ​പ്പ്‌ എ​ന്നി​വ​യാ​ണ്‌ കൊ​ല​ക്ക്‌ ഉ​പ​യോ​ഗി​ച്ച​ത്‌. ചോ​ര​പു​ര​ണ്ട ആ​യു​ധ​ങ്ങ​ളും പ്ര​തി​ക​ളു​ടെ വ​സ്‌​ത്ര​വും പൊ​ലീ​സ്‌ ക​ണ്ടെ​ത്തി. വീ​ട്ടി​ലേ​ക്ക്‌ ന​ട​ന്നു​പോ​വു​മ്പോ​ഴാ​യി​രു​ന്നു ആ​ക്ര​മ​ണം.

10 പ്ര​തി​ക​ളു​ണ്ടാ​യി​രു​ന്ന കേ​സി​ൽ മൂ​ന്നാം പ്ര​തി ക​ണ്ണ​പു​രം ചു​ണ്ട​യി​ലെ കൊ​ത്തി​ല താ​ഴെ​വീ​ട്ടി​ൽ അ​ജേ​ഷ്‌ വാ​ഹ​നാ​പ​ക​ട​ത്തി​ൽ മ​രി​ച്ചി​രു​ന്നു. മറ്റുപ്രതികളായ ക​ണ്ണ​പു​രം ചു​ണ്ട സ്വ​ദേ​ശി​ക​ളാ​യ വ​യ​ക്കോ​ട​ൻ വീ​ട്ടി​ൽ സു​ധാ​ക​ര​ൻ (57), കോ​ത്തി​ല​താ​ഴെ വീ​ട്ടി​ൽ ജ​യേ​ഷ്‌ (41), ചാ​ങ്കു​ള​ത്ത്‌​പ​റ​മ്പി​ൽ ര​ഞ്ജി​ത്ത്‌ (44), പു​തി​യ​പു​ര​യി​ൽ അ​ജീ​ന്ദ്ര​ൻ (51), ഇ​ല്ലി​ക്ക​വ​ള​പ്പി​ൽ അ​നി​ൽ​കു​മാ​ർ (52), പു​തി​യ​പു​ര​യി​ൽ രാ​ജേ​ഷ്‌ (46), ക​ണ്ണ​പു​രം ഇ​ട​ക്കേ​പ്പു​റം സ്വ​ദേ​ശി​ക​ളാ​യ വ​ട​ക്കേ​വീ​ട്ടി​ൽ ശ്രീ​കാ​ന്ത്‌ (47), സ​ഹോ​ദ​ര​ൻ ശ്രീ​ജി​ത്ത്‌ (43), തെ​ക്കേ​വീ​ട്ടി​ൽ ഭാ​സ്‌​ക​ര​ൻ (67) എ​ന്നി​വ​രെ​യാ​ണ്‌ കു​റ്റ​ക്കാ​രാ​ണെ​ന്ന്‌ കോ​ട​തി ക​ണ്ടെ​ത്തി​യ​ത്‌. ഇവർക്കുള്ള ശിക്ഷ ഇന്ന് രാവിലെ 11ന് തലശ്ശേരി അഡീഷനൽ ജില്ല സെഷൻസ്‌ കോടതി (മൂന്ന്) ജഡ്‌ജി റൂബി കെ. ജോസാണ് പ്രഖ്യാപിക്കുക.

ഇ​ന്ത്യ​ൻ ശി​ക്ഷ നി​യ​മ​ത്തി​ലെ കൊ​ല​പാ​ത​കം (302), വ​ധ​ശ്ര​മം (307), അ​ന്യാ​യ​മാ​യി സം​ഘം​ചേ​ര​ൽ (143), സം​ഘം ചേ​ർ​ന്ന്‌ ല​ഹ​ള​യു​ണ്ടാ​ക്ക​ൽ (147), ത​ട​ഞ്ഞു​വെ​ക്ക​ൽ (341), ആ​യു​ധം ഉ​പ​യോ​ഗി​ച്ച്‌ പ​രി​ക്കേ​ൽ​പി​ക്ക​ൽ (324) വ​കു​പ്പു​ക​ൾ പ്ര​കാ​രം പ്ര​തി​ക​ൾ കു​റ്റം ചെ​യ്‌​ത​താ​യി കോ​ട​തി ക​ണ്ടെ​ത്തി. ഒ​ന്ന്‌, ര​ണ്ട്‌, നാ​ല്‌, അ​ഞ്ച്‌, ആ​റ്‌, 10 പ്ര​തി​ക​ൾ ആ​യു​ധ​വു​മാ​യി സം​ഘം ചേ​ർ​ന്ന​തി​ന്‌ 148, 149 വ​കു​പ്പ് പ്ര​കാ​രം കു​റ്റ​ക്കാ​രാ​ണ്‌.

വ​ള​പ​ട്ട​ണം സി.​ഐ ടി.​പി. പ്രേ​മ​രാ​ജ​നാ​ണ്‌ കേ​സ്‌ അ​ന്വേ​ഷി​ച്ച​ത്‌. 2006 മാ​ർ​ച്ച്‌ 14ന്‌ ​കു​റ്റ​പ​ത്രം ന​ൽ​കി. കേ​സി​ൽ 28 സാ​ക്ഷി​ക​ളെ വി​സ്‌​ത​രി​ച്ചു. 59 രേ​ഖ​ക​ളും 50 തൊ​ണ്ടി​മു​ത​ലു​ക​ളും അ​ട​യാ​ള​പ്പെ​ടു​ത്തി. പ്രോ​സി​ക്യൂ​ഷ​നു വേ​ണ്ടി സ്‌​പെ​ഷ​ൽ പ​ബ്ലി​ക്‌ പ്രോ​സി​ക്യൂ​ട്ട​ർ ബി.​പി. ശ​ശീ​ന്ദ്ര​ൻ ഹാ​ജ​രാ​യി.