Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightദത്ത് വിവാദം: പുതിയ...

ദത്ത് വിവാദം: പുതിയ വെളിപ്പെടുത്തലുമായി പി.കെ ശ്രീമതിയുടെ ശബ്​ദരേഖ

text_fields
bookmark_border
ദത്ത് വിവാദം: പുതിയ വെളിപ്പെടുത്തലുമായി പി.കെ ശ്രീമതിയുടെ ശബ്​ദരേഖ
cancel
camera_alt

കനത്തമഴയെ തുടർന്ന് ശിശുക്ഷേമ സമിതിക്ക് മുന്നിൽ സമരമിരിക്കുന്ന അനുപമയുടെ ഭർത്താവ് അജിത്ത് താൽക്കാലിക പന്തൽ കെട്ടുന്നു

കൊച്ചി: അമ്മയറിയാതെ കുഞ്ഞിനെ ദത്ത്​ നൽകിയ സംഭവത്തിൽ പുതിയ വെളിപ്പെടുത്തൽ. കുഞ്ഞിനെ അനധികൃതമായി ദത്ത്​ നൽകിയ സംഭവം മുഖ്യമന്ത്രിക്ക്​ നേരത്തെ അറിയാമെന്ന്​ വെളിപ്പെടുത്തുന്ന സി.പി.എം കേന്ദ്രകമ്മിറ്റിയംഗം പി.കെ.ശ്രീമതിയുടെ ശബ്ദരേഖയാണ്​ പുറത്തുവന്നത്​.

പി.കെ.ശ്രീമതിയും അനുപമയും പരസ്​പരം സംസാരിക്കുന്നതിന്‍റെ ശബ്​ദരേഖയാണ്​ പുറത്ത്​ വന്നിരിക്കുന്നത്​. മുഖ്യമന്ത്രി പിണറായി വിജയനും കോടിയേരി ബാലകൃഷ്ണനും ഉള്‍പ്പെടെ പ്രധാന നേതാക്കളോടെല്ലാം വിഷയം സംസാരിച്ചിരുന്നതായി പി.കെ ​ശ്രീമതിയുടെ ശബ്ദരേഖയിലുണ്ട്​.അവരുടെ കുടുംബ കാര്യം അവര്‍ പരിഹരിക്ക​ട്ടെയെന്ന്​ പറഞ്ഞ് മുഖ്യമന്ത്രി ഒഴിഞ്ഞുമാറിയെന്നും ശ്രീമതി അനുപമയോട്​ പറഞ്ഞു.

​​പൊലീസിൽ പരാതി നൽകിയിട്ടും നടപടിയുണ്ടാകാത്തതിനെ തുടർന്ന്​ കുഞ്ഞി​നെ കണ്ടെത്താൻ സഹായം തേടിയാണ്​ അനുപമ പി.കെ ശ്രീമതിയെ വിളിക്കുന്നത്​. ''പക്ഷെ പ്രശ്​നം ചർച്ചയ്​ക്ക്​ എടുക്കുന്നില്ല, ഞാൻ മുഖ്യമന്ത്രിയോട്​ സംസാരിച്ചു. മുഖ്യമന്ത്രി പറഞ്ഞു, അവർ ആ കുട്ടിയുടെ അച്ഛനും അമ്മയുമാണ്​. അവർ തന്നെ അത്​ ചെയ്യ​ട്ടെ, നമുക്ക്​ അതിൽ​ റോളില്ല.ഞാൻ ഇനി സംസാരിക്കാൻ ആരുമില്ല. എല്ലാരോടും സംസാരിച്ചു.'' എന്നാണ്​ പി.കെ ശ്രീമതി പറയുന്നത്​.

''കോടിയേരിയോടും വിജയരാഘവനോടുമെല്ലൊം സംസാരിച്ചു. പരാതി ചർച്ചയ്​ക്ക്​ എടുക്കണമെന്ന്​ പറഞ്ഞിരുന്നു. കമ്മിറ്റിയിൽ കോടിയേരി വരാതെ എനിക്ക്​ പറയാൻ പറ്റില്ല. കത്ത്​ എടുക്കേണ്ടയാൾ വിജയരാഘവൻ ആയതുകൊണ്ടാണ്​ മുഖ്യമന്ത്രി ഇരിക്കുന്ന കമ്മിറ്റിയിൽ കത്തെടുക്കാനുള്ള അധികാരം എനിക്ക്​ അല്ല. കത്ത്​ എടുത്തിട്ട്​ വേണം സംസാരിക്കാൻ. പക്ഷെ ആ കത്ത്​ ഇതുവരെ എടുത്തില്ലെന്നും ശ്രീമതി അനുപ​മയോട്​ ഫോണിൽ പറയുന്നു.

Show Full Article
TAGS:pinarayi vijayan Anupama Child Kidnap 
News Summary - Revealing that Pinarayi Vijayan already knew about the disappearance of Anupama's child
Next Story