രേവതിയുടെ വെളിപ്പെടുത്തൽ: സർക്കാർ ഗൗരവമായി ഇടപെടും -മന്ത്രി വി.എസ്. സുനിൽകുമാർ
text_fields
പന്തീരാങ്കാവ്: വർഷങ്ങൾക്കു മുൻപ് 17കാരി പെൺകുട്ടി രക്ഷിക്കണമെന്നാവശ്യപ്പെട്ട് തെൻറ മുറിയിലെത്തിയിരുന്നെന്ന നടി രേവതിയുടെ വെളിപ്പെടുത്തൽ ഗൗരവമുള്ളതാണെന്നും ആവശ്യമെങ്കിൽ സർക്കാർ നിയമപരമായി ഇടപെടുമെന്നും മന്ത്രി വി.എസ്. സുനിൽകുമാർ പറഞ്ഞു. പെരുമണ്ണയിൽ കേരഗ്രാമം പദ്ധതി ഉദ്ഘാടനം ചെയ്തശേഷം മാധ്യമപ്രവർത്തകരുമായി സംസാരിക്കുകയായിരുന്നു അദ്ദേഹം.
മന്ത്രിമാർ വിദേശരാജ്യങ്ങൾ സന്ദർശിക്കുന്നത് കേരളത്തിെൻറ പുനർനിർമാണത്തിന് സഹകരണം ആവശ്യപ്പെട്ടാണ്. അല്ലാതെ കൈനീട്ടാനെല്ലന്നും മന്ത്രി പറഞ്ഞു. തകർന്ന റോഡുകളും പാലങ്ങളും വീടുകളും പുതുക്കി പണിയുന്നതിന് മലയാളികളുടെ സഹകരണം തേടുകയാണ് മന്ത്രിമാരുടെ സന്ദർശനലക്ഷ്യം.
കേരളത്തെ പുതുക്കിപ്പണിയാൻ കേന്ദ്രം നൽകുന്ന സഹായം വളരെ പരിമിതമാണ്. മുഖ്യമന്ത്രിയുടെ ദുരിതാശ്വാസ നിധിയിലേക്ക് കൂടുതൽ തുക സംഭരിക്കാൻ മുഴുവൻ മലയാളികളുടേയും സഹായം ആവശ്യമാണ്.