ജയിലിലേക്ക്​ പരോളുകാരുടെ മടക്കം; സംസ്​ഥാന സർക്കാറിന്​ നോട്ടീസ്

ന്യൂഡൽഹി: കേരളത്തിൽ പരോൾ ലഭിച്ചവർ ഈ മാസം 26 മുതൽ ജയിലുകളിലേക്ക് മടങ്ങണമെന്ന ഉത്തരവിൽ സംസ്ഥാന സർക്കാറിന്‍റെ നിലപാട് അടിയന്തിരമായി അറിയിക്കാൻ സുപ്രീംകോടതി നിർദേശം. ഇന്ന്​ രാവിലെ 10.30ന് സുപ്രീംകോടതിയെ നിലപാട് അറിയിക്കാൻ ജസ്റ്റിസ് എൽ. നാഗേശ്വര റാവു അധ്യക്ഷനായ ബെഞ്ച്​ സംസ്​ഥാന സർക്കാറിന് നോട്ടീസ് നൽകി.

അതേസമയം, തടവുപുള്ളിയായ തൃശൂർ സ്വദേശി രഞ്ജിത്തി​െൻറ പരോൾ സുപ്രീംകോടതിയുടെ മറ്റൊരു ബെഞ്ച് നീട്ടി. സംസ്ഥാനത്തെ കൊവിഡ് സാഹചര്യം ചൂണ്ടിക്കാണിച്ച് രഞ്ജിത്ത് സമർപ്പിച്ച ഹരജിയിൽ അടുത്ത മാസം 31 വരെയാണ്​ ജസറ്റിസ്​ ഇന്ദിര ബാനർജി അധ്യക്ഷയായ ബെഞ്ച് പരോൾ നീട്ടിയത്.