Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightജലന്ധർ ബിഷപ്പും...

ജലന്ധർ ബിഷപ്പും പൊലീസും തമ്മില്‍ അവിശുദ്ധ കൂട്ടുകെട്ട് -കെമാൽപാഷ

text_fields
bookmark_border
kemalpasha-bishop
cancel

കൊച്ചി: പൊലീസും ജലന്ധർ ബിഷപ് ഫ്രാങ്കോ മുളക്കലും തമ്മി​െല അവിശുദ്ധ കൂട്ടുകെട്ടാണ് കന്യാസ്ത്രീയുടെ പരാതിയിൽ അറസ്​റ്റ്​ വൈകാൻ കാരണമെന്ന്​ ജസ്​റ്റിസ് കെമാൽ പാഷ. ബിഷപ്പിന്​ മെഡിക്കൽ പരിശോധന നടത്താത്തത് ഇതിന്​ ഏറ്റവും വലിയ തെളിവാണ്. പ്രതിയുടെ ലൈംഗികശേഷി പരിശോധിക്കുകയാണ് ആദ്യം ചെയ്യേണ്ടത്. ബിഷപ്പിനെ അറസ്​റ്റ്​ ചെയ്യണമെന്നും കെമാൽ പാഷ ആവശ്യപ്പെട്ടു. ബിഷപ്പിനെതിരായ ലൈംഗികപീഡന പരാതിയിൽ നടപടി വൈകുന്നതിനെതിരെ കൊച്ചിയിൽ ജോയൻറ് ക്രിസ്ത്യൻ കൗൺസിലി​​​െൻറ നേതൃത്വത്തിൽ കന്യാസ്​ത്രീകൾ നടത്തുന്ന പ്രതിഷേധ പരിപാടിയിൽ സംസാരിക്കുകയായിരുന്നു അദ്ദേഹം.

jalandhar-bishap
സത്യദീപം എഡിറ്റർ ഫാ. പോള്‍ തേലക്കാട്ട് സമരവേദിയിൽ


ഫ്രാങ്കോ മുളക്കൽ ഇതുവരെ മുൻകൂർ ജാമ്യത്തിന്​ ശ്രമിച്ചിട്ടില്ല. അതും പൊലീസി​​​െൻറ അറിവോടെയാണ്. ഒരുനടപടിയും തനിക്കെതിരെ ഉണ്ടാകില്ലെന്ന് അദ്ദേഹത്തിന്​ അറിയാം. അതേസമയം, അന്വേഷണം അവസാന ഘട്ടത്തിലാണെന്നാണ് ഡി.ജി.പി പറയുന്നത്. എന്നിട്ടും ഇതുവരെ അറസ്​റ്റ്​ ഉണ്ടായിട്ടില്ല. കേട്ടുകേൾവിയില്ലാത്ത കാര്യമാണിത്. ഡി.ജി.പിക്ക്​ നാണമില്ലേയെന്നും കെമാൽ പാഷ ചോദിച്ചു.

jalandhar-bishap
സമരവേദിയിൽ വെച്ച് കരയുന്ന കന്യാസ്ത്രീകൾ

സന്യാസിനികൾ തിരുവസ്ത്രം ധരിച്ചാൽ പ്രതികരണശേഷിയുണ്ടാകില്ലെന്നാണ് ചില നരാധമന്മാർ കരുതുന്നത്. അവരാണ് ഇത്തരം കാര്യങ്ങൾ ചെയ്തുകൂട്ടുന്നത്. ഭരണകൂടവും രാഷ്​ട്രീയപാർട്ടികളും അതിന്​ കൂട്ടുനിൽക്കുകയാണ്. ഇതുപോലെ വൃത്തികെട്ട കേസ് ന്യായാധിപ ജീവിതത്തിൽ കേട്ടിട്ടില്ല. ഇതെല്ലാം ജനം കാണുന്നുണ്ടെന്ന കാര്യം സര്‍ക്കാര്‍ ഓര്‍ക്കണമെന്നും കെമാല്‍ പാഷ പറഞ്ഞു.

jalandhar-bishap

അതേസമയം, കേസിൽ മുഖ്യമന്ത്രി പക്ഷപാതം കാട്ടുകയാണെന്നായിരുന്നു പി.ടി. തോമസ് എം.എൽ.എയുടെ ആരോപണം. ‘സത്യദീപം’ എഡിറ്റർ ഫാ. പോൾ തേലക്കാട്ട്, സി.ആർ. നീലകണ്ഠൻ, കെ.സി.വൈ.എം പ്രവർത്തകർ എന്നിവർക്കൊപ്പം വൈദികരും കന്യാസ്ത്രീകളും ഐക്യദാർഢ്യവുമായി സമര വേദിയിലെത്തിയിരുന്നു.
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kerala policejustice kemal pashakerala newsmalayalam newsJalandhar Bishop
News Summary - Retd. Justice B Kemal Pasha Attack to Kerala Police and Jalandhar Bishop -Kerala News
Next Story