ഉയിർത്തെഴുന്നേൽപ്പ്; മൂ​ന്നാ​മൂ​ഴ​ത്തി​ന്​ മ​ധു​ര​മേ​റെ

ക​ണ്ണൂ​ർ: ഒ​രു​വേ​ള 'കൊ​ടി​യി​റ​ക്കം' എ​ല്ലാ​വ​രും ഉ​റ​പ്പി​ച്ച​താ​ണ്. അ​വി​ടെ നി​ന്നാ​ണ്​ കോ​ടി​യേ​രി ബാ​ല​കൃ​ഷ്ണ​ന്‍റെ തി​രി​ച്ചു​വ​ര​വ്. അ​തു​കൊ​ണ്ട് മൂ​ന്നാ​മൂ​ഴ​ത്തി​ന്​ മ​ധു​ര​മേ​റെ. സി.​പി.​എം സെ​ക്ര​ട്ട​റി സ്ഥാ​ന​ത്ത്​ ര​ണ്ടാ​മൂ​ഴം കോ​ടി​യേ​രി​ക്ക്​ പ​രീ​ക്ഷ​ണ​ങ്ങ​ളു​ടേ​താ​യി​രു​ന്നു. അ​ർ​ബു​ദം ശ​രീ​രം ത​ള​ർ​ത്തി. മ​ക്ക​ൾ​ക്കെ​തി​രാ​യ ​കേ​സും അ​വ​രു​ടെ ജ​യി​ൽ​വാ​സ​വും മ​ന​സ്സും ത​ള​ർ​ത്തി​യ​​പ്പോ​ഴാ​ണ്​ ​അ​വ​ധി​യെ​ടു​ത്ത​ത്.

വീ​ട്ടി​ലെ പ്ര​ശ്ന​ങ്ങ​ൾ പാ​ർ​ട്ടി​ക്ക്​ പാ​ര​യാ​കാ​തി​രി​ക്കാ​നു​ള്ള ക​രു​ത​ൽ. അ​പ്പോ​ഴും അ​ണി​യ​റ​യി​ൽ സ​ജീ​വ​മാ​യി. ച​രി​ത്രം കു​റി​ച്ച തു​ട​ർ​ഭ​ര​ണ നേ​ട്ട​ത്തി​ലും കോ​ടി​യേ​രി​യു​ടെ പ​ങ്ക് വ​ലു​താ​ണ്. ആ​രോ​ഗ്യ​നി​ല മെ​ച്ച​പ്പെ​ടു​ക​യും മ​ക​ൻ ​ജ​യി​ൽ മോ​ചി​ത​നാ​വു​ക​യും ചെ​യ്ത​തോ​ടെ അ​മ​ര​ത്ത്​ തി​രി​ച്ചെ​ത്തി​. സ്വ​മേ​ധ​യാ മാ​റി​നി​ന്ന്​ പാ​ർ​ട്ടി​യെ കാ​ത്ത സൂ​ക്ഷ്മ​ത​യും കൂ​റും ​​തി​രി​ച്ച​റി​ഞ്ഞ്​ പാ​ർ​ട്ടി ന​ൽ​കി​യ അ​വ​സ​രം കൂ​ടി​യാ​ണ്​ മൂ​ന്നാ​മൂ​ഴം.

മ​റ്റൊ​രു ഘ​ട​കം പി​ണ​റാ​യി​ക്കും കോ​ടി​യേ​രി​ക്കു​മി​ട​യി​ലെ ആ​ത്മ​ബ​ന്ധ​മാ​ണ്. സെ​ക്ര​ട്ട​റി​യാ​യി കോ​ടി​യേ​രി​യു​ടെ പേ​ര്​ നി​ർ​ദേ​ശി​ച്ച​ത്​ പി​ണ​റാ​യിയാണ്. ത​ല​ശ്ശേ​രി​യി​ൽ അ​ക​ലെ​യ​ല്ലാ​തെ കി​ട​ക്കു​ന്ന ര​ണ്ടു ഗ്രാമങ്ങ​ളാ​യ പി​ണ​റാ​യി​ക്കും ​കോ​ടി​യേ​രി​ക്കു​മി​ട​യി​ൽ അ​ധി​കം ദൂ​ര​മി​ല്ല. വി​ജ​യ​നും ബാ​ല​കൃ​ഷ്ണ​നും ത​മ്മി​ലാ​കു​മ്പോ​ൾ അ​ക​ലം ഒ​ട്ടു​മി​ല്ല.

വി​ദ്യാ​ർ​ഥി കാ​ലം മു​ത​ൽ പി​ണ​റാ​യി വി​ജ​യ​​ന്‍റെ പി​ൻ​ഗാ​മി​യാ​ണ്​ കോ​ടി​യേ​രി ബാ​ല​കൃ​ഷ്​​ണ​ൻ. വി​ദ്യാ​ർ​ഥി കാ​ല​ത്ത്​ ഓ​ണി​യ​ൻ സ്കൂ​ളി​ൽ അ​ന്ന​ത്തെ ഇ​ട​തു​വി​ദ്യാ​ർ​ഥി സം​ഘ​ട​ന കെ.​എ​സ്.​എ​ഫി​ന്‍റെ ഭാ​ര​വാ​ഹി​യാ​കു​​മ്പോ​ൾ കോ​ടി​യേ​രി ബാ​ല​കൃ​ഷ്ണ​ന്‍റെ നേ​താ​വ്​ പി​ണ​റാ​യി വി​ജ​യ​നാ​ണ്. ഇ​ന്നും അ​ങ്ങ​നെ ത​ന്നെ. ​വി.​എ​സ്​ വെ​ല്ലു​വി​ളി​ച്ചു​നി​ന്ന കാ​ല​ത്തും പി​ണ​റാ​യി​ക്കൊ​പ്പം പാ​റ​പോ​ലെ നി​ന്നു​ കോ​ടി​യേ​രി. 37-ാം വ​യ​സ്സി​ൽ ജി​ല്ല സെ​ക്ര​ട്ട​റി. 42ാം വ​യ​സ്സി​ൽ സം​സ്ഥാ​ന സെ​ക്ര​ട്ട​റിയറ്റിലും 49​ൽ പോ​ളി​റ്റ്​ ബ്യൂ​റോ​യി​ലുമെത്തി. 2015ൽ ​സം​സ്ഥാ​ന സെ​ക്ര​ട്ട​റി പ​ദ​വി​യി​ൽ പി​ണ​റാ​യി​ക്ക്​ പി​ൻഗാമിയായത്​ കോ​ടി​യേ​രി​യാ​ണ്.

1953ൽ ​എ​ൽ.​പി സ്​​കൂ​ൾ അ​ധ്യാ​പ​ക​ൻ കു​ഞ്ഞു​ണ്ണി​ക്കു​റു​പ്പി​​ന്റെ മ​ക​നാ​യാ​ണ്​ ജ​ന​നം. 20-ാം വ​യ​സ്സി​ൽ എ​സ്.​എ​ഫ്.​ഐ​യു​ടെ സം​സ്​​ഥാ​ന സെ​ക്ര​ട്ട​റി. '80-82കാ​ല​ത്ത്​ ഡി.​വൈ.​എ​ഫ്.​ഐ ക​ണ്ണൂ​ർ ജി​ല്ല സെ​ക്ര​ട്ട​റി. 1990ൽ​ ​സി.​പി.​എം ജി​ല്ല സെ​ക്ര​ട്ട​റി. '95ൽ ​സം​സ്​​ഥാ​ന സെ​ക്ര​ട്ടേ​റി​യ​റ്റി​ൽ. 2002ൽ ​കേ​ന്ദ്ര​ക​മ്മി​റ്റി​യി​ലെ​ത്തി. 2008ലെ ​കോ​യ​മ്പ​ത്തൂ​ർ പാ​ർ​ട്ടി കോ​ൺ​ഗ്ര​സി​ൽ പോ​ളി​റ്റ്​ ബ്യൂ​റോ​യി​ൽ. 1982, 87, 2001, 2006, 2011 വ​ർ​ഷ​ങ്ങ​ളി​ൽ നി​യ​മ​സ​ഭാം​ഗം. വി.​എ​സ്​ മ​ന്ത്രി​സ​ഭ​യി​ൽ ആ​ഭ്യ​ന്ത​ര മ​ന്ത്രി​യാ​യി​രു​ന്നു.

2015 ആ​ല​പ്പു​ഴ സ​മ്മേ​ള​ന​ത്തി​ലാ​ണ്​ സം​സ്​​ഥാ​ന സെ​​ക്ര​ട്ട​റി​യാ​യ​ത്. 2018 തൃ​ശൂ​രി​ൽ ര​ണ്ടാ​മ​തും ഇ​ക്കു​റി മൂ​ന്നാ​മ​തും പാ​ർ​ട്ടി​യു​ടെ അ​മ​ര​ത്തെ​ത്തി. പി​ണ​റാ​യി​യു​ടെ നി​ഴ​ലാ​യി നി​ൽ​ക്കു​മ്പോ​ഴും പെ​രു​മാ​റ്റം നേ​ർ​വി​പ​രീ​ത​മാ​ണ്. കാ​ർ​ക്ക​ശ്യ​മ​ല്ല, സൗ​മ്യ​ത​യാ​ണ്​ മു​ഖ​മു​ദ്ര. പ​റ​യ​ത്ത​ക്ക ശ​ത്രു​ക്ക​ളാ​യി പാ​ർ​ട്ടി​യി​ലും പു​റ​ത്തും ആ​രു​മി​ല്ല. അ​തു​കൊ​ണ്ടാ​ണ്​ മ​ക്ക​ൾ വി​ല്ല​ന്മാ​രാ​യ​പ്പോ​ഴും മു​മ്പ്​ ആ​ർ​ക്കും നേ​രി​ട്ടി​ട്ടി​ല്ലാ​ത്ത പ​രീ​ക്ഷ​ണ​ങ്ങ​ളും ക​ട​ന്ന്​ പ​രി​ക്കി​ല്ലാ​​തെ തി​രി​ച്ചു​വ​രാ​ൻ കോ​ടി​യേ​രി​ക്ക്​ ക​ഴി​ഞ്ഞത്.

അ​ടി​മു​ടി മാ​റാ​നൊ​രു​ങ്ങു​ക​യാ​ണ്​ സി.​പി.​എം. എ​റ​ണാ​കു​ളം സ​മ്മേ​ള​നം പാ​സാ​ക്കി​യ ന​യ​രേ​ഖ​യു​ടെ ഉ​ള്ള​ട​ക്കം അ​താ​ണ്. പു​തി​യ പാ​ർ​ട്ടി ന​യ​ത്തി​നു​ള്ള ചു​വ​ടു​ക​ളി​ലേ​ക്ക്​ പാ​ർ​ട്ടി​യെ ന​യി​ക്കാ​നു​ള്ള ചു​മ​ത​ല​യാ​ണ്​ കോ​ടി​യേ​രി​ക്ക്​ മു​ന്നി​ലു​ള്ള​ത്. പി​ണ​റാ​യി​ക്ക്​ പി​റ​കി​ൽ കോ​ടി​യേ​രി​യും ചേ​ർ​ന്നാ​ൽ ഇ​ന്ന്​ സി.​പി.​എ​മ്മി​ൽ എ​തി​ർ​വാ​ക്കി​ല്ല. അ​തി​ന്‍റെ ബ​ല​ത്തി​ലാ​ണ്​ പാ​ർ​ട്ടി​യെ ന​യം മാ​റ്റ​ത്തി​ലേ​ക്ക്​ പി​ണ​റാ​യി ന​യി​ക്കു​ന്ന​ത്.