ഗവർണർക്കെതി​രായ പ്രമേയത്തെ സർക്കാർ അനുകൂലിക്കില്ലെന്ന്​ സൂചന

തിരുവനന്തപുരം: ഗവർണർ ആരിഫ്​ മുഹമ്മദ്​ ഖാനെ തിരിച്ച്​ വിളിക്കണമെന്ന്​ ആവശ്യപ്പെട്ട്​ പ്രതിപക്ഷം കൊണ്ടു വന് ന പ്രമേയത്തെ സംസ്ഥാന സർക്കാർ അനുകൂലിച്ചേക്കില്ലെന്ന്​ സൂചന. പ്രമേയം ഭരണഘടനാ പ്രതിസന്ധിയുണ്ടാക്കുമെന്ന വിലയിരുത്തലി​​​െൻറ അടിസ്ഥാനത്തിലാണ്​ സർക്കാർ തീരുമാനം. നേരത്തെ പ്രമേയത്തിനെതിരെ എൽ.ഡി.എഫ്​ നേതാക്കൾ ഉൾപ്പടെ രംഗത്തെത്തിയിരുന്നു. മന്ത്രി എ.കെ ബാലനും പ്രതിപക്ഷ നീക്കത്തെ വിമർശിച്ചിരുന്നു.

അതേസമയം, ഗവർണറുടെ നയപ്രഖ്യാപന പ്രസംഗത്തിൽ നിന്ന്​ സി.എ.എക്കെതിരായ പരാമർശങ്ങൾ ഒഴിവാക്കില്ലെന്ന്​ രാജ്​ഭവനെ സർക്കാർ അറിയിച്ചു. സർക്കാറി​​​െൻറ നിലപാട്​ ഭരണഘടനക്ക്​ എതിരല്ലെന്നും സർക്കാർ ഗവർണറെ അറിയിച്ചു.

ജനങ്ങളുടെ ആശങ്ക പ്രതിഫലിപ്പിക്കാനാണ്​ ബജറ്റ്​ പ്രസംഗത്തിൽ സി.എ.എക്കെതിരായ പരാമർശങ്ങൾ ഉൾപ്പെടുത്തിയത്​. ഗവർണറുമായി ഏറ്റുമുട്ടലിനില്ലെന്നും സർക്കാർ വ്യക്​തമാക്കിയിട്ടുണ്ട്​.