സംവരണ പ്രക്ഷോഭം ഗൂഢാലോചന -ബി.ജെ.പി

തിരുവനന്തപുരം: മുന്നാക്ക വിഭാഗങ്ങളുടെ സംവരണത്തി​െൻറ പേരിൽ നടക്കുന്ന പ്രക്ഷോഭം ജനങ്ങളെ ഭിന്നിപ്പിക്കാനുള്ള മുസ്​ലിം ലീഗി​െൻറയും മറ്റ്​ തീവ്രവർഗീയ പ്രസ്ഥാനങ്ങളുടെയും ഗൂഢാലോചനയാണെന്ന് ബി.ജെ.പി സംസ്​ഥാന പ്രസിഡൻറ്​ കെ. സുരേന്ദ്രൻ വാർത്തസമ്മേളനത്തിൽ ആരോപിച്ചു.

മുന്നാക്ക സംവരണത്തിനെതിരെ ആസൂത്രിത നീക്കമാണ് നടക്കുന്നത്. പിണറായി വിജയനോട് അടുപ്പമുള്ള കാന്തപുരവും ഇടതുമുന്നണിക്കൊപ്പം പ്രവർത്തിക്കുന്ന ഐ.എൻ.എല്ലും ഒരു മുന്നണിയിലുമില്ലാത്ത തീവ്രവാദ സംഘടനകളും കുഞ്ഞാലിക്കുട്ടിക്ക് പിന്നിൽ അണിനിരക്കുന്നതിൽ അസ്വാഭാവികതയുണ്ട്. ഇതിൽ കുഞ്ഞാലിക്കുട്ടിയുടെ ഇടപെടൽ ദുരൂഹമാണെന്നും അദ്ദേഹം പറഞ്ഞു.