കിണറിൽ വീണ പോത്തിനെ പോത്തിനെ രക്ഷപ്പെടുത്തി

മേപ്പയ്യൂർ (കോഴിക്കോട്​): കിണറിൽ വീണ പോത്തിനെ രക്ഷപ്പെടുത്തി. കായലാട് നെല്ലിയുള്ളതിൽ ചന്ദ്രന്‍റെ വീട്ടുവളപ്പിലാണ്​ പോത്ത്​ വീണത്​. 25 അടിയോളം താഴ്ചയുള്ളതും എട്ടടിയോളം വെള്ളമുള്ളതുമായ ആൾമറയില്ലാത്ത കിണറ്റിൽ മണ്ണിടിയുന്ന അവസ്ഥയുമായിരുന്നു.

സീനിയർ ഫയർ ആൻഡ്​ റസ്ക്യു ഓഫീസർ കെ. ദിലീപിന്‍റെ നേതൃത്വത്തിൽ സ്ഥലത്തെത്തിയ അഗ്നിരക്ഷാ സേനയിലെ ഫയർ ആൻഡ്​ റസ്ക്യു ഓഫീസർ കെ.കെ. ശിഖിലേഷാണ് സാഹസികമായി ഹോസും റോപ്പും ഉപയോഗിച്ച് രക്ഷാപ്രവർത്തനം നടത്തിയത്. വി.കെ. ഷൈജു, എ. ഷിജിത്ത്, ടി. വിജീഷ്, എസ്.ആർ. സാരംഗ്, കെ. രാജേഷ് എന്നീ സേനാംഗങ്ങളും രക്ഷാപ്രവർത്തനത്തിൽ പങ്കെടുത്തു.