സമ്പർക്കപട്ടികയിൽ വീണ്ടും രമ്യഹരിദാസ്; കെ. ബാബുവിനോടും ക്വാറൻറീനിൽ േപാകാൻ നിർദേശം  

പാലക്കാട്: കോവിഡ് സ്ഥിരീകരിച്ച പാലക്കാട് മുതലമട സ്വദേശിയുടെ സമ്പർക്ക പട്ടികയിൽ രമ്യ ഹരിദാസ് എം.പിയും നെന്മാറ എം.എൽ.എ കെ. ബാബുവും. രോഗി ചികിത്സ തേടിയ മുതലമല പ്രാഥമികാരോഗ്യകേന്ദ്രത്തിൽ മേയ് ഒമ്പതിന് ഇരുവരും സന്ദർശനം നടത്തിയിരുന്നു. 

നഴ്​സസ് ദിനാചരണ ചടങ്ങിൽ ഇവരെകൂടാതെ മുതലമട പഞ്ചായത്ത് പ്രസിഡൻറ് ബേബി സുധ, േബ്ലാക്ക്, പഞ്ചായത്ത് മെമ്പർമാർ തുടങ്ങിയവരടക്കം പൊതുപ്രവർത്തകരും ഉണ്ടായിരുന്നു. വാളയാർ പ്രതിഷേധത്തിൽ പ​​ങ്കെടുത്തതിനെ തുടർന്ന് രമ്യ ഹരിദാസ് എം.പി 12 മുതൽ മെഡിക്കൽ ബോർഡ് തീരുമാനപ്രകാരം ക്വാറൻറീനിലാണ്. 

നെന്മാറ എം.എൽ.എയുമായ കെ. ബാബുവിനോടും ക്വാറൻറീനിൽ പോകാൻ ആരോഗ്യവകുപ്പ് നിർദേശിച്ചിട്ടുണ്ട്. ജനപ്രതിനിധികളടക്കം നൂറോളം പേർ മുതലമട സ്വദേശിയുടെ സമ്പർക്കപട്ടികയിലുണ്ട്. രോഗി പാലക്കാട് ജില്ല ആശുപത്രിയിൽ ചികിത്സയിലാണ്.