റിമാൻഡ് പ്രതിയുടെ മരണം; പൊലീസിനെതിരെ കൂടുതൽ മൊഴി

ഇടുക്കി: ഹരിത ഫിനാൻസ് തട്ടിപ്പ് കേസ് പ്രതി വാഗമൺ കോലാഹലമേട് കസ്​തൂരിഭവനിൽ രാജ്കുമാർ (49) പീരുമേട് സബ്ജയിലിൽ മര ിച്ച സംഭവത്തിൽ പൊലീസിനെതിരെ കൂടുതൽ മൊഴി.​ ആദ്യം പരിശോധിച്ച ഡോക്​ടറും സബ്​ ജയിൽ സൂപ്രണ്ടുമാണ് കസ്​റ്റഡിയി ൽ​ പ്രതിക്ക്​ ക്രൂരമർദനമേറ്റെന്ന പ്രാഥമിക പോസ്​റ്റ്​മോർട്ടം റിപ്പോർട്ടിലെ കണ്ടെത്തലുകൾക്ക്​ ബലം നൽകുന് ന വെളിപ്പെടുത്തൽ​ നടത്തിയത്​​.

നിര്‍ണായക വെളിപ്പെടുത്തലുമായി ഗ്രാമപഞ്ചായത്ത് അംഗവും രംഗത്തെത്തി. തട്ടി പ്പുകേസ്​ പ്രതി രാജ്കുമാറിനെ പൊലീസിനു കൈമാറിയത് ഈ മാസം 12നാ​െണന്നും ഈ സമയം പ്രതി ആരോഗ്യവാനായിരുന്നുവെന്നും ന െടുങ്കണ്ടം പഞ്ചായത്ത് അംഗം ആലീസ് തോമസാണ്​ വെളിപ്പെടുത്തിയത്​. പ്രതിയെ ഓടിച്ച്​പിടികൂടുകയായിരുന്നെന്നും ദേഹത്തെ പരിക്കുകൾ ഇങ്ങനെ സംഭവിച്ചതാണെന്നുമായിരുന്നു പൊലീസ്​ വാദം. ഇതു പൊളിക്കുന്നതാണ്​ പഞ്ചായത്ത്​ അംഗത്തി​​​െൻറ മൊഴി. 12ന്​ പിടികൂടിയ പ്രതിയുടെ അറസ്​റ്റ്​ രേഖപ്പെടുത്തിയത്​ 16നാണ്​. ഇതോടെ അനധികൃതമായി കസ്​റ്റഡിയിൽവെച്ചെന്നും ഉറപ്പായി.

പ്രതി രാജ്കുമാറിനെ 16ന് പുലർച്ചയാണ്​ നെടുങ്കണ്ടം താലൂക്ക് ആശുപത്രിയില്‍ പൊലീസ് എത്തിച്ചത്. സ്ട്രച്ചറിലായിരുന്നുവെന്നും നടക്കാനാകാത്ത അവസ്ഥയായിരുന്നുവെന്നും പരിശോധിച്ച ഡോക്ടര്‍മാര്‍ പറയുന്നു. കാലുകള്‍ക്ക് നീര് ഉണ്ടായിരുന്നുവെന്നും ഡോക്ടര്‍മാരായ വിഷ്​ണു, പദ്​മദേവ്​ എന്നിവർ വ്യക്തമാക്കുന്നു. പ്രതി ഓടി രക്ഷപ്പെടാന്‍ ശ്രമിക്കുന്നതിനിടെ കുഴിയില്‍ വീണു എന്നാണ് പൊലീസ് പറഞ്ഞത്. ജയിലിലേക്ക്​ മാറ്റാൻ പറ്റിയ സാഹചര്യമല്ലായിരുന്നു. ഇതു കേൾക്കാതെയാണ്​ പൊലീസുകാർ കൊണ്ടുപോയതെന്നും ഡോക്​ടർമാർ വ്യക്തമാക്കുന്നു.

​പ്രതി രാജ്കുമാറിനെ ജയിലില്‍ എത്തിച്ചത് സംസാരിക്കാന്‍പോലും കഴിയാത്ത അവസ്ഥയിലായിരുന്നെന്ന് ജയില്‍ സൂപ്രണ്ട് ജി. അനില്‍കുമാര്‍ പറഞ്ഞു. രണ്ടുകാലും നീരുവെച്ചുവീങ്ങിയിരുന്നു. പൊലീസുകാര്‍ താങ്ങിയെടുത്താണ് ജയിലില്‍ കൊണ്ടുവന്നത്​. ഈ നിലയില്‍ ജയിലില്‍ പ്രവേശിപ്പിക്കാന്‍ കഴിയില്ലെന്ന് അറിയിച്ചിട്ടും വകവെക്കാതെ പൊലീസുകാര്‍ മടങ്ങിയെന്നും ജയില്‍ സൂപ്രണ്ട് പറയുന്നു.

കോട്ടയം മെഡിക്കൽ കോളജിൽ ​നടന്ന പോസ്​റ്റ്​മോർട്ടം പ്രാഥമിക റിപ്പോർട്ടിൽ പ്രതിയുടെ മരണം ന്യുമോണിയ ബാധിച്ചാണെന്ന്​ വ്യക്തമാക്കിയിട്ടുണ്ടെന്നാണ്​ പൊലീസ്​ നൽകുന്ന വിവരം. എന്നാൽ, ആന്തരികമുറിവും ചതവും മൂലമാകാം ന്യുമോണിയ ബാധയെന്ന നിഗമനം പൊലീസിനു​ ഗുണകരമല്ല. പ്രതിയുടെ മൃതദേഹത്തിൽ 32 മുറിവാണ്​ കാണപ്പെട്ടത്​. കാൽമുട്ടിനു​ താഴെയാണ്​ കൂടുതലും മുറിവുകൾ. കാൽവെള്ള തകർന്ന നിലയിലായിരുന്നു. ഇടതു കാലി​​െൻറയും കാൽവിരലുകളുടെയും അസ്​ഥികൾ പൊട്ടിയിരുന്നു. രണ്ടു കാലി​​​െൻറയും തുടയിലെ പേശികൾ വിട്ടുമാറിയിരുന്നതായും പ്രഥമിക റിപ്പോർട്ടിലുണ്ട്​.

നാലു പൊലീസുകാർക്കു കൂടി സസ്പെൻഷൻ
നെ​ടു​ങ്ക​ണ്ടം (ഇ​ടു​ക്കി): പീ​രു​മേ​ട് സ​ബ് ജ​യി​ലി​ൽ റി​മാ​ൻ​ഡ്​ പ്ര​തി വാ​ഗ​മ​ൺ കോ​ല​ഹ​ല​മേ​ട് ക​സ്തൂ​രി​ഭ​വ​നി​ൽ രാ​ജ്കു​മാ​ർ (49) മ​രി​ച്ച സം​ഭ​വ​ത്തി​ൽ നെ​ടു​ങ്ക​ണ്ടം സ്​​റ്റേ​ഷ​നി​ലെ നാ​ല്​ ഉ​ദ്യോ​ഗ​സ്​​ഥ​ർ​ക്കു കൂ​ടി സ​സ്​​പെ​ൻ​ഷ​ൻ. റൈ​റ്റ​ർ റോ​യ് പി. ​വ​ർ​ഗീ​സ്, അ​സി. റൈ​റ്റ​ർ ശ്യാം, ​സീ​നി​യ​ർ സി.​പി.​ഒ​മാ​രാ​യ സ​ന്തോ​ഷ്‌, ബി​ജു ലൂ​ക്കോ​സ് എ​ന്നി​വ​രെ​യാ​ണ് ജി​ല്ല പൊ​ലീ​സ്​ മേ​ധാ​വി സ​സ്പെ​ൻ​ഡ്​ ചെ​യ്ത​ത്. ഇ​തോ​ടെ കേ​സി​ൽ സ​സ്പെ​ൻ​ഷ​നി​ലാ​യ ഉ​ദ്യോ​ഗ​സ്​​ഥ​രു​ടെ എ​ണ്ണം എ​ട്ടാ​യി. ഒ​മ്പ​തു​പേ​രെ സ്ഥ​ലം മാ​റ്റി​യി​ട്ടു​മു​ണ്ട്. ക​ഴി​ഞ്ഞ 21നാ​ണ് രാ​ജ്കു​മാ​ർ പീ​രു​മേ​ട്​ സ​ബ്​​ജ​യി​ലി​ൽ മ​രി​ച്ച​ത്.