Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightവ​സ്തു​നി​കു​തി...

വ​സ്തു​നി​കു​തി നി​ർ​ണ​യി​ച്ച ശേ​ഷം കെട്ടിട രൂപമാറ്റം: നാളെ വരെ അറിയിക്കാം; ഭൂരിഭാഗം പേർക്കും അവസരം ലഭിച്ചില്ല

text_fields
bookmark_border
property tax
cancel

തൃ​ശൂ​ർ: വ​സ്തു​നി​കു​തി നി​ർ​ണ​യി​ച്ച ശേ​ഷം കെ​ട്ടി​ട​ത്തി​ലെ ത​റ​വി​സ്തീ​ർ​ണ​ത്തി​ൽ ഉ​ൾ​പ്പെ​ടെ മാ​റ്റം വ​രു​ത്തി​യ​ത് അ​റി​യി​ക്കാ​നു​ള്ള തീ​യ​തി തി​ങ്ക​ളാ​ഴ്ച അ​വ​സാ​നി​ക്കേ ഭൂ​രി​ഭാ​ഗം പേ​ർ​ക്കും തി​രു​ത്താ​ൻ അ​വ​സ​രം ല​ഭി​ച്ചി​ല്ല. ത​ദ്ദേ​ശ വ​കു​പ്പി​ൽ ഇ​തു സം​ബ​ന്ധി​ച്ച് വ്യ​ക്ത​ത ഇ​ല്ലാ​ത്ത​തും മാ​റ്റം അ​റി​യി​ക്കാ​നു​ള്ള 9-ബി ​ഫോ​റം വൈ​കി ല​ഭി​ച്ച​തു​മാ​ണ് കാ​ര​ണം.

മേ​യ് 10ന് ​മാ​ത്ര​മാ​ണ് ഫോ​റം ല​ഭ്യ​മാ​യ​ത്. കെ​ട്ടി​ട​ത്തി​ൽ മാ​റ്റം വ​രു​ത്തി​യ​വ​ർ സ​മ​ർ​പ്പി​ക്കേ​ണ്ട രേ​ഖ​ക​ൾ സം​ബ​ന്ധി​ച്ചും ആ​ശ​യ​ക്കു​ഴ​പ്പം നി​ല​നി​ൽ​ക്കു​ക​യാ​ണ്. നി​ർ​ദേ​ശം സം​ബ​ന്ധി​ച്ച് ഭൂ​രി​ഭാ​ഗം ​ജ​ന​ത്തി​നും അ​റി​വു​പോ​ലു​മി​ല്ലാ​ത്ത​ത് ഭാ​വി​യി​ൽ പി​ഴ​യ​ട​ക്കം ശി​ക്ഷ​ന​ട​പ​ടി​ക​ൾ​ക്ക് വ​ഴി​യൊ​രു​ക്കി​യേ​ക്കും.

വ​സ്തു​നി​കു​തി നി​ർ​ണ​യി​ക്ക​പ്പെ​ട്ട ശേ​ഷം കെ​ട്ടി​ട​ത്തി​ന്റെ ത​റ വി​സ്തീ​ർ​ണ​ത്തി​ലോ ഉ​പ​യോ​ഗ​ക്ര​മ​ത്തി​ലോ വ​രു​ത്തി​യ മാ​റ്റ​ങ്ങ​ൾ ത​ദ്ദേ​ശ സെ​ക്ര​ട്ട​റി​യെ അ​റി​യി​ക്ക​ണ​മെ​ന്ന ഉ​ത്ത​ര​വ് മാ​ർ​ച്ച് അ​വ​സാ​ന​മാ​ണ് പു​റ​ത്തി​റ​ങ്ങി​യ​ത്. ​9-ബി ​ഫോ​റം വൈ​കി​യ​തി​ന് ഒ​പ്പം സ​ർ​ക്കാ​ർ അ​റി​യി​പ്പ് സം​ബ​ന്ധി​ച്ച് ഉ​ദ്യോ​ഗ​സ്ഥ​രി​ലു​ൾ​പ്പെ​ടെ​യു​ള്ള ആ​ശ​യ​ക്കു​ഴ​പ്പം തീ​ർ​ന്നി​ട്ടു​മി​ല്ല.

ത​റ​യു​ടെ ത​രം മാ​റ്റ​ൽ, മേ​ൽ​ക്കൂ​ര​യു​ടെ ത​രം മാ​റ്റ​ൽ, ഭാ​ഗി​ക​മാ​യോ പൂ​ർ​ണ​മാ​യോ പൊ​ളി​ക്ക​ൽ, സെ​ൻ​ട്ര​ലൈ​സ്ഡ് എ.​സി സ്ഥാ​പി​ക്ക​ൽ തു​ട​ങ്ങി​യ വി​വ​ര​ങ്ങ​ളാ​ണ് ഫോ​മി​ൽ ന​ൽ​കാ​നു​ള്ള​ത്. ഹാ​ജ​റാ​ക്കു​ന്ന രേ​ഖ​ക​ൾ സം​ബ​ന്ധി​ച്ച് വി​വ​രം ചേ​ർ​ക്ക​ണ​മെ​ന്നു​ണ്ടെ​ങ്കി​ലും അ​വ ഏ​തൊ​ക്കെ​യെ​ന്ന് നി​ഷ്ക​ർ​ഷി​ച്ചി​ട്ടി​ല്ല. പ​ഞ്ചാ​യ​ത്തു​ക​ളി​ൽ 2013 ഏ​പ്രി​ൽ ഒ​ന്നി​നും ന​ഗ​ര​സ​ഭ​ക​ളി​ൽ 2016 ഏ​പ്രി​ൽ ഒ​ന്നി​നു​മാ​ണ് വ​സ്തു​നി​കു​തി അ​വ​സാ​ന​മാ​യി പു​തു​ക്കി​യ​ത്.

ഇ​വ നി​ർ​ണ​യി​ച്ച ശേ​ഷം കൂ​ട്ടി​ച്ചേ​ർ​ക്ക​ൽ ന​ട​ത്തു​ന്ന​വ​ർ 30 ദി​വ​സ​ത്തി​ന​കം രേ​ഖ​മൂ​ലം സെ​ക്ര​ട്ട​റി​യെ അ​റി​യി​ക്ക​ണ​മെ​ന്നാ​ണ് ച​ട്ടം. 2013ന് ​മു​മ്പു വ​രെ വി​സ്തീ​ർ​ണം ക​ണ​ക്കി​ലെ​ടു​ക്കാ​തെ ഉ​പ​യോ​ഗം നി​ശ്ച​യി​ച്ച് കെ​ട്ടി​ട​ത്തി​ന് കി​ട്ടു​മാ​യി​രു​ന്ന വാ​ട​ക നി​ശ്ച​യി​ച്ചാ​ണ് നി​കു​തി ഈ​ടാ​ക്കി​യി​രു​ന്ന​ത്.

2013ൽ ​പ്ലി​ന്ത് ഏ​രി​യ ക​ണ​ക്കാ​ക്കി നി​കു​തി പു​തു​ക്കി​യെ​ങ്കി​ലും മാ​റ്റം പൊ​തു​ജ​ന​ങ്ങ​ളെ അ​റി​യി​ച്ചി​ല്ലെ​ന്ന് മാ​ത്ര​മ​ല്ല ജീ​വ​ന​ക്കാ​രു​ടെ കു​റ​വു​മൂ​ലം പ​രി​ശോ​ധി​ച്ചു​മി​ല്ല. ഇ​പ്പോ​ൾ ത​ദ്ദേ​ശ​സ്ഥാ​പ​ന​ങ്ങ​ളു​ടെ വ​രു​മാ​നം വ​ർ​ധി​പ്പി​ക്കാ​നു​ള്ള ശ്ര​മ​ത്തി​ന്റെ ഭാ​ഗ​മാ​യി നി​കു​തി പ​രി​ഷ്ക​ര​ണ​ത്തി​ൽ ഇ​ത് ഉ​ൾ​പ്പെ​ടു​ത്തു​ക​യാ​യി​രു​ന്നു.

കെ​ട്ടി​ട ഉ​ട​മ ന​ൽ​കു​ന്ന വി​വ​രം അ​റി​യി​ച്ചാ​ലും ഇ​ല്ലെ​ങ്കി​ലും പ​രി​ശോ​ധ​ന ന​ട​ത്താ​ൻ ഐ.​ടി.​ഐ, ഡി​േ​പ്ലാ​മ യോ​ഗ്യ​ത​യു​ള്ള​വ​രു​ടെ സം​ഘ​ത്തെ നി​യോ​ഗി​ക്കാ​നാ​ണ് ത​ദ്ദേ​ശ​വ​കു​പ്പ് നി​ർ​ദേ​ശം. ഇ​വ​ർ വീ​ടു​ക​ളി​ലെ​ത്തി ന​ട​ത്തു​ന്ന പ​രി​ശോ​ധ​ന​ക്കു ശേ​ഷം 10 ശ​ത​മാ​നം കെ​ട്ടി​ട​ങ്ങ​ളി​ൽ ഉ​ദ്യോ​ഗ​സ്ഥ​ത​ല പ​രി​ശോ​ധ​ന​യും ന​ട​ക്കും.

പ​രി​ശോ​ധ​ന​യി​ൽ 25 ശ​ത​മാ​ന​ത്തി​ൽ കൂ​ടു​ത​ൽ വി​വ​ര​ങ്ങ​ളി​ൽ വ്യ​ത്യാ​സ​മു​ണ്ടാ​യാ​ൽ മു​ഴു​വ​ൻ കെ​ട്ടി​ട​ങ്ങ​ളു​ടെ​യും വി​വ​ര​ശേ​ഖ​ര​ണം ന​ട​ത്ത​ണ​ം. തു​ട​ർ​ന്ന് തെ​റ്റാ​യി വി​വ​രം ന​ൽ​കു​ന്ന​വ​ർ​ക്ക് പി​ഴ​ശി​ക്ഷ​യും നി​ർ​ദേ​ശി​ച്ചി​ട്ടു​ണ്ട്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:conversionbuildingProperty Tax
News Summary - Remainder of property tax- determined- Building conversion
Next Story