ക്യാമ്പിലുള്ളവരെ നിർബന്ധപൂർവം പറഞ്ഞയക്കില്ല -വി.എസ്​ സുനിൽ കുമാർ

കൊച്ചി: സ്കൂളുകളിലെ ദുരിതാശ്വാസ ക്യാമ്പുകളിൽ കഴിയുന്നവരെ നിർബന്ധപൂർവ്വം പറഞ്ഞയക്കില്ലെന്ന് കൃഷി​ മന്ത്രി വി. എസ്​. സുനിൽ കുമാർ. ക്യാമ്പിലുള്ളവരുടെ പുനരധിവാസം സർക്കാർ ഉറപ്പാക്കും. ധനസഹായം സംബന്ധിച്ച ആശങ്ക വേ​ണ്ടെന്നും മന്ത്രി പറഞ്ഞു.

നടപടിക്രമങ്ങളിലെ കാലതാമസമാണ്​ പണം നൽകുന്നത്​ വൈകുന്നത്. സ്​കൂൾ തുറക്കേണ്ടിവന്നാൽ ക്യാമ്പിലുള്ളവർക്ക്​ മറ്റ്​ താമസ സ്ഥലങ്ങൾ ഒരുക്കുമെന്നും മന്ത്രി കൂട്ടിച്ചേർത്തു.

അതേസമ‍യം, ദുരിതാശ്വാസ ക്യാമ്പുകൾ പ്രവർത്തിക്കുന്ന സ്​കൂളുകൾ ഒാണാവധി കഴിഞ്ഞ്​ തുറക്കുന്നത്​ നീട്ടണമെന്ന്​ വി.ഡി സതീശൻ എം.എൽ.എ ആവശ്യപ്പെട്ടു. ക്യാമ്പുകളിലുള്ളവർക്ക്​ ഭക്ഷണക്കിറ്റും ധനസഹായവും ഉടൻ എത്തിക്കണമെന്നും അദ്ദേഹം അറിയിച്ചു.