അ​ല​ൻ ഷു​ഹൈ​ബിന്‍റെയും താ​ഹ ഫ​സ​ലിന്‍റെയും മോചനം; വിയ്യൂരിൽ അതിസുരക്ഷ

തൃ​ശൂ​ർ: പ​ന്തീ​രാ​ങ്കാ​വ് യു.​എ.​പി.​എ കേ​സി​ൽ അ​റ​സ്​​റ്റി​ലാ​യി ത​ട​വി​ൽ ക​ഴി​യു​ന്ന വ്യാ​ഴാ​ഴ്ച ജ​യി​ൽ മോ​ചി​ത​രാ​കുന്നതി​െൻറ ഭാഗമായി വി​യ്യൂ​രി​ലെ അ​തി​സു​ര​ക്ഷ ജ​യി​ലി​ൽ സുരക്ഷ കർശനമാക്കി.അ​നി​ഷ്​​ട സം​ഭ​വ​ങ്ങ​ൾ ഒ​ഴി​വാ​ക്കാ​നാണ്​ സു​ര​ക്ഷ വ​ർ​ധി​പ്പി​ച്ചത്. അതോടൊപ്പം പ​ട്രോ​ളി​ങും ശ​ക്ത​മാ​ക്കി.

ബു​ധ​നാ​ഴ്ച രാ​വി​ലെ എ​ൻ.​ഐ.​എ കോ​ട​തി ജാ​മ്യം അ​നു​വ​ദി​ച്ചെ​ങ്കി​ലും ഉ​ത്ത​ര​വും ജാ​മ്യ​വ്യ​വ​സ്ഥ​യി​ലെ ബോ​ണ്ട് ത​യാ​റാ​ക്ക​ലും വൈ​കി​യ​തോടെ അ​ല​​െൻറയും താ​ഹയുടെയും മോ​ച​നം വ്യാ​ഴാ​ഴ്ച​യി​ലേ​ക്ക് നീ​ണ്ടു. സ്വാ​ത​ന്ത്ര്യ ദി​ന​ത്തി​ൽ മാ​വോ​വാ​ദി​ക​ൾ ബ​ഹ​ള​മു​ണ്ടാ​ക്കു​ക​യും ചടങ്ങ്​ ബ​ഹി​ഷ്ക​രി​ക്കു​ക​യും ചെ​യ്ത വി​വാ​ദ​മു​ണ്ടാ​യ​പ്പോ​ഴും അ​ല​നും താ​ഹ​യും ജ​യി​ൽ ന​ട​പ​ടി​ക​ളു​മാ​യി സ​ഹ​ക​രി​ച്ചി​രു​ന്നെ​ന്നാ​ണ്​ ജ​യി​ൽ അ​ധി​കൃ​ത​രു​ടെ റി​പ്പോ​ർ​ട്ട്.

സ്വ​പ്ന സു​രേ​ഷ​ട​ക്ക​മു​ള്ള സ്വ​ർ​ണ​ക്ക​ട​ത്ത് കേ​സി​ലെ പ്ര​തി​ക​ളെ വി​യ്യൂ​രി​ലേ​ക്ക്​ മാ​റ്റി​യ​തോ​ടെ ഇ​വി​ടെ സു​ര​ക്ഷ വ​ർ​ധി​പ്പി​ച്ചി​രു​ന്നു. ക​ഴി​ഞ്ഞ ദി​വ​സം മാ​വോ​വാ​ദി ഡാ​നി​ഷ് ജാ​മ്യ​ത്തി​ലി​റ​ങ്ങി​യ ഉ​ട​ൻ കോ​ഴി​ക്കോ​ട്ടു​നി​ന്നു​ള്ള എ.​ടി.​എ​സ് സം​ഘം അ​റ​സ്​​റ്റ്​ രേ​ഖ​പ്പെ​ടു​ത്തി​യ​പ്പോ​ൾ മ​നു​ഷ്യാ​വ​കാ​ശ-​പൗ​ര​വാ​കാ​ശ പ്ര​വ​ർ​ത്ത​ക​ർ മു​ദ്രാ​വാ​ക്യം വി​ളി​ച്ചി​രു​ന്നു. അ​ല​നും താ​ഹക്കും ജാ​മ്യം ല​ഭി​ച്ച​ത​റി​ഞ്ഞ​പ്പോ​ൾ ചി​ല മ​നു​ഷ്യാ​വ​കാ​ശ പ്ര​വ​ർ​ത്ത​ക​ർ ജ​യി​ൽ പ​രി​സ​ര​ത്ത് എ​ത്തി​യി​രു​ന്നു.