Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകനത്ത മഴയ്ക്ക് സാധ്യത; ...

കനത്ത മഴയ്ക്ക് സാധ്യത; രണ്ട് ജില്ലകളില്‍ റെഡ് അലര്‍ട്ട്, ആറുമരണം

text_fields
bookmark_border
കനത്ത മഴയ്ക്ക് സാധ്യത; രണ്ട് ജില്ലകളില്‍ റെഡ് അലര്‍ട്ട്, ആറുമരണം
cancel
camera_alt

കടൽ​​ക്ഷോഭം രൂക്ഷമായ കണ്ണൂർ തയ്യിലിൽ വീടുകൾക്ക്​നേരെ തിരമാല അടിച്ചു കയറുന്നു 

തിരുവനന്തപുരം: കനത്ത മഴതുടരുന്ന സംസ്ഥാനത്ത് കാലവർഷ​ക്കെടുതിയിൽ ആറുപേർ മരിച്ചു. രണ്ട്​ ജില്ലകളിൽ കേന്ദ്ര കാലാവസ്ഥ നിരീക്ഷണകേന്ദ്രം റെഡ്​ അലർട്ട്​ പ്രഖ്യാപിച്ചു. കോഴിക്കോട്, വയനാട് ജില്ലകളിലാണ്​ റെഡ‍് അലര്‍ട്ട് പ്രഖ്യാപിച്ചത്​. എറണാകുളം മുതല്‍ കാസര്‍കോട് വരെയുള്ള മറ്റ് വടക്കന്‍ ജില്ലകളില്‍ ഓറഞ്ച് അലര്‍ട്ടായിരിക്കും. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം ജില്ലകളില്‍ യെല്ലോ അലര്‍ട്ടും പ്രഖ്യാപിച്ചിട്ടുണ്ട്

കേരളം ഉൾപ്പെടെ പത്ത് സംസ്ഥാനങ്ങൾക്ക്​ കേന്ദ്ര ജല കമ്മീഷൻ വെള്ളപ്പൊക്ക സാധ്യത മുന്നറിയിപ്പ് നൽകിയിട്ടുണ്ട്​. ഗുജറാത്ത്, മഹാരാഷ്ട്ര, ഗോവ, തീരദേശ കർണാടക എന്നിവിടങ്ങളിൽ വെള്ളപ്പൊക്കം ശക്​തമാകുമെന്നാണ്​ സൂചന. പ്രളയഭീതി കണക്കിലെടുത്ത്​ ദേശീയ ദുരന്തനിവാരണ സേനയുടെ (എൻ.ഡി.ആര്‍.എഫ്) രണ്ട് യൂനിറ്റുകള്‍ കൂടി ഇന്ന് കേരളത്തിലെത്തും. ഇന്നലെ നാല് യൂനിറ്റുകള്‍ എത്തിയിരുന്നു.

ആറുമരണം; രണ്ടുപേരെ കാണാതായി

കാലവർഷക്കെടുതിയിൽ വയനാട്ടിൽ രണ്ട് കുട്ടികളുള്‍പ്പെടെ സംസ്​ഥാനത്ത്​ ആറുപേര്‍ മരിച്ചു. തിരുവനന്തപുരത്ത് മരം കടപുഴകി ഇലക്ട്രിസിറ്റി ഓഫീസ്​ ജീവനക്കാരനും എറണാകുളത്ത്​ വഞ്ചി മുങ്ങി മത്സ്യത്തൊഴിലാളിയും മലപ്പുറത്ത്​ കടലിൽ ഒരാളും ഒഴുക്കിൽപെട്ട്​ ഒരാളുമാണ്​ മരിച്ചത്​.


തിരുവനന്തപുരത്ത് മരം കടപുഴകി നെടുമങ്ങാട് ഇലക്ട്രിസിറ്റി ഓഫീസിലെ ജീവനക്കാരന്‍ കുളപ്പട സ്വദേശി അജയന്‍ ആണ് മരിച്ചത്. ബൈക്കിൽ ജോലി സ്ഥലത്തേക്ക് വരുമ്പോഴായിരുന്നു അപകടം. എറണാകുളം എളങ്കുന്നപ്പുഴയില്‍ ഇന്നലെ വഞ്ചി മുങ്ങി കാണാതായ മൂന്നുപേരിൽ ഒരാളുടെ മൃതദേഹം ഇന്ന്​ രാവിലെയാണ്​ കണ്ടെത്തിയത്​. നായരമ്പലം സ്വദേശി സന്തോഷ്​ ആണ്​ മരിച്ചത്​​. കാണാതായ സജീവൻ, സിദ്ധാർഥ്​ എന്നിവർക്ക്​ വേണ്ടി തിരച്ചിൽ തുടരുകയാണ്​.

വയനാട് വാളാട് മരം വീണ് ആറ് വയസുകാരി ജ്യോതികയും കുറിച്യർമലയില്‍ തോട്ടിലെ ഒഴുക്കിൽപ്പെട്ട് വെങ്ങാത്തോട് കോളനിയിൽ അഞ്ച് വയസുകാരി ഉണ്ണിമായയും മരിച്ചു. മലപ്പുറം കൂട്ടായിയില്‍ കടലില്‍ വള്ളംമുങ്ങി കാണാതായ സിദ്ദിഖിന്‍റെ മൃതദേഹം എറണാകുളം വൈപ്പിനിൽ കണ്ടെത്തി. മലപ്പുറത്ത്​ തന്നെ എടവണ്ണ പത്തപ്പിരിയം കലന്തിയില്‍ കോളനിയിലെ സാബുവിനെ തോട്ടില്‍ മരിച്ചനിലയിലും കണ്ടെത്തി.


മത്സ്യത്തൊഴിലാളികള്‍ കടലില്‍ പോകരുത്​

ശക്​തമായ കാറ്റിനും തിരമാലക്കും സാധ്യതയുള്ളതിനാൽ മത്സ്യത്തൊഴിലാളികള്‍ കടലില്‍ പോകരുതെന്നും കാലവസ്ഥ നിരീക്ഷണകേന്ദ്രം മുന്നറിയിപ്പ് നല്‍കിയിട്ടുണ്ട്. പല നദികളും കരകവിഞ്ഞൊഴുകുകയാണ്​.

ശക്​തമായ മഴയിലും കാറ്റിലും വൈദ്യുതി വിതരണം വ്യാപകമായി തടസ്സപ്പെട്ടു. കോവിഡ് പ്രോട്ടോകോൾ പാലിച്ചുകൊണ്ട്‌ മാത്രമേ വൈദ്യുതി പുനഃസ്ഥാപിക്കുന്ന പ്രവർത്തനങ്ങൾ നടത്താൻ കഴിയൂ എന്നത്​ വെല്ലുവിളിയാകുന്നുണ്ട്​. 11കെവി ലൈനിലെ തകരാറുകൾ പരിഹരിക്കുന്നതിനാണു മുൻഗണന നൽകുക. തുടർന്ന് ലോ ടെൻഷൻ ലൈനുകളും വ്യക്തിഗത പ്രശ്​നങ്ങളും പരിഹരിക്കും.

വയനാട്ടിൽ മണ്ണിടിച്ചിൽ; മഴ കനക്കുന്നു, അതിജാഗ്രത

കഴിഞ്ഞ വർഷം പ്രളയവും ഉരുൾപൊട്ടലും വൻ നാശനഷ്​ടം വിതച്ച വയനാട്ടില്‍ കടുത്ത ജാഗ്രതയിലാണ്​ ജില്ല ഭരണകൂടവും ജനങ്ങളും. കാരാപ്പുഴ അണക്കെട്ടിന്‍റെ മൂന്ന് ഷട്ടറുകൾ ഉയർത്തി അധികവെള്ളം തുറന്ന് വിടാൻ തുടങ്ങി.

റെഡ്​ അലർട്ട്​ പ്രഖ്യാപിച്ച ജില്ലയിൽ 16 ദുരിതാശ്വാസ ക്യാംപുകൾ ഇതിനകം തുറന്നിട്ടുണ്ട്​. ഉരുൾപൊട്ടൽ വെള്ളപൊക്ക ഭീഷണി നിലനിൽക്കുന്ന പ്രദേശങ്ങളിലെ നിരവധി കുടുംബങ്ങളെ മാറ്റിപാർപ്പിച്ചു. കോവിഡ്​ മുൻകരുതൽ പാലിച്ച്​ മാത്രമേ ക്യാമ്പുകളിൽ ആളുകളെ താമസിപ്പിക്കാൻ സാധിക്കുകയുള്ളൂ. കോവിഡ് രോഗികളുമായി സമ്പർക്കമുള്ളവരെയും കണ്ടെയിൻമെൻറ്​ സോണിലുള്ളവരെയും പ്രത്യേകം മുറികളിൽ താമസിപ്പിക്കുമെന്ന് ജില്ലാ കലക്ടർ അദീല അബ്​ദുല്ല അറിയിച്ചു.

2019ൽ ഉരുൾപൊട്ടലുണ്ടായ മേപ്പാടി ചൂരൽമലയിലാണ്​ കഴിഞ്ഞ ദിവസം കൂടുതൽ മഴ പെയ്​തത്​. മേപ്പാടി പുത്തുമല മേഖലയിൽ 390 മില്ലിമീറ്റർ മഴ രേഖപ്പെടുത്തി. ബാണാസുര സാഗർ വൃഷ്ടിപ്രദേശത്ത് 178 മില്ലിമീറ്റർ മഴ ലഭിച്ചു.



ഇടുക്കിയിൽ ജാഗ്രതാ നിർദേശം

ബുധനാഴ്​ച റെഡ്​ അലർട്ട്​ പ്രഖ്യാപിച്ച ഇടുക്കി ജില്ലയിൽ പൊതുജനം ജാഗ്രത പാലിക്കണമെന്ന്​ കലക്​ടർ എച്ച്​. ദിനേശൻ അറിയിച്ചു. ജലനിരപ്പ് ഉയരുന്ന സാഹചര്യത്തിൽ ഇന്നലെ ഉച്ചക്ക് 01:00 മണി മുതൽ കല്ലാർ ഡാമി​െൻറ 2 ഷട്ടറുകൾ 10 സെ.മീ ഉയർത്തി 10 ക്യുമെക്സ് വരെ ജലം പുറത്തുവിടുന്നുണ്ട്​. നദികളുടെ ഇരുകരകളിലുമുള്ളവർ ജാഗ്രത പാലിക്കണമെന്നും കലക്​ടർ അറിയിച്ചു.

ഇരുവഴിഞ്ഞിപ്പുഴയും ചാലിയാറും കരകവിഞ്ഞു

കോഴിക്കോട് ജില്ലയിൽ ഇരുവഴിഞ്ഞിപ്പുഴയും ചാലിയാർ പുഴയും കരകവിഞ്ഞൊഴുകി. വെള്ളം കയറാൻ സാധ്യതയുള്ള വീടുകളിൽ നിന്നും ആളുകളെ മാറ്റി. പ്രദേശവാസികൾ ജാഗ്രത പാലിക്കണമെന്ന് ജില്ലാ ഭരണകൂടം ആവശ്യപ്പെട്ടു.


കലിതുള്ളി ചാലിയാർ: കവണകല്ല്​ റെഗുലേറ്റർ കം ബ്രിഡ്ജിനു സമീപത്തെ കാഴ്ച

ജില്ലയിൽ പലസ്​ഥലങ്ങളിലും ഇപ്പോഴും മഴ ശക്തമായി തുടരുകയാണ്. ചെമ്പ് കടവ് പാലം വെള്ളത്തിൽ മുങ്ങി. മലയോരമേഖലയായ തുഷാരഗിരി അടിവാരം റോഡിൽ ​ ഗതാഗതം സ്തംഭിച്ചു.

മ​ല​പ്പു​റത്ത്​ പരക്കെ നാശം

ശ​ക്​​ത​മാ​യ കാ​റ്റി​ലും മ​ഴ​യി​ലും മലപ്പുറം ജില്ലയിൽ പ​ര​ക്കെ നാ​ശം. ക​ട​ലു​ണ്ടി​പ്പു​ഴ​യി​ൽ ജ​ല നി​ര​പ്പു​യ​ർ​ന്ന​ത്​ പ്ര​ള​യ ഭീ​ഷ​ണി​യു​മു​യ​ർ​ത്തി​യി​ട്ടു​ണ്ട്. മ​ഴ തു​ട​ർ​ന്നാ​ൽ താ​ഴ്​​ന്ന പ്ര​ദേ​ശ​ങ്ങ​ളു​ൾ​പ്പെ​ടെ വെ​ള്ള​ത്തി​ന​ടി​യി​ലാ​വും.മ​ര​ങ്ങ​ളും കൊ​മ്പു​ക​ളും വീണ്​ നി​ര​വ​ധി വീ​ടു​ക​ൾ ഭാ​ഗി​ക​മാ​യി ത​ക​ർ​ന്നു. കൃ​ഷി നാ​ശ​വും വ്യാ​പ​ക​മാ​ണ്. പലയിടത്തും മ​രം വീ​ണ് റോ​ഡു​ക​ളി​ൽ ഗ​താ​ഗ​തം സ്​​തം​ഭി​ച്ചു. അ​ഗ്​​നി​ര​ക്ഷ സേ​ന എ​ത്തി​യാ​ണ്​ പു​നഃ​സ്ഥാ​പി​ച്ച​ത്.

നിലമ്പൂർ മേഖലയിൽ കനത്തമഴ തുടരുകയാണ്. മുണ്ടേരിയിലെ മരപ്പാലം ഒലിച്ചുപോയി. കഴിഞ്ഞ പ്രളയത്തിൽ പാലം ഒലിച്ചു പോയ ശേഷം സ്ഥാപിച്ച മുളപ്പാലമാണ് ഒലിച്ചു പോയത്. ഇതോടെ ഇരുട്ടുകുത്തി വാണിയമ്പലം, കുമ്പളപ്പാറ, തരിപ്പപൊട്ടി കോളനികൾ ഒറ്റപ്പെട്ടു. അരീക്കോട് തെരട്ടമ്മൽ - മൂർക്കനാട് റോഡ് വെള്ളം കയറി ഗതാഗതം തടസപെട്ടു.

പുന്നപ്പുഴ, കാഞ്ഞിരപ്പുഴ, ചാലിയാർ പുഴകൾ പലയിടത്തും കരകവിഞ്ഞൊഴുകുന്നു. ഭൂതാനം, പൂളപ്പാടം, എരുമമുണ്ട സ്കൂളുകളിൽ ദുരിതാശ്വാസ ക്യാമ്പുകൾ തുറന്നു. നിലമ്പൂർ ജനതപടിയിൽ സംസ്ഥാന പാതയിൽ വെള്ളം കയറി. കോഴിക്കോട്-നിലമ്പൂർ - ഗൂഡല്ലൂർ റോഡിൽ ഗതാഗതം തടസപ്പെട്ടു.

എറണാകുളത്ത്​ താഴ്ന്ന പ്രദേശങ്ങളിലുള്ളവർ ജാഗ്രത പാലിക്കണം

എറണാകുളം ജില്ലയിലെ താഴ്ന്ന പ്രദേശങ്ങളിലും പുഴക്കരകളിലും ഉള്ളവർ ജാഗ്രത പാലിക്കണമെന്ന് ജില്ലാ ഭരണകൂടം നിർദേശം നൽകി. കാളിയാർ, തൊടുപുഴയാർ, കോതമംഗലം പുഴ എന്നീ നദികളിൽ ജലനിരപ്പ് ഉയരുന്നുണ്ട്​. ഇവിടങ്ങളിൽ പ്രളയ മുന്നറിയിപ്പ് നൽകുന്നതിനുള്ള ജലനിരപ്പിന് അടുത്തെത്തിയെന്ന് ജില്ലാ ഭരണകൂടം അറിയിച്ചു. കിഴക്കൻ മേഖലയിൽ ഉരുൾപൊട്ടൽ സാധ്യതയുള്ള സ്ഥലങ്ങളിൽ നിന്നും ആളുകളെ മാറ്റിപ്പാർപ്പിക്കാൻ ഉടൻ നടപടിയെടുക്കും.

കണ്ണൂരിൽ 156 വീ​ടു​ക​ൾക്ക്​ നാശനഷ്​ടം

ക​ണ്ണൂ​ർ ജി​ല്ല​യി​ൽ ശ​ക്​​ത​മാ​യ മ​ഴ​യി​ലും ചു​ഴ​ലി​ക്കാ​റ്റി​ലും വ്യാ​പ​ക നാ​ശം. കാ​ല​വ​ർ​ഷ​ക്കെ​ടു​തി​യി​ൽ ര​ണ്ട്​ ദി​വ​സ​ങ്ങ​ളി​ലാ​യി 156 വീ​ടു​ക​ൾക്ക്​ നാശനഷ്​ടം നേരിട്ടു. മൂ​ന്നു​പേ​ർ​ക്ക്​ പ​രി​ക്കേ​റ്റു. ചു​ഴ​ലി​ക്കാ​റ്റി​ൽ പ​ര​ക്കെ കൃ​ഷി നാ​ശ​വും സം​ഭ​വി​ച്ചു. ആ​യി​ക്ക​ര, അ​ഴീ​ക്ക​ൽ ക​ട​പ്പു​റ​ങ്ങ​ളി​ൽ ശ​ക്​​ത​മാ​യ തി​ര​യേ​റ്റം അ​നു​ഭ​വ​പ്പെ​ട്ടു. ഇ​തോ​ടെ ക​ട​ലോ​ര​വാ​സി​ക​ൾ ഭീ​തി​യോ​ടെ​യാ​ണ്​ ക​ഴി​യു​ന്ന​ത്.

ക​ഴി​ഞ്ഞ​വ​ർ​ഷ​ങ്ങ​ളി​ൽ പ്ര​ള​യം നേ​രി​ട്ട കേ​ള​കം, കൊ​ട്ടി​യൂ​ർ, ആ​റ​ളം, അ​യ്യ​ങ്കു​ന്ന് പ​ഞ്ചാ​യ​ത്തു​ക​ളി​ലെ മ​ല​യോ​ര പ്ര​ദേ​ശ​ങ്ങ​ളാണ്​ മ​ല​യി​ടി​ച്ചി​ൽ ഭീ​ഷ​ണി​യി​ലാണ്​​. മേ​ഖ​ല​യി​ലെ പു​ഴ​ക​ളി​ൽ ജ​ല​വി​താ​നം ഉ​യ​ർ​ന്നി​ട്ടു​ണ്ട്. മ​ഴ ക​ന​ത്ത് പെ​യ്യു​ന്ന​തി​നാ​ൽ കൊ​ട്ടി​യൂ​ർ-​വ​യ​നാ​ട്, നി​ടും​പൊ​യി​ൽ -വ​യ​നാ​ട് ചു​രം റോ​ഡു​ക​ളി​ൽ ജാ​ഗ്ര​ത വേ​ണ​മെ​ന്ന് അ​ധി​കൃ​ത​ർ അ​റി​യി​ച്ചു.

മ​ല​യ​ടി​വാ​ര​ങ്ങ​ളി​ൽ താ​മ​സി​ക്കു​ന്ന​വ​ർ ഉ​രു​ൾ​പൊ​ട്ട​ൽ ഭീ​തി​യി​ലാ​ണ്. ക​ഴി​ഞ്ഞ​വ​ർ​ഷം ഭൂ​മി​യി​ൽ വി​ള്ള​ൽ വീ​ഴു​ക​യും ഭൂ​മി ഇ​ടി​ഞ്ഞു​താ​ഴു​ക​യും ഉ​രു​ൾ​പൊ​ട്ട​ൽ പ​ര​മ്പ​ര​ക​ളു​മു​ണ്ടാ​യ നെ​ല്ലി​യോ​ടി, ച​പ്പ​മ​ല, ശാ​ന്തി​ഗി​രി പ്ര​ദേ​ശ​ങ്ങ​ളി​ലെ ജ​ന​ങ്ങ​ളാ​ണ്​ കൂ​ടു​ത​ൽ ഭീ​തി​യി​ൽ.

Show Full Article
TAGS:kerala flood kerala rain rain flood 
Next Story